Etiketaren artxiboa: unibertsitatea

DIGIPEN INSTITUTE OF TECHNOLOGY EUROPE-BILBAO

Utzi erantzuna

Zorionekoak euskaldunak. Badirudi 2010.urtean DigiPen enpresa famatuak Bilbon gune bat irekitzeko prest dagoela.

DigiPen bideojokuen sorkuntzan ezaguna den enpresa Estatu Batuarra dugu, Bilbon irekiko du bere Europako lehen gunea, gaur egun, Seattle, Singapur, Korea edo ta Libanon zenbait gune dituelarik.

Aipatu beharra dago, DigiPen Nintendo bezalako handiekin ibiltzen dela elkarlanean, eta badirudi beraien eskoletan ikasten duen jende askotxok Nintendon lanean amaitzen duela. Badirudi Bilbon 4 urtetako gradu ikasketak egiteko aukera izango dugula eta diotenez bertan bideojokoak egiteko europako pertsonarik prestuenak irtengo direla. Zenbat balioko duen kurtso batek? Horixe galdetzen dio jende askok bere buruari. Zein hizkuntzatan emango dira klaseak? Batzuek inglesez diote, beste batzuk gazteleraz, oraingoz zurrumurruak han-hemenka dabiltza.

Comairrek, DigiPengo zuzendaria, dioenez beraien helburua 8 urte barru DigiPen Institute of Technology Europe-Bilbaok 800-1000 ikasle eta 200 irakasle inguru izatea da.

Badirudi aurtengo udan zenbait kurtso antolatuko dituztela, Wii, DS eta iPhone bezalakoentzat bideojokoak sortzeko asmoarekin.

Argi dago gaur egun krisi garaietan gaudela, baina badirudi DigiPen eta Bilboko Merkataritza Ganberak ez diotela beldurrik.

PIXUKIDEAK 2.0, PIXUKIDE BILA 2009/2010

Utzi erantzuna

Joan den urtean pixukide bila ibili ginen eta ez zitzaigun asko kostatu pixukide bat lortzea; baina aurten asuntua guztiz ezberdina da. Ikasle pixuan 4 pertsona aurkitzen ginen eta urteak pasa diren moduan jendeak aurrera egin du bere ikasketetan, gauzak horrela hiruetako bat Suezia aldera joango da erasmusean, ikasketak luzatzeko asmoz; gainera titulu bikoitza jasoko du. Beste biak proiektuekin dabiltza jada eta ez dute Bilbon jarraitzeko gogorik, nahiago dute beraien etxe inguruan lan egitea, alegia, Gasteiz eta Donostia inguruetan, jakina baita herri txikietan zail dagoela injenieritza munduan lan egitea.

Horrela 4 ikasleko pixu batean pertsona bakar bat egotearen egoerara iritsi naiz, hurrengo urterako jada badaukat Bilbora iritsi nintzenean ezagutu nuen lagun bat, gaur egun Doktoretza ikasketak egin dabilena, Leioa aldean, ondorioz 2 gela hutsik izango ditugu hurrengo ikasturtean 2009/2010.

Oraindik ez ditugu Unibertsitateak paperez bete, baina joan den urtean sortu genuen email kontuan, pixukideak(arroba)gmail(puntu)com, zenbait  emilio jaso ditugu. Lehenik internet bidez saiatzen ari gara, zenbait lekuetan iragarkiak jarriz, duela urte bat ere lan hau egin genuen eta berriro ere leku horietan zenbait iragarki jarri ditugu. Bestalde euskal webguneetan ere, iragarkilaburrak esaterako iragarkiak jarri ditugu,jende euskalduna aurkituko dugun esperantzaz. Amaitzeko puri purian dagoen Facebook edo ta Tuenti sareetan kontuak sortu ditugu, pixuko zenbait argazki eta informazio ezarriz; behintzat pixu etorri nahi duenak lehen kontaktu bat izan dezan, aipatu beharra dago, honi esker guk ere zertxobait jakingo dugula etorri nahi duten pixukideei buruz.

