Kalean da maiatz-ekaineko Jatorriberri

Data: 2017(e)ko ekainaren 28a Egilea: elexpuru

Kalean da Euskeraren Jatorria Elkarteak argitaratzen duen Jatorriberri 55, maiatz-ekainari dagokiona. Euskal Senari buruzko biltzarra, Iruña-Veleia, Euskararen Aztarnak Sardinian? liburua eta beste hainbat gai jorratzen edo aipatzen dira.

Kategoriak Sailkatugabeak | Utzi iruzkina

Oraindik bada lekua datorren larunbateko bisita gidatuetarako

Data: 2017(e)ko ekainaren 26a Egilea: elexpuru

Iragarri genuen bezala, bisita gidatu alternatiboak ditugu datorren larunbatean, euskeraz eta gazteleraz. Hemen informazioa. Etortzeko asmoa baduzu, ez utzi izen ematea azken ordurako.

Kategoriak Sailkatugabeak | Utzi iruzkina

Euskalduntze berantiarraren fantasia, Bizkaiko Diputazioaren tesia

Data: 2017(e)ko ekainaren 25a Egilea: elexpuru

Gezur bat ehun aldiz esaten bada, egia bihurtzen ei da. Euskalduntze berantiarraren teoria lau haizetara zabaldu du EITBek, Alberto Santanak zuzendutako dokumentala behin eta berriz emanez. Santana, beste gauza batzuen artean, Bizkaiko Diputazioko teknikaria da Etnografia Ondarearen alorrean. Ematen duenez, tesi bihurtzen ari da dokumentalak hipotesi gisa aurkezten duena eta aditu gehienen ustez fantasi hutsa dena.

Gutun hau agertu da ekainaren 24ko Berrian

Iritzia ZUZENDARIARI  2017-06-24 /  Gorka Jauregizuria.

Alkarraiarako bidaia Bizkaiko aldundiarekin

Ekainaren 9ko Bizkaiko Hitza-n argitaratutako artikulu batean, iragartzen zen Bizkaiko Foru Aldundiak ibilbide historiko batzuk antolatzen zituela. Haietako bat Arrigorriagako Abrisketako San Pedrora zen; gainera, euskaraz, dohainik eta bertara joateko autobusa. Ikasteko eta goiz polit bat pasatzeko aukera. Hura pagotxa! Erdia ez bazen ustel, laurdena gutxienez bai. Arrigorriagan autobusa hartu, jesarri eta alaitzeko Radio Nervión bete-betean. Hori dela eta, autobuseko geldialditxo bat aprobetxatu nuen Diputazioak edo ipinitako gidari-arduradunari eskatzeko irratia, mesedez, euskaraz ipintzeko: Gaztea Irratia, Bilbo Hiri irratia… Aurpegi arraroa jarri, irratia kendu eta handik aurrera zigortuta, animaziorik gabe.

Heldu ginen Abrisketako San Pedrora, eta han hasi zen gidari-arduraduna bere azalpen interesgarriekin: «Ikusten duzue han. Han dago Malmasingo gotorlekua. Han indigenak bizi ziren eta txor, txor… Aukera eduki nuenean galdetu nion indigenak erabili beharrean zergatik ez zuen euskaldunak hitza erabiltzen. Aditu moduan, bere erantzuna izan zen han bizi zirenak ez zegoela argi euskaldunak zirenik. Azken teoria batek esaten omen zuen euskara gure inguruan berria zela, eta gurekin zetorren atso-agure bisitari euskaldun batek ere adostasuna adierazi zion. Harrituta, zer erantzun ez nekiela geratu nintzen. Baina konforme ez. Pixka bat geroago, batez ere nire ezjakintasuna argitzeko, gidari-arduradunari galdetu nion nondik zetorren euskarari buruzko teoria berri hori. Eta galdetu zidan ia ez ote nuen ikusi telebistan plazaratutako teoria: Euskalduntze berantiarra saioa.

Aurrekoak gogora ekarri zidan Bilboko arkeologia museoa orain bi hilabete, bisita gidatu batean azaltzen zuen Bizkaiko Aldundiko beste aditu euskaldun baten esana: «Azken teoriek esaten dute aitzina hemen ez zela euskaraz egiten». Susmo txarra hartu nion baina ez nuen ezer esan. Halere, gaitzak ez du inoiz lo hartzen. Dirudienez, Alberto Santanak eta EITBk etengabe martxan darabilten txorradak esateko makinak gasolina gehiago eman die Bizkaiko aldundiko soldatapeko eta beste zenbaitzuei.

