Euskadiko Kutxaren arreta zerbitzua badabil

Data: 2012(e)ko maiatzaren 15a Egilea: marijo

Normal
0

21

false
false
false

ES
X-NONE
X-NONE

MicrosoftInternetExplorer4

/* Style Definitions */
table.MsoNormalTable
{mso-style-name:”Taula normala”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}

Bezeroari arreta zerbitzua badabilela esateko
konpromisoa hartu dut erantzuna jaso bezain pronto eta hala egitera nator:
Euskadiko Kutxaren bezeroari arreta zerbitzua badabil.

Kontua, ordea, beste bat da. Aurretik jaso dudan mezuak zera zioen: “Bezeroen
beharrak aztertu ondoren, eta gehigarrizko neurri gisa, muga hau doitzea
erabaki dugu“.
Beraz, zergatik ez didate jakinarazi, lehenengo eta behin, ez nuela mugarik, ez
zehaztuta ezta zehaztu barik, nire CLNet zerbitzuaren bitarteko transferentziak
egiteko?


Nik dakidala txartelarekin ordainketa ordainaketa egiteko orduan, gutxitan baina inoiz
tokatu zait, nire gastu muga gainditzen nuelako ezin izan dut ordainketa osoa
egin txartelarekin. Beraz, nola jakingo dut bada internet bidezko
transferentzietan ez nuela mugarik?


Beraz, eta Euskadiko Kutxak bere bezeroei eskaintzen dizkien zerbitzuak hobetzeko
eta segurtasuna bermatzeko asmoa baldin badauka, zergatik ez didate jakinarazi
lehenengo eta behin ez dudala mugarik, segurtasunagatik komenigarria dela muga
ezartzea eta, hala nahi badut eurek 1000 euro gomendatzen didatela eta baimena
ematen badiet ezarriko didatela?

Komunikazioa argia denean ulermena eta hartu-emanak dezente errazten dira.

Dena den, eta nire konpromisoarekin betez, imeilez bigarren mezua bidali diet Euskadiko Kutxakoei:

Arratsalde on,
Lehenengo eta behin, eskerrik asko zuen erantzunaren azkartasunatik.
Egia
esateko sorpresa izan da niretzat jakitea ez dudala CNLet-etik
transferentzia egiteko mugarik jarrita. Eskerrik asko esateagatik.
Harritzen nau horren berri lehenago ez jaso izana eta 1000 eurotan
jarriko duzuela jakinaraztea, aurretik bestelako azalpenik eman barik.
Eskerrik asko emandako arretagatik eta zuen azalpenengatik.
Kasu egingo dizuet eta jarriko naiz harremanetan telebankarekin. Galdera bat, baina: debalde zenbakia da 901 333 444?
Eskerrik asko
Beste bat arte

 

Kategoriak Ispiluari begira | Etiketak , , | Iruzkin 1

Euskadiko Kutxak esana: ez erantzun mezu honi. Nola ezetz?

Data: 2012(e)ko maiatzaren 15a Egilea: marijo

Nire kutxak sarri askotan bidaltzen didan beste jakinarazpen bat jaso dut gaur (spamkeria?). Maiatzaren 31 baino lehen telefonoz edo nire sukurtsalean kontrakoa jakinarazi ezean, transferentzia muga 1.000 eurora igoko didatela esaten. Berriro ere, jakinarazpena agindu bihurtu dute. Nik neuk eskatu ez arren, eurek erabaki dute niretako egokiagoa dela eta, galdetu beharrean ondo iruditzen zaidan, ados ez banago, esandako epean eta agindutako bideak erabiliz jakinarazteko esaten didate.
Are gehiago, telefonoz deitu behar dut (kostua dauka?) edo denbora hartu sukurtsaleraino joan. Eurek, ostera, posta elektronikoa erabiltzen dute, imeil-komertzialaren aitzakian. Kokoteraino!

Hasarretu egin naiz eta kexa idatzi diet. Horretarako, jakina, euren webgunean sartu beharra izan dut, eurekin harremanetan jartzeko epostaren bila, ze, bidaltzen dituzten mezuetan argi eta garbi adierazten dute “ez erantzun mezu honi”! ja!