Besterik gabe, Facebook sarean Piso Autonomia Bilbo ezizena erabiltzen dugu eta Tuentian aldiz, Piso Autonomia beraz badakizue oraintxe bertan 3 bide ezberdin dituzue Pixukideak 2.0n parte hartzeko.

Eta nork esango lieke gure gurasoei pixukideak horrela bilatuko genituela?

ESTERTORES

2 erantzun

Estertores horixe da Unibertsitateko lagun batzuek atera duten azken proiektua. Ez, ez da proiektu informatikoa edo ta teknologia berriekin loturikoa, baizik eta letren munduarekin eta literaturarekin; bai harritzekoa baina zenbait injeniarik ere idaztea eta irakurtzea maite dugu.

Oraingoz  # 1 Resaca izeneko lana bakarrik atera dute, jeisteko moduan dago beraien webgunean .pdf formatuan, pena merezi du irakurtzeak. Dirudienez, paperean ere inprimatu dituzte zenbait ale, horrela Gasteiz eta Bilbo bezelako hirietako leku bitxietan utzi dituztelarik; lasai asko pasatzen den jendeak har eta irakur ditzan; fanzine baten moduan edo.

Gaur egun gaztelaniaz idazten den proiektu irekia da, beraiekin kontatuan jarriz gero parte hartzeko aukera izanez. Benetan aberasgarriak iruditzen zaizkit horrelako proiektu alternatiboak; idazleek kudeatutako proiektua, ilusioz hasitako proiektuak; espero dezagun aurrera jarraitzea.

Posiblea izango litzateke horrelako zerbait euskaraz egitea? Estertoresekin indarrak batu? Euskarazko proiektu berria sortu? Ozen oihu egiten dut euskal blogosferara, erantzunen bat entzuteko esperantzaz.

BOLOGNIA DEUSTUKO UNIBERTSITATERA DATOR

Utzi erantzuna

Iritsi da. Bolognia. Azken urteetan zenbait froga egin ditugu ESIDEn Bolognako plana dela eta; baina guzti hau irakasle eta ikasleen artean geratzen zen. Oraingoan gogor etorri da Bolognia Deustuko Unibertsitateara. Egutegiak aldatu dituzte, azterketa garaiak aurreratu, nahiz eta ESIDEkoei gauzak asko ez aldatu, aurteko irailean behintzat beti hasten baiditugu azterketa abuztu bukaeran.

Baina 2009- 2010 kurtsoa ezberdina izango da, lehenik egutegiak, lehenago hasiko da kurtsoa eta jada ez dira iraileko azterketa existituko, alegia, bigarren kuatrimestrea amaitu eta egun batzuetara udako azterketak deritzogunak izango ditugu. Horrela beste Europear Unibertsitateekin egutegi bateraketa egin nahi da, alde batetik ongi dagoela iruditzen zait, zeren horrela uda libre izateko aukera izango dugu denak gainditzen ez ditugun ikasleek, baina bestalde, bigarren kuatrimestreko azterketak egin bezain pronto berriro ere azterketak izango ditugu eta akaso denbora ez da nahikoa izango lehen kuatrimestrekoak prestatzeko. Esan beharra dago, Bologniarekin 2009-2010 kurtsorako lehenengo mailan matrikula egiten duten ikasleek jada plan berrian sartu direla, alegia, gradu moduan.

ESIDE ETSIB ETA TECNUN, NOR GARAILE?

2 erantzun

Lagunartean udan beti izaten dugu zerbait ikasteko; askotxo geranez Unibertsitate ezberdinetan ikasten dugu eta bertako ezberdintasunak ikusten ditugu.
Lagunartean honako Unibertsitetako esperientziak ezagutzen ditugu:

ESIDE (Bilbo, Universidad de Deusto)
ETSIB (Bilbo EHU/UPV, San Mames)
TECNUN (Donostia, Injenieritza)

Zenbait ezberdintasun nabari dira, hala ere jada hiru Unibertsitate hauetan Bolognako Planarekin buru belarri ari dira eta ez harritzekoa ikaslearen egunerokoan ECTS kreditu berriekin topo egitea.