Kategoriak Sailkatugabeak | Utzi iruzkina

Arabako Audientziaren zain, osteguneroko bilkurekin jarraitzen dugu

Data: 2017(e)ko ekainaren 23a Egilea: elexpuru

2017-06-22

Kategoriak Sailkatugabeak | Iruzkin 1

‘Zaintza neutrala’, Gontzal Fontanedaren gutuna Berrian

Data: 2017(e)ko ekainaren 19a Egilea: elexpuru

Gontzal Fontaneda gasteiztarraren gutuna agertu zen ekainaren 14ko Berrian:

“Dirudienez, Iruña-Veleiaren auzian azkenean epaiketa izango da. Salatuak errugabeak ala errudunak diren ebatzi beharko da. Eta horretarako, grafitoak aztertu beharko dituzte, benetakoak ala faltsuak diren jakiteko.

Arabako Foru Aldundiak, salatzaileak, eta epaile izapidegileak grafitoak faltsuak direla baieztatu arren, ez dago batere frogarik. Aldundiaren aldeko adituek faltsuak, apika, direla bakarrik uste dezakete, Eliseo Gilen aldeko adituek benetakoak agian direla bakarrik uste duten bezala. Usteak bakarrik daitezke, grafitoei data jartzeko azterketa inork ere egin ez duelako; Aldundiak eta beraren aldeko adituek ez dute nahi eta epaileak ez du exijitzen eta. Nabaria da konponbide bakarra azterketa dela (Eliseo Gilek hasieratik eskatu duena). Aldundiak nahi ez duenez eta epaileak exijitzen ez duenez gero, martxoan Eusko Jaurlaritzari gutun bat bidali nion, grafitoen azterketa eginarazteko baimena epaileari eska ziezaion. Egokia ez zela erantzun zidan. Martxoan erregu bat aurkeztu nion epaileari, grafitoak Jaurlaritzaren zaintza neutralpean jar zitzan eskatuz. 2017, Eliseo Gilen birgaikuntzaren urtea.”

Kategoriak Sailkatugabeak | Utzi iruzkina

Uztailaren 1ean egingo da aurtengo lehen bisita gidatu alternatiboa

Data: 2017(e)ko ekainaren 12a Egilea: elexpuru

IRUÑA-VELEIA, bisita gidatu alternatiboak 2017

2015 eta 2016ko bisitak arrakastatsuak izan ziren.  20 egin ziren eta ia 600 lagunek hartu zuten parte. Bisitariak gustura, antolatzaileak ere bai.

  • Uztailaren 1ean, larunbata, izango da aurtengo lehenengo bisita.
  • Bi talde egingo dira, bata euskerazkoa eta bestea gaztelerazkoa. Talde bakoitzak bere gidaria izango du.
  • Hitzordua: 11:00 aztarnategiko aparkalekuan . Bisitak 13:00 arte irauten du, gutxi gorabehera. Lehenik harresien kanpoaldea eta Arkizeko muturra bisitatzen dira eta gero harresi barrua.
  • Bisitak doan dira.
  • Izena emateko: bisitak.sosirunaveleia@gmail.com (bisita-eguna baino bi egun lehenagora arte. Garaiz ibili, mesedez).
  • Aurten ez dugu egingo bazkaria eta ondorengo proiekzio- solasaldia, beste urteetan bezala.
  • Hilean bisita bat (bikoitza, euskeraz eta erderaz) egiteko asmoa dago urrira arte. Aurrez iragarriko ditugu datak.
  • Talde antolatuak ere hartzen ditugu (lagun-talde, kultur-talde…). 12 lagun gutxienez. Jarri harremanetan eguna zehazteko eta abar gure helbidera idatziz. Interes handia eta nahikoa jende izanez gero, bazkari-solasaldia ere egin daiteke.

SOS Iruña-Veleia

****

IRUÑA-VELEIA, visitas guiadas alternativas 2017

Las visitas 2015 y 2016 fueron todo un éxito y dejaron satisfechos tanto a organizadores como a visitantes. Se hicieron 20 en total, con casi 600 participantes.