Hauxe da bidali diedana:
Azpian dagoen zuen jakinarazpena jaso dut eta jakinarazi nahi dizuet:
1- Ez dudala transferentziak egiteko nire muga 1000 eurora igotzea nahi; dagoenetan uztea nahi dut.
2-
Ez zait zuzena, ezta egokia ere, iruditzen era horretako erabaki bat
hartzea, aldebakartasunez hartzea, eta gainera, nirea izatea horrekin
ados ez nagoela jakinarazteko ardura. Egokiagoa litzateke, egin aurretik egin
nahi dudan galdetzea eta baiezko erantzuna jasotzen baduzue aurrera
egitea eta, osterantzean, dagoenetan uztea kontua. Beraz, niri
dagokidanean, hau kexa formala da.

3- Gainera, eta bidali didazuen mezuan esaten denez, “ez erantzun mezu
honi”? Ez da modurik zuzenena bezeroekin hartu-emana estutzeko; are
gehiago, zuek nire posta zerrendara nahi dituzuen mezu guztiak bidaltzen
dizkidazuenean eta nik, berriz, zuekin harremanetan jarri nahi badut
telefonoz egin behar badut edo mezuan diozuen moduan sukurtsalarekin
harremanetan jarri. Hori ez da berdintasunezko hartu-emana.

Amaitzeko, eskertuko nizueke, mezu hau jaso duzuela jakinaraztea eta era
horretan baieztatu, ez duzuela transferentziak egiteko nire muga igoko.

Eskerrik asko eta beste bat arte

Nik ere maiatzaren 31 baino lehen erantzuna espero dut; hala bada, bezeroen arreta zerbitzua badabilea jakingo dugu; ikusiko dugu.

Kategoriak Ispiluari begira | Etiketak , , | Utzi iruzkina

Eragiten dizu ETAk ekintza armatua laga izana?

Data: 2012(e)ko otsailaren 23a Egilea: marijo

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Taula normala”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Nola ekin berradiskidetze barneratzaile prozesu bati?
Galdera horri erantzuna bilatze aldera Lokarrik antolatu zuen jardunaldia atzo
Donostiako Aquariumean. Paul Rios (Lokarri), Jonan Fernandez (Baketik) eta Oliver
Wilkinson (Healing
Through Remembering) aritu ziren.

Han entzundakoaren ostean, ordea, “despistaturik”
gabiltzala esatera ausartuko naiz. Gabiltzala euskal herritarrak; orokorrean,
gizartea. Izan ere, eta Ipar Irlandatik etorri zen Wilkinson jauna entzun
ostean, garbi dago gure euskal gizarte honetan bizi dugun egoerak ez duela
zerikusirik han bizi izan zuten bake prozesuaren bitarteko eta osteko
egoerarekin. Esan nahi dut: gurean ez daude bi bando; gurean ez gaude lerratuta
batean ala bestean; are gehiago, gurean, esango nuke, ez dagoela bat ala beste;
gurea, izatekotan ere, lehenengo eta behin, litzateke premia bat ohartzeko
beharra daukagula elkarrekin bizitzekoa, inoren kontra aritu barik; hau da,
Espainiako gerra zibiletik, indarkeriarik gabe lehenengoz bizi garela kontuan
izanik, gutariko bakoitzaren bizitzan zer nolako eragina duen ohartu beharra
daukagu.

Atzo aritu ziren “gauzak besterik gabe daudenetan
uzteak” ekar ditzakeen ondorio negatiboez, hau da, zauriak sendatu barik ixteko
arriskua daukagula. Baina, baliteke kontzientzia nahikorik batzeko gai ez
izatea guztion artean eta, besterik gabe, bakoitzak bere bizitzari eusten
dioenez, horretara ohituta gaudenez, denborak aurrera egitea eta “hemen ez da
ezer pasa” bezala bizitzen jarraitzea.

Hala ere, den denek ezingo dute aukera hori egin.
“Betikoek” ez behintzat: biktimen senitartekoek, jazarpenak jasan dituztenek,
hilerrira bisitak egin beharra daukatenek, espetxeetara bisitak egiten
dituztenek euren senitartekoak ikusteko aukera bakarra horixe delako,
frankismoan bahitu eta harrezkero senitartekoaren berri ez daukatenek…

Horren
aurrean, zer dagokigu “besteoi”? Zerbait egitea dagokigu egoera horretan bizi
ez garen gehiengoari? Oliver Wilkinsonek “gaiez hitz egiten ikasteko denbora
hartzeko garrantziaz” hitz egin zuen atzo. “Hizkuntzaren eta hitzen erabilera
gaiztoa egiteaz, mina eragiteko erabilera egitera ohitu garela” aipatu zuen.
Horregatik dela garrantzitsua denbora hartzea, behar den beste, minik eragingo
ez duen eran hitz egiten ikasteko, horrek eramango gaituelako egia
sendagarrira.

