Iruña-Veleia, egia ala gezurra?

Joan den igandean, urtarrilak 24, amaitu zen Bergaran Soriako Tierras Altasko hilarrien erakusketa. Denok ezagutzen dugun egoera dela eta, ikusteko gogoa zuen jende asko geratu da Bergarara etorri ezinik. Hala ere, arrakastatsua izan dela esan daiteke. Hedabideetan presentzia zabala izan du, ehunka izan dira ikustera hurbildu direnak, eta, oker ez banago, 16 hitzaldi eman dira. Hamabost formato txikikoak (6-15 lagunekoak museoan bertan), eta azkena Eduardo Alfarok urtarrilaren 22an eman zuena Seminarixoan. 125 lagunendako lekua zegoen, eta astebete lehenago bete zen aforoa. Jendeak interes handiz jarraitu zuen hitzaldia.

Argia, 2021eko urtarrilaren 13a

” Soriako (Espainia) Tierras Altas eskualdean eginiko indusketetan topatutako I. eta II. mendeetako hilarrietan antzinako euskarazko zenbait izen daude. Hilarrietako batzuk ikusgai daude Bergarako Laboratorium museoan, urtarrilaren 24a arte. Gainera, Eduardo Alfaro ikertzaile eta komisarioak hitzaldia emango du urtarrilaren 22an.” Jarraitzen du.

Hitzaldira izena emateko, Laborategi museoaren webgunean.

Aitor Biain kazetariaren Izenak eta izanak, harrietan zizelkatuak izenburuko kronika agertu zen atzoko Berrian.

2021ko urtarrilak 9. Berria. “Sesenco irakur daiteke aretoaren erdian paratuta dagoen harrietako batean, eta Belsco alboan dagoen beste batean. Pertsona izenak dira, eta duela 2.000 urteko, I. eta II. mendeetako, hilarrietan daude zizelkatuta. Soriako (Espainia) Tierras Altas eskualdean aurkitu zituzten harriok orain urte batzuk: 1980ko hamarkadatik gaur arte 40 bat izan dira, eta, hain zuzen ere, euskararen forma zahar bat erabiltzen dituzten hitzok egiten dituzte berezi. Aurkikuntza horien lagin bat Bergarako Laboratorium museoan dago ikusgai, Gipuzkoan, Heriotzarako erromatar ohiturak Soriako Tierras Altas eskualdean. Euskararen aztarnak antzinako epigrafian erakusketan. Lehen aldiz daude Euskal Herrian ikusgai.” Jarraitzen du.

ANDONI CANELLADA / @FOKU

Laboratorium Museoaren webgunetik jasoa:

URTARRILEKO BISITA GIDATUAK

Orain, Eduardo Alfaroren formatu txikiko hitzaldiak bukatu direla, bisita gidatuak antolatu ditugu, museoko teknikari batek gidatuak.

Egunak eta orduak:

• urtarrilak 7, osteguna
  • 5etan, euskaraz
  •  6etan, gaztelaniaz
• urtarrilak 8, ostirala
  • 5etan, gaztelaniaz
  • 6etan, euskaraz
• urtarrilak 14, osteguna
  • 5etan, euskaraz
  • 6etan, gaztelaniaz
• urtarrilak 15, ostirala
  • 5etan, gaztelaniaz
  • 6etan, euskaraz

• Bisita taldea 6 pertsonakoa izan daiteke gehienez, gida barne. Lekua eskatu bisita hauetarako

Duela gutxi jakitera eman genuen Gabonetan amaitzekoa zen Bergarako erakusketa urtarrilaren 24ra arte luzatzen zela. Eduardo Alfaro arkeologoaren hitzaldiei dagokienez, orain arte lau eman dira. Aldiko 15 lagunentzat bakarrik, egoera dela eta. Nahiz eta herrikoak eta mugakideak bakarrik parte hartu ahal izan, lehen egunean bete ziren leku guztiak. Hori ikusita, beste hitzaldi bat antolatu da, oraingoan 125 bat lagunentzat lekua izango da. Espero dezagun mugetan oztopo gutxiago izatea.

Hizlaria: Eduardo Alfaro. Eguna eta ordua: urtarrilak 22, 17:30. Lekua: Bergarako Seminarixoa (125 bat leku, gutxi gora behera). Aurrez izena eman behar da hemen. Informazio gehiago: Laboratorium Museoa

Argazkia: Laboratorium Museoa

Sardiniera hutsez argitaratzen den Limba Sarda2.0 diariu digitalean elkarrizketa egin didate bi ataletan. Lehenengoan euskeraren egoeraz galdetu didate, eta sardinierarena nola ikusten dudan ere bai. Bigarrenean, 2017an argitaratutako Euskararen aztarnak Sardinian? liburuaz. Deigarria da islan gaiarekiko dagoen interesa (dagoeneko hiru elkarrizketa egin didate hango prentsan, Paolo Francalacci genetistarekin batera), eta Euskal Herriko hedabideen interes falta (agerkari idatzi nagusietan ez da ezer agertu aukezpenaz geroztik).

Iruña-Veleia Argitu plataforma desegin da

Iruña-Veleia Argitu plataforma 2018an sortu zuten Euskeraren Jatorria, SOS Iruña-Veleia, Martin Ttipia eta Lurmen Elkarteek eta independente multzo batek, laster zetorren epaiketaren aurrean indarrak biltzeko helburuaz. Sinadura bilketa, hitzaldiak, bizikleta-martxa…, hainbat ekintza burutu ditu bi urte hauetan. Aro hau igaro delarik, plataforma bertan behera uztea erabaki dute lau elkarteek eta independenteek. Hemendik aurrera bi elkarte ezberdinetan batuko dituzte indarrak Iruña-Veleiako auzia argitzeko lanean jarraitzen duten ekintzaileek. Bi Elkarte hauek, SOS Iruña-Veleia eta Iruña-Veleia Martxan dira.

