Biba! Firefox erabiltzaileak gora doaz. Iufffiiii.
Gaur ibili gara danbaka.com-eko datuak begira eta ia-ia Explorerrek baino erabiltzaile gehiago ditu… Hori dio analyticsek, behintzat. Datu pozgarria da, oso pozgarria. Badirudi gazteenak izan daitezkeela danbaka.com-en kontsumitzaile ohikoenak. Ba gazteak gogor datoz eta software librearekin besapean.
| Firefox | %43, 03 |
| Explorer | %52, 43 |
Zer izango notizia eta…: Ez dira agortu Pirritx eta Porrotx pailazoen ikuskizunerako sarrerak Sinesten ere zaila da zer izan daitekeen notizia. Eta notizia hau bigarren emanaldiari dagokiona da, e? Lehenengoa leporaino eta jendea kalean Elgoibarren.
Arrakastaduna da emanaldia eta asko pozten naiz Pirritx eta Porrotxengatik eta baita talde guztiarengatik ere. Niri izugarri gustatzen zait emanaldia, benetan. Arrakasta honek lagunduko die, baina ez diena lagundu da antolatzaile batzuei. Kontatuko dut:
Emanaldia egiten dute urtero eta frontoia lepo betetzen da. Azkenengo aldian jendea geratu zen kanpoan eta hori ez zaie gustatu, antza, Eskoriatzako gurasoei. Ez zaie gustatu Eskoriatzako jendea geratzea kanpoan. Eta zer asmatuko eta hauxe: lehenenengo Eskoriatzakoei salduko dizkiegu sarrerak eta beste inon ere ez dugu utziko saltzen. Eta sobratzen direnak… ba horiek bai, horiek jende guztiarendako jarriko ditugu, kanpotarrendako ere bai, baina gero. Hauxe diote Eskoriatzako udaleko webgunean: lehenengo herriko ikastetxeetako haurrei emango zaie sarrera erosteko
aukera eta ondoren, sobra gelditutako sarrerak salgai jarriko dituzte.
Fenomeno! Donostiako kursaaleko sarrerekin ere egin dezatela gauza bera, lehenengo hiriburukoei saldu eta gero gainontzekoak. Arrasateko Amaian (webgune propiorik ez) ere bai, lepo bete behar diren emanaldietan bi taldetan banatu jendea: pribilegiatuak (arrasatearrak) batean; beste guztiak, bestean. Espaloia kafe antzokian ere horixe, bi ilara egin: bertakoak eta kanpokoak. Arriagan, Arriolan, Basteron (webgunea gazteleraz bakarrik…) Imaginatzen duzue?
Erabaki popularra herrirako, baina eskoriatzarrak ez dira joaten gainontzeko herrietara?
Urtarrillaren 23a be heldu zan eta horixe zan eguna Elgetako ahotsak proiektuan parte hartu zeben danei eskerrak emoteko. Elkarrizketetan jakiturixia laga doskuen gehixenak egon ziran han, eta batzun faltan familixakuak. Berezixa izan zan ordubetioi.
Nik pare bat bideo erabili nittuan aurkezpenian, baiña mezua bakarra izan zan: zenbat ikasi dogun elkarrizketetatik! Bideuok jartzen dittut hemen, baiña ahotsak.com helbidian topauko dozuz Herrixak, 84; hizlarixak: 1.251;
zintak: 1.614; pasartiak: 11.011; transkribatutakuak: 2.333;
audiuak: 1.463; bideuak: 1.638.
Hau ikusteko Macromedia Flash Player behar duzu. Doan da. Jaitsi produktu hori.
Eskolia, unibertsidadia, euskerazko hedabidiak… bale. Baiña sekulako garrantzixa dauke edadetuen esanek. Bi arrazoigaittik:
Gertukuenak dira euskalkixa bizirik eta kalidadiakin eusten laguntzen dabenak. Eusten eta zabaltzen. Ez gara aspertuko eskerrak emoten.