Ildo horretan Baketiken zuzendari Jonan Fernandezek
azaldu zuen, garrantzitsua dela, herri honetan gertatu dena berriro ez
gertatzeko, gure gazteei erantzun beharrekoa egoki asmatzen. Gizartea delako
berradiskidetzeren subjektua; berradiskidetzea prozesu
soziala dela eta ez dugula konflikto
politikoarekin nahastu behar. Ze, zintzoa izanik, eta kasurik gehienetan, gure
egunerokoan zuzenean ez digula eragin herri honek bizi izandako drama, ez da
egi-egia hori. Gure herririk gehienetan badirelako zinegotzi sozialista
agurtzeari uko egin diogunik, ezaguna izan arren. Eta hasi dugun etapa berri
honek era horretako portaerak aldaraztera eramango gaitu; baita, politikaz
aritzeko ohitura sanoari ekitera ere; zergatik ez!

Maila politikoan eta instituzionalean gehiago kostako
da aurrera egitea, “poseari” eusteko ohituragatik akordioetara heltzeko bidean
aldarrikapenen purutasuna uztea kosta egiten zaielako gure ordezkariei. Baina,
gizarte mailan, ziur naiz, horretara jartzen bagara, kontzientzia hartzen
badugu eta gizarte osoa egoera berri honetan inplikatzen bagara, lortuko dugula
gertatutakoa ez errepikatzeko erantzun-azalpen egoki bat ematen gure gazteei
eta min egingo ez duten berbaera asmatzen. Errespetua berreskuratu eta elkar
onartuz.

Kategoriak Ispiluari begira, Politika | Etiketak , , , , , | Utzi iruzkina

Zer egin dezaket nik berradiskidetzearen bidean?

Data: 2012(e)ko otsailaren 6a Egilea: marijo

lokarri-openspace

Are gehiago, zerbait
egin beharra ote daukat? Horixe buruan izan nintzen abenduan
Berradiskidetze sozialerako gune irekian. Lokarrik antolatu zuen BECen
eta 200 bat lagun egon ginen han, goizetik eguerdira bitartean. Egia
esateko ez nekien oso ondo zertara nindoan, baina sentsazioa izan nuen
hara elkartuko ginen guztiok bat gentozela herri honetan berradiskidetze
prozesuan gutariko bakoitzak inplikatu beharra duela.

Metodologia berezia izan zen eztabaida egiteko Lokarrikoek aukeratu
zutena: open space deitu zuten. Lehenengo eztabaida gaiak proposatu
zituen jendeak, gero eta eztabaidagai gustukoenaren arabera taldeka
banatu ginen eta amaieran konklusioak atera eta post it banatan eskegita
laga genituen esaldi bana arbelean. Asmoa zen eztabaida taldeetan zehar
mugitzea, entzutea, parte-hartzea. Bitxia izan zen metodologia, eta
jarraipena eman behar zaiola uste dut; era horretako “kedada” gehiago
behar ditugula uste dut. Ze, elkarbizitza, biktimak, giza eskubideak,
biktimarioak, barkamena, errekonozimendua… gutxiago edo gehiago, guztien
ahoetatik atera ziren berbak izan ziren, baina susmoa daukat abiapuntua
adostu beharra dugula aurrera egiteko; izan ere, berradiskidetze horrek
zer esan nahi duen ba ote dakigu? Gutariko bakoitzak berradiskidetze
prozesu horretan zer ekarpen egin dezakegu?

Baketik-ek esaterako “Berradiskidetzeari buruzko 2012 indarguneak: bost
proposamen” aurkeztu ditu. Eta, bizikidetzaren berradiskidetze-prozesu
bat bultzatzeko gogoeta horretan aipatzen diren bost proposamenetako bat
Gizarte zibilaren eremuan lan egitea da. Dioetenez, “desberdinen arteko
elkarrizketa-, topagune- eta formazio-eremuak sortzea proposatzea etika
erreferentzia izango duen eremua partekatzeko”.