Hala ere nik aurkitzen ditudan ezberdintasun nagusienak hauek dira, ETSIB nahiz TECNUN Unibertsitateetan ikasiko duen ikasle batek azterketa datak kurtsoa hasi bezain pronto jakingo ditu, ESIDEn era ezberdinean jartzen baitira. ESIDEn, badago data konkretu bat non ikasleok delegatuaren bitartez azterketa datak aukeratzen ditugun; beti ere data jakin batzuen barruan; azterketa denboraldian. Hasiera  batean egokiagoa iruditzen zait ESIDEk erabiltzen duen teknika baina irailean zer? Irailean ez dugu bozketarik egiten eta Unibertsitateak berak jartzen ditu datak, eta egia esateko kurtso hasieran ez dakigu nola eta noiz eroriko diren aztertetak, ETSIB eta TECNUNen aldiz bai, horrela posiblea da kurtso hasieran batzuek irailerako uztea eta besteak prestatzea; badakizu eta noiz izango diren azterketak.

Bestalde ETSIB nahiz TECNUNen ikasten ditudan zenbait lagunek jada egindako azterketen nota guztiak dakizkite, nik ESIDEn ikasita ofizialki oraindik ez dakit notarik, eta esan beharra dago lehenengo azterketa abuztuaren 27an izan nuela. Badirudi irakasleek ere oporrak gogoko dituztela.

Prezioei dagokionez argi dago garestienak TECNUN nahiz ESIDEko Unibertsitateak direla, baina hori normala da biak pribatuak baitira eta ETSIB publikoa, hori beti horrela izan da eta horrela izaten jarraituko duela uste dut. Baina orduan TECNUN eta ESIDEren artean ez legoke ezberdintasun handirik egon beharko ez?

Hona hemen bien artean aurkitu ditudan zenbait bereizgarri:

Egutegi berria jarriko du martxan TECNUNek Europear plan berria dela eta, horrela posiblea izango da ikasleek uda libre izatea; ESIDEk aldiz egutegian ez ditu aldaketarik egin.

OpenVideoWare delakoaren berri izan dut, badirudi TECNUNek ikasleentzat nahiz irakasleentzat interesagarria izan daitekeen baliabide berria aurkitu duela. ESIDEn oraindik ez dut horrelakorik aurkitu, baina baliteke dena proposatzea izatea; horrexegatik idazten dut post hau, ea zenbait aldaketa ikusten ditugun Deustuko Unibertsitatean.

Amaitzeko aipatu CEIT eta TECNOLOGICO DEUSTO izango lirate bi Unibertsitateek I+D+I proiektuak garatzeko dituzten guneak eta hauexek oso itxura hona dutela.

Espero dut Deustuko Unibertsitateko norbait hau irakurriz gero ikus ditzala zein nolako ezberdintasunak aurkitzen diren Unibertsitate ezberdinen artean eta ea zenbait gauza hobetzeko aukera dugun Deustuko Unibertsitatean zeren nire ustez guztiontzat onuragarria izango litzatekeen.

Bestalde gustatuko litzaidake jakitea MUn nolako gauzak dauden eta nolako erabakiak hartzen dituzten, baina lagunartean ez daukat pertsonarik bertan ikasten duenik.

DEUSTUKO UNIBERTSITATEA

Erantzun 1

Orain Unibertsitateko ordenagailu gelan aurkitzen naiz. Orain Estatistika 2ko klasean egon beharko nuke. Ez zegoen inor klasean. Ez zegoen oharrik klasean. Badirudi klaserik ez zegoela. Ostirala eta goizeko 9:00tan ezertarako azaldu naiz Unibertsitatean. Orain azken kurtsotan gabiltzanok azterketak ditugu, klaseak amaituta, baina beste kurtsotakoek oraindik klaseak dituzte, Estadistika 2 esaterako.

