Egoitz Murgoitio eta Rocio Gamonal nagusi Osintxun

Biek ala biek irabazi dituzte zapatu goizean jokatu zen
II. Osintxuko ziklo-kroseko elite mailako lasterketak.
Emakumeen lasterketan bigarren tokian sailkatu da Jone
Muxika elgetarra, eta Mikel Aristi bergararrak irabazi
du kadete mailakoa. Hasieratik bukaerara menderatu du
lasterketa

Murgoitioren nagusitasuna

Elite mailako txirrindulariak irten orduko, zirkuitoa
erabat lokaztuta zegoen; baina, egoerari aurre eginez
Egoitz Murgoitiok menderatu zuen lasterketa hasieratik
bukaerara. Lehen itzulian Tino Zaballak eta Atenaseko
Olinpiar Jokoetan zilarrezko domina lortu zuen Jose
Antonio Hermidak gertutik jarraitu zuten Murgoitio.
Baina, hirugarren itzulian aurrera egin zuen Cafes
Baqueko ziklistak, eta helmugara 41 segundoko
abantailarekin heldu zen. “Proba oso gogorra izan da,
lokatz asko zegoen-eta. Dena den, gustura nago egindako
lanarekin. Tino Zaballak huts zein tokitan egiten zuen
ikusi dudanean, aurrera egitea erabaki dut. Zirkuitoa
zegoen moduan egonda, abantaila hartzen zuenak lasterketa
irabaziko zuela uste nuen, eta hala izan da”, esan zigun
amaieran Egoitz Murgotiok. Zaleek Espainiako Kopa
irabazteko lehian zeuden Zaballaren eta Ruiz de
Larrinagaren arteko lehia espero zuten, baina Larrinaga
hasieratik geratu zen Zaballaren eta Murgoitioren atzean.
Spiuk Urteaga taldeko txirrindularia laugarren heldu zen
helmugara.

Bestalde, CDR taldeko Iñigo Roldan aretxabaletarra 17.
tokian sailkatu zen eta Zigor Urain arrasatearra 26.
tokian, itzuli batera

Elgetarra, maila onean

Elite mailako emakumeen lasterketan Rocio Gamonalek,
Jone Muxikakren eta Rosa Maria Bravoren arteko lehia
estua ikusi genuen. Gamonalek markatu zuen erritmoa.
Hirugarren itzulian aurrera egin zuen Bravok, eta Muxika
elgetarra atzean geratu zen. Baina, azken itzulian Rosa
Maria Bravo erori egin zen eta Gamonal eta Muxika sartu
ziren, hurrenez hurren, lehen eta bigarren tokietan

.hmmessage P
{
margin:0px;
padding:0px
}
body.hmmessage
{
font-size: 10pt;
font-family:Verdana
}
Osintxuko zirkuitoaren prestatze lanak.
 
Atzo,
urtarrilak 3, Osintxuko herritar talde bat eta lokatzako kideak larunbateko
zirkuitoa markatzen aritu ziren auzo lanean. Estakak ipintzeaz gain, lurzorua
garbitu zuten txirrindualriek zulaketarik egin ez dezaten lasterketaren egunean.

 
Bestalde, Txikirriko eta Oregiko zelaiak banatzen dituen errekatxoak
buru hauste ugari ekarri dizkie antolatzailei, izan ere ez bait dago biderik bi
zelaiak elkartzeko. Irtenbideak bilatu nahian, beste lasterketa batzutako
antolatzaileekin hitz egin zen. Azkenik, errepideko afizionatuen Legazpiko
Santikrutz Klasika eta desagertutako Telleriarteko Ziklokross internazionalaren
antolatzaile den Sebas Legazpiarrak, Telleriarteko lasterketan erabiltzen zen
egurrezko zubia eskaini zuen Lokatzakoei. Zubia gabon aurretik ekarri zen
Osintxura eta atzo montatu zen bi zelaiak elkartuz eta arazoa
ekidinez.
 
Lokatzak atzo auzo-lanean ibili ziren guztiei eskerrak eman
nahi dizkie