Bada, ados nago horrekin: berradiskidetzea, azken baten, elkarbizitza
era normalizatuan egin ahal izatea delako. Eta, horretarako, gizarte
zibilari antolatzea dagokigu. Elkarrekin bizi besterik ez dugunez, ahal
dela, elkarri errespetatuz egin dezagun. Horregatik, garrantzitsua
deritzot era horretako ekimenetan parte hartzea. Gizartea beti joaten
delako gobernuen, erakundeen, alderdi politikoen, aurretik eta kasu
honetan ere, eta politikoki akordioak lortzea gehiegi kostatzen denez,
herritarron arteko elkarbizitzarako akordioa adostu behar dugula uste
dut. Berradiskidetzea eremu sozialean kokatzen delako, maila
pertsonalean eta hor, barka eskaerak ere erabaki pertsonalak direnez,
dagokionean etorriko dira, baina, landu egin behar dira horretarako
egoera egokiak eta bai Lokarrik zein Baketikek jorratzen dituzten
ekimenek lagungarriak izango zaizkigu.

Kategoriak Politika | Etiketak , , | Utzi iruzkina

Atez atekoa eta ikusten ez zen zaborra

Data: 2011(e)ko martxoaren 25a Egilea: marijo

Gure etxian aitxa izan da zaborra birziklatzeko arduraduna: yogurran potia uretan pasau, olixua zeuken latak ondo hustu, saltsaren baten enbasia garbitxu, papera eta kartoia txukun-txukun doblau, kristal boteiei beira etzana kendu… Hori dana etxian txukun-txukun ipinitxako bidoi baten sartzen zeban eta handik gero, selekziñua egin ostian, edukiontzietara eruaten zitxuan danak.
Edukiontziak beteta ala hutsik egoten ziren etzeuan jakitzerik lehen.
Orain ordia, atez ateko zerbitzuakin, zaborra etara bihar dan egunian bista bistan dago etxe bakoitzak sortzen daben zabor kopurua. Gure aitxak segitzen dau birziklatzen eta bere ardura da etxian. Baina argazkixak atara eta imeilez bidali dozt, neuk pe ikusi neixen zenbat zabor sortzen dan etxe bakoitzian.
Horrekin konturatzeko balixo dau bai atez atekuak.

plastiko bilketa

Kategoriak Politika | Etiketak , , | Utzi iruzkina

Sexu iragarkiek nori egiten die mesede?

Data: 2011(e)ko martxoaren 22a Egilea: marijo

Normal
0
21

false
false
false

MicrosoftInternetExplorer4

/* Style Definitions */
table.MsoNormalTable
{mso-style-name:”Taula normala”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

Emakumeen eta Gizonen Berdintasunerako
4/2005 Legearen 26. artikuluak dioenarekin lehenbailehen bete dezala agindu
zion Eusko Legebiltzarrak Jaurlaritzari joan zen urriaren 22an. Artikulu horrek
dioena oso zehatza da: “Debeku da pertsonek, sexu
batekoak edo bestekoak izateagatik, giza duintasun gutxiago edo gehiago dutela
edo sexu-objektu soilak direla
adierazten duen publizitate-iragarki oro egin, eman edo erakustea, eta
baita emakumeen aurkako indarkeria justifikatu, horri garrantzia kendu edo
horretara bultzatzen duen oro ere”.

Lopezen gobernuak indargabetu zuen
Defentsoriak ikerketa txostena egin zuen 2008an, EAEn argitaratzen diren eta
era horretako iragarkiak publikatzen dituzten egunkarien jokabidea aztertzeko
eta salatzeko. Defentsoriak jakinarazi egin zien bai
komunikabideei, eta baita Emakunderi eta Gobernuari ere txostenak jasotzen
zuena eta baita jasotako ebazpenenak ere. Izan ere, gobernuari dagokio, legez,
arau-hausteak eta zehapenak betearaztea. Hala esaten da 2005eko Berdintasun
legean ere.

