Aurtengo ziklokross denboraldia amaitu da jadanik. Badirudi berpizten dijoala neguko kirol hau, eta galdera hau luzatzen dizuet: Gure herrian ikusiko ahal izango dugu ziklokross lasterketarik?Denbora luzez ez dugu ziklokrossa gure bailaren ikusteko aukerarik izan. Urte mordoxka atzera botaz, Oñatin munduko txapelketa izan genuen. Orain dela urte gutxiago batzuk, Aretxabaletan izaten genuen maila politeko lasterketa, izan ere kanpotar ugari etortzen ziren proba horretara. Denboraldi baten ere TVE-k babesten zuen Challengearen barne izan genuen,
ziklokrossa bultzatzeko egindako saiakera baten. Bergaran puntako ziklorosslaria izan genuen, Iñigo Igartua, baña mountain bike-aren “boom”-ak bere ondorengoen jarraipena moztu zuen, eta horrek probeen jeitsiera. Izan ere, txirrindulariak ez badaude, ezin lasterketak antolatu, eta alderantziz, probarik ez badago, txirrindulariak ezin lehiatu…