.hmmessage P
{
margin:0px;
padding:0px
}
body.hmmessage
{
font-size: 10pt;
font-family:VerdanJoan den asteburuan ere, ziklo kros lasterketak ospatu dira, eta berauetan,
gureak protagonista izan dira. Hain zuzen ere, Asterrian (Bizkaian) Euskadiko
txirrindularitza federazioko Spiuk sarirako puntuagarria izan den proba ospatu
zen eta bertan, gazte mailan, Ander Altube (Ulma-Aloña Mendi) tadeko
txirrindularia izan zen garailea. Bigarrenari ia minutuko aldea ateratzea lortu
zuen, bertan izan zuten zirkuitu lokaztuan. Denboraldiko garaipen honi ezker,
Spiuk sariko sailkapeneko bigarren postura igo da, Fonara taldeko Xabier
Portillo liderrarengandik 2 puntu eskasera.
 
Domeka goizak baina, ez zuen
emaitza positibo bakarra ekarri, izan ere, Asterriako lasterketa berberean,
gizonezkoen elite mailako lasterketan Iñigo Roldan (CDR bizikletak) laugarren
postua eskuratu zuen, David Secok irabazitako lasterketan. Bederatzigarren
postuan, lasterketa berberean, Zigor Urain (CDR bizikletak) arrasatearra izan
zen.
 
Beste alde batetik, Asturiasen, Navia herrian Espainiako Koparako
puntuagarria izan den lasterketa ospatu zen. Emakume elitetan, Ione Mujika (AD
Subconjuntos) elgetarrak hirugarren postua eskuratu zuen Rocio Gamonalek
irabazitako lasterketan. Ala ere bigarren postua esku-eskura izan zuen, hiruko
esprint batean baina, ezin izan zuen Rosa Bravo garaitu, bai ordea, Isabel
Castro galiziarra.
 
Espainiako Koparako puntuagarria izango den hurrengo
proba, Osintxun egingo den Soraluze E.KOOP. sari nagusia izango da, eta bertan,
debagoiendarrak, goreneko postuetan ikustea espero da, estatuko txirrindulari
onenen aurka lehiatzen.