Hala ere, gaur gaurkoz iragarki mota horiek
egunkarietako orri asko betetzen segitzen dute. Diru iturri garrantzitsua dira
egunkari horientzako eta, enpresa pribatuak direnez, badirudi legearen gainetik
daudela. Estatu kontseiluak ere iragarkiak debekatzearen aldeko jarrera
erakutsi du. Ia urtebete beranduago bada ere, azkenean esan du
“autoerregulazio” eskariak ez duela ezertarako balio izan eta “lakra horrekin
amaitzeko, arautzea ezinbestekoa dela”. Gertatzen dena da, EAEn araututa egon
badagoela, eta Berdintasun legeak ere arau-hausteak egoten badira zigorrak ere
definitzen dituela, baina, borondate politiko garbirik gabe, legeak egin bai,
baina sarri askotan adornurako izaten dira.

Euskal sozialistek,
gaia Legebiltzarrean eztabaidatu zenean adierazi zutenez, era horretako
iragarkiak debekatuz prostituzioaren aurka jotzen zen eta, hori dela eta,
prostituzioaren inguruko lan talde bat sortzea zela zioten eman beharreko lehenengo
pausua. Ez nago ados. Iragarki horiek, kasurik gehienetan, ez dira
prostituzioan lan egiten duten emakumeek sortutakoak. Ez daiteke izan emakume
batek era horretako hizkuntza erabiltzea bezeroa erakartzeko. Ez naiz inozoa.
Badakit gizon askok era horretako lizunkeriak (zerbait esateagatik) gustuko
dituztela, baina iragarki horietan erabiltzen den hizkuntza iraingarria baino
askoz ere gehiago da. Muga guztiak gainditzeraino iritsi da eta ez nabil
moralinaz, pertsonarekiko errespetuaz ari naiz.

Prostituzioan ari
diren emakume eta gizon asko ere kexu agertu dira, sexu iragarkiak euren negozioaren
erakusleiho direlako eta debekatu ezean euren negozioa iragartzeko modurik ez
dutela izango esaten baitute. Horrekin ere ez nago ados. Iragarkiak sexistak
dira baita “ohiko” merkatuan ere eta egiten segitzen dira, beraz, hain hedatua
dagoen “doble moral” horrek bide ematen dio sexuaren negozioari.

Kontua, beraz,
beste bat da. Defentsoriaren txostenak jasotzen duenez, 2007an Gipuzkoako
egunkari batek “sailkatutako iragarkiengatik jasotako urteko zenbatekoa
4.117.180 euro izan zen, eta horietatik 1.023.788 euro harremanetarako
iragarkiak argitaratzearen ondoriozko diru-sarrerak ziren (%24,9). 2008ko
urtarrilaren eta ekainaren artean, sailkatutako iragarkiengatik jasotako
zenbatekoa 1.787.000 euro izan zen eta horietatik 432.576 euro relax-atalean iragarkiak
argitaratzetik lortu ziren (24,2)”. Bizkaiko egunkari batek, berriz,
Defentsoriaren txostenak dioenez, “2007an sailkatutako iragarkiengatik jasotako
urteko zenbatekoa 9.266.180 euro izan zen, eta horietatik 1.305.788 euro
harremanetarako iragarkiak argitaratzearen ondoriozko diru-sarrerak ziren
(%4,1)”. 2008an, relax-iragarkiekin 663.792 euro irabazi zituen egunkari
horrek.

Beraz, zertaz ari
gara? Hemen ere argi dago interes ekonomiko pribatu batzuen kontrako neurriak
direla hartu beharrekoak. Baina, zoritxarrez, horrelako askotan gertatzen den
bezala agintariak ez dira ausartak izaten.

Berdintasunak
beharrezko ditu errespetuzko jokamoldeak eta era horretako iragarkiak ez
daukate lekurik jokamolde matxisten deslegitimazioan (hitz horrek RAEn sarrerarik
ez badu ere). Leire Pajinek adierazi duenez talde parlamentarioekin eta
komunikabideekin bilera egingo du iragarki horien debekua aztertzeko. Berriro
diot: debekuak debeku, arauak guztiontzako berdinak badira, neurriak bete
arazteko borondatea da behar dena; ausardia politikoa.