  • La primera visita tendrá lugar el 1 de julio, sábado
  • Se harán dos grupos, uno en euskera y otro en castellano. Cada grupo tendrá su propio guía.
  • Cita: 11:00 en el aparcamiento del yacimiento. Las visitas duran hasta las 13:00 más o menos. Se visita primero el exterior de las murallas y el Espolón de Arkiz y después el interior.
  • Las visitas son gratis.
  • Para apuntarse: bisitak.sosirunaveleia@gmail.com (hasta dos días antes. No dejarlo para última hora).
  • Este año no organizamos la comida y la posterior proyección-charla como en ediciones anteriores.
  • Prevemos hacer una visita al mes (doble, euskera y castellano). Anunciaremos con antelación las fechas.
  • También hacemos visitas con grupos organizados (grupos de amigos, asociaciones culturales, etc.). Mínimo 12 personas. Ponerse en contacto escribiendo a nuestra dirección electrónica para fijar fecha, etc. En caso de suficiente gente y mucho interés, se podría organizar la comida-charla.

SOS Iruña-Veleia

Kategoriak Sailkatugabeak | Iruzkin 1

Arabako Audientziaren erabakiaren zain

Data: 2017(e)ko ekainaren 6a Egilea: elexpuru

Zertan dago Eliseoren auzia? Noiz hasiko da epaiketa?, galdetzen zaigu behin eta berriz. Galdera logikoa, maiatzaren 3an argitaratu baitzen epailearen autoa; orduan hedabideek esan zuten, eta geuk ere bai, hamar egun zutela diputazioak eta fiskaltzak akusazioa zehazteko edota artxiboa eskatzeko. Hilabete pasatu da eta berririk ez.

Kontua de akusatuek bost eguneko epea zutela autoa errekurritzeko, apelazioa egiteko, hauen abokatuek hori egin zutela artxiboa eskatuz, eta orain Arabako Audientziak erabaki behar duela errekurtso horiek onartu ala ez. 

Arabako Audientziak sei hilabeteko epea omen du erabakia hartzeko, baina normalean hilabete edo hilabete eta erdi behar izaten omen du. Beraz, epaileak instrukzioa zortzi urte luzatu ondoren, orain Audientziak berak luzatu dezake auzia. Logikoa litzateke laster berriak izatea, baina orain artekoa ikusita, hobe pronostikorik ez egitea.

Kategoriak Sailkatugabeak | 2 iruzkin

Hernaniarrak eta zizulkidarrak bisitan

Data: 2017(e)ko ekainaren 6a Egilea: elexpuru

Joan den igandean, Dobera Euskara Elkarteak eta Hernani Errotzenek antolatuta, bisita gidatua egin zen Iruña-Veleiara. Zizurkildar batzuk ere bildu ziren taldera. Hogeitamar bat lagun izan ginen denera. Eguraldiak gehiegi lagundu ez arren, goiz ederra pasatu genuen giro ezin hobean.

Hernani-zizurkildarrak (2017-06-04)

Kategoriak Sailkatugabeak | Utzi iruzkina

Ostegunean aurkeztu zen hedabideen aurrean ‘Euskararen aztarnak Sardinian’

Data: 2017(e)ko ekainaren 3a Egilea: elexpuru

Joan den ostegunean aurkeztu zen Donostian nire Euskararen aztarnak Sardinian. Ari da hedabideetan oihartzuna izaten.

 

Pamielaren webguneko bideoa

Diario Vasco-n Felix Ibargutxik egindako elkarrizketa luzea. Garako kronika, Ariane Kamiorena (ez dugu aurkitzen Interneten). Bestalde, Euskadi Irratian Mezularian, Onda Vascan eta Bilbo hiria eta Halabedi Irratiaren Araba Hizpide programan ere egin dizkidate elkarrizketak.

Kategoriak Sailkatugabeak | Iruzkin 1

Azpeitian ‘Euskararen aztarnak Sardinian?’ liburuaren aurkezpen-hitzaldia maiatzaren 31n, asteazkenez

Data: 2017(e)ko maiatzaren 26a Egilea: elexpuru

Datorren asteazkenean, maiatzak 31, nire Euskararen aztarnak Sardinian? liburua aurkeztuko da hitzaldi baten bidez. Napar Zuzterrak Elkarteak antolatzen duen zikloaren barruan izango da.

Lekua eta ordua: Baigera Elkartearen aretoa, 19:00.

Hitzaldiaren bideoa, Elkarteak editatua. Milesker, Joseba.

Kategoriak Sailkatugabeak | Iruzkin 1