Eskerrik asko, baitta be: Oxel Erostarbe alkatiai, batetik; bestetik, Asier Sarasua eta Aintzane Agirrebeña badihardugu elkarteko kidiei. Baitta elkarrizketa egitten jardun daben Josu Mendikutei be. (kuriosua, laurak blogarixak 🙂
Egun batzutan jota egon naiz. Medikuak Gelocatil hartzeko eta geldi egoteko, epelian. Egunotan, epela etxian, eta horrenbeste ordu… bi modutan banatuta ikusten dittut bost egunok:
Medikuangana fateko txandia hartzen jardun dot atsaldian. Bergarako anbulatorixora dozena erdi bidar deittu eta esan dosta amak: Internetetik be hartuko da ba seguruenik… Ama askoz modernuagua dala pentsatzen dot sarrittan.
Sartu naiz googlen: osakidetza klikatu-eta… Osanet, Euskadiko Osasun Atarira eruan nau bilatzailliak. Itxura argixa dauka webguniak, sorpresa politta izan da. Zita medikua hartzeko orrira heldu naiz segituan, argi eta garbi dana, baiña… baiña… KONEXIOAK HUTS EGIN DU!
KAKA! berriz saiatu eta bapez! han onduan telefono bat, duakua: 900 840 884. Deittu dot, ia Bergarako anbulatorixoko telefonuan baiño bizkorrau eta Interneten baiño errezau hartzen neban txandia… Hango mutil majo askuak esan dosta zer pasatzen jatan. Pasatzen jatana da ez dotela erabiltzen Bill-i horrenbeste diru emoten dotsan Internet Explorer. Eta hori holan ba ezin egin erreserba Internet bidez. Mozillak ez dabela balio esan ez dosta ba telefonuan bestaldian zeguanak? gggggggrrrrrrrrrrr.
Berriz be telefonua hartu eta dale! Euskadi aurrera doian herrixa dala? ka!
Hirugarren postuan dago “facebook login” Googleko berba bilatuenen zerrendan. Kuriosoa da. Hauxe zerrenda:
Nik ez dut horko izen bat ere topatu googlen, baina harritu egin naiz “Facebook login” hor egoteaz. Nik neuk ere orain urtebete baino askoz denbora gehiago pasatzen dut Facebook-en. Zerrenda atera dut hemendik: http://www.google.com/intl/en/press/zeitgeist2008/index.html Euskal Herrian zer den topatzen dena auskalo ze daturik ez dut topatu. Espainian topatzen dena gurean ere (hegoaldean) topatuko dela pentsatuta…:
Sare sozialak zerrenda honetan ere bat baino gehiago. Hor egongo da mahatsa, antza, 2009an… Lagun batek esaten dit nerabeen kontu bat dela sare sozialen kontu hau, baina bai zera! nire sare sozialeko lagunek aspalditxo pasa zuten nerabezaroa…
Gabonetako postala: Patxi Trapero jaunaren ideia eta argazkia. Gaudenondako, gehienondako, ederra, oso barregarria. Irritxo bat Gabonei 🙂
Postalak badu azalpenik ere, Traperoren blogean, zehazki mezu honetan.
Eskerrik asko, Trapero! 🙂
Nafarroako Parlamentuak onartu ditu 2009rako dirulaguntzak Nafarroako hedabide euskaldunendako. Zenbat? Ba Nafarroako hedabideetan euskararen presentzia bultzatzeko 9.567 euroko diru
partida jasotzen dute aurrekontuek,
hau da, iaz onartu zen partidatik %96,7ko murrizketa.
Duintasunik ez euskararendako Nafarroan. Duintasunaren partez iraina jaso dute.
Eta gero eta diru laguntza gutxiago jasota hedabideak argitaratzearen aldekoa naiz, baina tamalez, oraindik, behar-beharrezkoak dira diruok. Gogorra da behar horren jakinean egon eta horrelako murrizketa egin izana. Gogorra, gaitzestekoa eta irtenbideren bat topatu beharko zaiona.
Jasotzea egin dut buzoitik BAT soziolinguistika aldizkaria. Lehenengo 50 orrialdeak irakurri ditut, Javier Diaz Noci, Josu Amezaga eta Edorta Aranaren artikuluak tartean. Interesgarriak eta gomendagarriak “hedabideak eta euskara-plangintza” interesatzen zaizkionarentzat. Dena den, artikulu biok ez, lehenengo orri bi irakurtzea nahikoa izan da mezu hau idazteko aitzakia izateko.
Zelan demondre idatzi behar dugu: internet? Internet?
Nik beti idazten dut Internet, maiuskulaz. Baina bestela ere hasi naiz irakurtzen… lartxotan…