Kategoriak Politika | Etiketak , , , , | Utzi iruzkina

Su-etena benetakoa da? (mmmmmm) bai, uste dut

Data: 2011(e)ko urtarrilaren 12a Egilea: marijo

Hamar laguni bidali nien astelehenean ETAren su-etenaren adierazpenera lotura. Hamar lagunetatik, ordea, bakarrak egin zidan kasu.
Erantzun laburra bota zidan bueltan bakar harek: “Una noticia buena! Por fin! Ia iñok ez badeu jodiduten”.
Halaxe idatzi zidan lagunak; berak bakarrik, hamarretik batek bakarrik. Horren aurrean, eta gaur arteko esan eta idatzi direnetako denak ezin, baina asko irakurri ostean, ondorioztatu dudana da: ilusiorik ez digula egin herritarroi orokorrean ETAren erabakiaren berri izateak. Bai, berri ona dela onartu dugu, orokorrean; ezin besterik pentsatu, su-eten aldarrikapen baten aurrean. Baina, zergatik ez diogu elkarri deitu? Zergatik ez dugu ingurukoekin komentariorik egin? Nola daiteke hain “hola” geratzea, tamaina horretako albiste baten aurrean?
Asperraldiak eraginda izango da, segurutik. Hainbeste aldiz esan ziguten bazetorrela, ze, iritsi orduko, pasa da eta ohartu gabe askorentzat ikasturte berriko lehenengo lan eguna zena ere beste barik pasa da.
Hala ere, eta hamar haietatik bakarrak bidali zidan erantzunari eutsiko diot eta: “Una noticia buena! Por fin! Ia iñok ez badeu jodiduten”.

Kategoriak Politika | Etiketak , , | 2 iruzkin

Goiena, komunitate multifuntzionala

Data: 2010(e)ko azaroaren 12a Egilea: marijo

Hamar urte joan
dira! Atzo hainbati gogorarazi nien, Mikel Irizarrek esan zigula orain dela 10
urte “kazetari multifunzionalak” izango zirela Goienakoak. Orduko
langileetako batzuei “susto” aurpegia geratu zitzaigun, zer zen
asmatu ezinda. Atzokoa ikusita, ordea, bidea ondo ikasi dela azpimarratu behar
dut. Lankide ohiak Goiena berriaren lehenengo zenbakia amaitzen ari ziren Amaia
antzokiko hallean; Goiena TBkoak, berriz, fotokolean elkarrizketak
egiten, Arrasate Irratia zuzenean saioa emititzen eta Interneten ere ekitaldi
guztia jarraitzeko aukeran lanean besteak. “Multifuntzionalak”;
Itxaro Zubillagak esan zidan moduan, ondo ikasi genuen hura. Eta, Amaian hitza
hartu zutenetakoei entzunda ere, Debagoiendarren artean batetik, eta
erakundeetako ordezkarien artean bestetik, zabaldu da mezua, egin du bidea
proiektuak eta arrakasta izan du “komunitateak”.

Zer litzateke
euskarazko komunikabideen sektorea Goiena modukoak balira eskualde guztietan?

Bere egunean
bazegoen Goienaren asmoaren atzetik, eredua zabaltzearen esperantza. Eredua
beste eskualde batzuek ere bere egin zezatela. Goiena, baina, Debagoienean
geratu zen; saiakera bat izan zen Durangaldean Anbotorekin, baina ez da osatu
komunitate gisa. “Goienak lortu du eskualdeko herrien arteko harremanak sendotzea,
euskaraz informatzea normal-normala izatea, komunitate handi bat izatera heldu
da”, esan zuen Estepelan Plazaola Goienako Mr. President-ek.

Gipuzkoako kultura
diputatu Maria Jesus Aranburuk esan zuen “ezinbestekoa dela eguneratuta egotea,
baina zertarako jakitea ere garrantzitsua da”. Eta Goienak badaki, Goiena
proiektura orain hamar urte batu zirenek jarri zuten giza baliabideak eta talde
esfortzuak, argi zuela zertarako zen bazekitela: eguneratu egin ziren orduan
Debagoieneko herriz herriko komunikabideak, eguneratu egin zen komunikatzeko
modua eta eguneratu egin ginen guztiak, baita herritarrak ere, informazio
hartzaile eta informazioaren protagonista gisa. Eta hori dena, euskaraz, gure
hizkuntzan. “Euskara gure hizkuntza da eta egon nahi dugun guztietan egongo da
euskara”, esan zuen Aranburu andereak eta beste hedabideek ere ispilu honetan
begiratu beharko luketela ere.