Mila esker Riaño Sierra irakasleari, mila esker abisurik klasean ez jartzeagatik, mila esker e-mailik ez bidaltzeagatik, mila esker Deustuko Unibertsitatea hain handia egiteagatik, mila esker benetan.

BILBOKO IKASLE PIXUA, PIXUKIDE BILA, 2008/09

5 erantzun

Azkenean gure pixukidea Lyonera joango da, hurrengo urterako pixukide bila gabiltza. Zer egin dugu pixukide berri bat bilatzeko?

Jakina da internet bidez gauz asko egin daitezkela baina inoiz ez nuke pentsatuko pixu eta pixukideak bilatzeko zenbateko aukera dagoen Web 2.0 delakoarekin.

Lehenik eta behin, guk asuntu honetarako e-mail bat sortzea izan zen, horrela posible izango genuen pixukide guztiak pixukide berrien notiziak izatea, bestalde norberak bere etxetik asuntua nola zihoan ikusteko aukera izango zuen, eta denak parte hartzeko aukera izango genuen.

Baina nola iritsiko zaizkigu pixukide berrien emilioak sortu berri dugun kontura? Horretarako, LoQuo Bilbao bezalako zerbitzu bat erabiltzea erabaki genuen, bertan iragarkia jarri eta itxaron. Egunak pasata zenbait emilio jaso genituen, batzuk gure gustokoak eta beste batzuk ez; batzuek erantzuna jaso zuten. Baina frente gehiago ireki behar genituen, horrelaxe ikasten dugun Unibertsitate ezberdinetako kortxoetan iragarkiak jartzea erabaki genuen; norbaitek Uniko kortxoetan dagoera irakurtzen ahal du? Ez dakigu. Amaitzeko interneten bilatuz, EasyPisorekin topo egin dut, egia esan behar baldin badut ez dakit Bilbon zer moduz funtzionatuko duen, baina argi dago Bartzelona eta Madril bezalako hiri handietarako aukerak nahiko ugariak direla. Akaso itxarotea izango da, baina oraintxe bertan hurrengo ikasturteari begira 4 ikasleekin bizi garen pixuan 3 ikasle bizitzea oso garesti aterako litzaiguke, horregatik gabiltza Bilbon ikasten duen 4. baten bila.

Zer egingo dugu hurrengo urtean? Ikasle bat sartu, berriro ere pixuak ikusten hasi? Norbaitek kasualitatez etorri nahi izango balu, edo pixu bila baldin badabil utzi dezala hemen iruzkinen bat, edo bidal dezala emilioren bat, bertol (arroba) gmail( puntu) com era.

DEUSTUKO UNIBERTSITATEKO IKASLE WEBGUNEA BERRITUTA

4 erantzun

Urteak daramatzat Unibertsitatean eta harrituta negonen bertan genuen webgunearekin, ez nuen batere gogoko ez zitzaidan batere erabilgarria iruditzen eta nahiko zaila iruditzen zitzaidan nire egoera ikustea.

Egoera aldatu egin da, kirolaren eguna ospatu dugun honetan, hau da, ez dugu klaserik izan eta nahi izan duenak Unibertsitatera joan da bertako kirol txapelketetan partehartzeko; mus txapelketa, futbol-7, saskibaloia, xakea eta beste mila kirol ba Unitik agertuko zen; baina zein izan da nire sorpresa… Guk gure kirol eguna ospatu dugula, Javarekin pixkat jolastuz. Deskantsua hartzeko orduan ikasleen webgunera sartu eta erabat aldatu dutela ikusi dugu, a zer nolako aldaketa orain askoz hobe dago webgunea niri behintzat askoz errazago egiten zait bertatik nabigatzea eta web 2.0 puntu bat ere badu, ikasleekin halako feedbacka bilatu nahian 😉

Hemendik behintzat webgunearen aldaketa aurrera eraman dutenei zoriondu besterik ez, nahiz eta dudan jartzen dudan norbait pasako den.