Se disuelve la plataforma Iruña-Veleia Argitu

La plataforma Iruña-Veleia Argitu fue creada en 2018 por las asociaciones Euskeraren Jatorria, SOS Iruña-Veleia, Martin Ttipia y Lurmen, más un grupo de independientes, con el fin de unir fuerzas ante el inminente juicio. Han sido muchas las actividades llevadas a cabo por la plataforma: recogida de firmas, conferencias, bizikleta-martxa, etc. Una vez transcurrido dicho período, las cuatro asociaciones e independientes han decidido disolver la plataforma. En adelante las personas que continúan luchando por el esclarecimiento del asunto de Iruña-Veleia unirán sus fuerzas en dos asociaciones diferentes: SOS Iruña-Veleia e Iruña-Veleia Martxan.

Gasteiz, 2020-11-27

Iruña-Veleia Argitu

Juan Martin Elexpuru, Berria, 202oko azaroak 25

“Amandrea, kontatu ipuina», eskatu zion ilobak, astero bezala. Ipuina ez, gaur egi-egia kontatuko dizut, ume, gauzak nola gertatu ziren jakin dezazun. Behin batean, nik zure adina baino hamar bat urte gehiago nuenean, Euskaraldiari buruzko hitzaldia eman ziguten institutuan. «Euskaraldia? Zer da hori, amandrea?», galdetu zuen ilobak. Elkarri euskaraz egitea bultzatzeko kanpaina, bi urtetik behin egiten zena; hamabost egun irauten zuen. Hizlariak kontatu zigun urte hartakoa bosgarren Euskaraldia zela, eta hamabost egun horietan jendeak ehuneko hamar gehiago egiten bazuen ere, amaitutakoan erabilera berehala jaisten zela, eta azken neurketek erakusten zutela hamar urte lehenago baino euskara gutxiago entzuten zela kalean. Denon errua zela, hau, hori eta bestea. Jarraitzen du. Ipuina Argia digitalean eta Naizen ere argitaratu da.

Maialen Arzallusek eta Xabier Sukiak zuzentzen duten Biba zuek programa Bergarako erakusketan izan zen eta bost minutuko bideoa eskaini du irudiekin eta Museoko arduradunen azalpenekin.

Bestalde jakinarazi nahi dugu hemendik abendura arte programatuta dauden Eduardo Alfaroren hitzaldiak beteta daudela, ez dela lekurik gelditzen. Erakusketa 2021eko urtarrilaren 24ra arte luzatuko denez, itxaropena dugu mugak irekiko direla eta areto handiagoren batean egin ahal izango dela beste hitzaldiren bat.

Egoera dela eta, hilabete luzatuko da erakusketa, abenduaren 2oan ixtekoa zena urtarrilaren 24an amaituko da. Bestalde, Eduardo Alfaro arkeologoak hainbat hitzaldi emango ditu. Pena bakoitzean hamabost lagun bakarrik parte hartu ahal izana. Hona hemen Museoak eskuratu digun informazioa:

Euskaraz:

Eduardo Alfaro, arkeologian doktorea, erakusketa honen komisarioa, hitzaldiak emango ditu gaiari buruz. Partehartzaileek hilarri hauek hobekien ezagutzen dituen ikerlaria entzun ahal izango dute eta ondoren, piezak ikusi:

• Azaroak 21, larunbata, 11:00 H. (beteta)
• Azaroak 27, ostirala, 18:00 H.
• Abenduak 12, larunbata, 11:00 H.
• Abenduak 18, ostirala, 18:00 H.

Gehienezko edukiera: 15 pertsona. Hitzaldi guztiak gaztelaniaz izango dira. Beharrezkoa da aldez aurretik izen-ematea gure formularioaren bidez.

* * Saioa beteta badago, izena eman dezakezu, baina itxaron zerrendan egongo zara. Leku libreak betetzen diren heinean abisua jartzen saiatuko gara, baina kontuan izan informazio hori ez dela automatikoki eguneratzen, eta ez dela, beraz, berehalakoa.

Hemen dago:  https://www.laboratorium.eus/eu/erakusketa/heriotzarako-erromatar-ohiturak-soriako-tierras-altas-eskualdean-euskararen-aztarnak

Edo, formatu motzean:  https://bit.ly/sesenco

Gaztelaniaz:

CONFERENCIAS Y VISITA CON EDUARDO ALFARO

Eduardo Alfaro, doctor en arqueología, comisario de esta exposición, dará varias charlas en el museo Laboratorium. Los y las asistentes podrán escuchar al investigador que mejor conoce estas estelas y visitar la exposición al terminar la conferencia:

• Noviembre 21, sábado, 11:00 H. (no quedan plazas)
• Noviembre 27, viernes, 18:00 H.
• Diciembre 12, sábado, 11:00 H.
• Diciembre 18, viernes, 18:00 H.

Aforo máximo: 15 personas. Todas las conferencias son en castellano. Es necesaria la inscripción previa a través de nuestro formulario.

* Según se vayan llenando las plazas, podrás inscribirte, pero tu solicitud pasará a la lista de espera. Procuramos poner un aviso cuando un día se llena, pero la actualización de dicha información no es automática, ni, por lo tanto, inmediata.