Garrantzitsua da
erakundeek ere era horretako egitasmoak babestea. Debagoieneko Udalak
hasieratik inplikatu ziren Goienan, bazkide dira. Lourdes Auzmendi Hizkuntza
Politikarako sailburuordea ere Amaia izan zen atzo. “Interesarekin jarraitzen
du Sailak hau guztia, euskararen aurrerapausoetan guztiz garrantzitsua delako”,
adierazi zuen Auzmendi andereak. “Hizkuntzaren erabileran bete-betean asmatu
duzue, zuzentasuna zaindu, baina baita ere tokiko ñabardurak mantentzen
dituzuelako”, gehitu zuen. Hizkuntza
Politikarako sailburuordetzaren 2011ko aurrekontuak 1,6 milioi gutxiago izango
ditu. Espero dezagun, benetakoa izatea “interesarekin jarraitzearena”,
komunitateak, euskal komunitateak, era horretako proiektuak behar-beharrezkoak
dituelako eta, HPSkren aurrekontuaren murrizketak kalterik ez eragitea Komunitatean, beste erakundeen kasuan gertatu den moduan

Kategoriak Ispiluari begira, Kazetaritza | Etiketak | Utzi iruzkina

Komunikabide “publikoak”

Data: 2010(e)ko azaroaren 2a Egilea: marijo

ASTELEHENEKO GOIENKARIA 2010-11-01

Ez dira lirikarako
une goxoak; askotan entzundako leloa, baina, hala da. Jasone Agirre eta Maite
Zurikarairi galdetu bestela; doala nire elkartasuna ETBko kazetari bientzako. Gure telebista publikoan Asier
Odriozolak eta Andrea Arrizabalagak aurkezten duten gaueko
albistegian, eguenean, esaterako 13 bideo agertu ei ziren sozialisten
bozeramaileak berbetan; horri aniztasuna deritzo, bai horixe. Suriok kargua onartu zuenean
Donostiako DV lagata joan zen Bilbo
Handira; Urumeako ur lasaiak laga eta Ibaizabalgo ur handitan ez ote zen sartu,
susmoa hartuta nabil. Berak igarriko dio, baina baita beste batzuek ere; Viloriak politika arduradun
kargua hartu besterik ez du egin eta dagoeneko ETBko bi kazetariri espedientea
zabaldu diete.

Aniztasuna ez dabil izaten
ETBren ezaugarri aspaldian; Radio Euskadin
berdintasuna kontuan ez duten bezalaxe, bide batez. Joseba
Arrutik, Deia lagata irratira pasa zen kazetariak,
zuzentzen duen irratiaren azkeneko promoak bakarrik gizonezko mordo baten
ahotsak batu ditu, politikan emakumerik arituko ez balitz moduan. Hortxe
agertzen dira, Egibar, Pastor, Urizar… Dena gizona. Quirogak aspaldian bota dituen perlengatik ote?

Kategoriak Kazetaritza, Politika | Etiketak , | Utzi iruzkina

Aldaketen gobernua

Data: 2010(e)ko irailaren 20a Egilea: marijo

ASTELEHENEKO GOIENKARIA (2010-09-20)

Felipe Juaristi idazleak
zuzenduko du aurrerantzean Euskadi Irratia. Ez du askorik iraun lan
horretan Rosa Diez Urrestarazuk, Suriok
EITBren zuzendaritza taldean zuen emakumezko bakarrak. Iazko
maiatzaren 5ean aldaketaran (edo
aldaketen) gobernua osatu zenetik hainbat izan dira, batean
eta bestean, kargu-aldatzeak gobernuan; guztiak aukeraketa txarraren
ondorioz izan direnik ezingo dugu esan, baina ez du itxura ona ematen
hainbeste izendatze-kargu kentze horrek, bere lehenengo urtean 30
sailburuordetzen %15ek aldaketaren bat izan baitu.

Orain, berriz, euskarazko irrati
publikoari tokatu zaio. Ikusteko dago idazle gipuzkoarrak irrati
zuzendaritza kargutik egiten dituen ekarpenak, baita zuzendari ohiak
euskarazko telebistaren eduki arduradun moduan ekarriko duena ere;
izan ere, kargu hori sortuko omen dute berarentzako. Oraingoz
dakiguna da 5 orduko zuzeneko saioa hasiko dela irailaren amaiera
aldera ETB1n.

Eta, bitartean, Migel Sanzek eta
Patxi Lopezek Nafarroan euskal telebista modu digitalean
ikusteko sinatu zuten akordioarekin bete gabe segitzen dute.

Kategoriak Eusko Legebiltzarra, Politika | Etiketak , , | Utzi iruzkina