Kostaldeko Trena irratsaioa amaitu zela eta, penaz geratu nintzen. Izan ere, bluesaren saioa izan zen atzokoa eta primeran pasatu nuen hondartzan etzanda doinu eta erritmo haiek entzuten. Hala ere, ez nuen Euskadi Irratiaren diala mugitu eta hurrengo ordubetea ere adi-adi jarraitu nuela. Segurutik gonbidatuaren izena moda-modan dagoelako kuriositateak ukitu ninduen eta gaizto puntuak eraginda, nire buruari esan nion: entzun dezagun bada, zer nolako musika duen gustuko Oñatiko tratanteak. Asmatu ez baduzue ere, Iñaki Galdos zen gonbidatua eta esatariak hasiera-hasieran esan zion, lankide bati eskatu ziotela Galdosek aukeratuta kanta zerrendari begira esan zezala haren perfil musikala eta zera esan omen zioten: 80 hamarkadan geratu zena, bete-betean, eta segurutik gizonezkoa. Eta asmatu zuen, ze, Ruperren Fas Fatum abestiarekin hasi eta ondotik etorri ziren The Cure, Derribos Arias, Xabier Lete, Nacha Popo, Police, The Clas, Alaska eta Itoitz.
A ze nolako pupurria!
Baina begira zela diren gauzak; gaur Radio 3en Diario Pop irratsaioa entzuten Galdosek aukeratu zuen 80 hamarkadako Donostiako taldearen, Derribos Arias, kanta bera jarri dute, orduan irrati horrek ospatu zuen leheengo Diario Pop musika lehiaketaren 25. urteurrena gogoratzeko: Branqueas bajo el agua. Oñatiarrak esan zuen berari “izugarri gustatzen” zaiola abestia eta segurutik hura izango zela orduko talderik onena eta Potx abeslaria itzela zela…
Nik ez nuen talde ezagutu eta gero ere ez dut ezagutzeko paradarik izan, baina kuriositateak eraginda geratu nintzen Galdosen “musika faboritoa” entzuten eta berari zor diot niretako aurkikuntza izan den hori.
Harritzekoa da, baina “xestra gustatzen zaiola” aitortu zion horri esker (baina modu onean, aitortu zuenez) gaztelaniaz aitari entzun izan diodan esaera batekin gogoratu nintzen: el habito no hace al monje. Ze, esango didazue era horretako musika gustuko zuela asmatu zenuketen; ezta adinagatik ere!
Tira… bizitzak beti ematen dizkizu horrelako sorpresak eta aitortu behar dut, bere musika gustuak, sikiera, gustatzen zaizkidala.
