Etiketaren artxiboa: musika

SAREBLOG, EUSKAL BLOG SAREA

Erantzun 1

Sareblog euskarazko blog sare berria dugu, oraingoz ez ditu blog askotxo baina nahiko interesgarriak aurkitzen ditut nik.

Musikazale: Kontzertuak, berriak, elkarrizketak, albisteak, hau da, euskal musikak
berri ematen duen azkenaz bustitzeko aukera ziurra da Musika Bloga.

Kiroldegi: Futbola, saskibaloia ala pilota sakonean jarraitu ahal izateko, edota
nazioartean ditugun kirolarien arrastoa jarraitu ahal izateko, Kirol
Bloga leku aproposa da.

OndoPasa: Asialdi Blogak gure herriko paisaiak ezagutzeko ibilbideen berri
emateaz gain, jai, jailadi, erakusketa, eta kultur gertaera oro batzen
dituen bloga da.

Proiektu nahiko interesgarria iruditzen zait Asierrek proposatzen duena, ziur nago nolabaiteko arrakasta izango duela euskal blogosferan eta nola  nik musika eta musikaz idaztea gogoko dudan Musikazalen parte hartzea erabaki dut.

BILBAO BBK LIVE 2009

Erantzun 1

Azaroaren 12an jarriko dira sarrerak salgai, oraindik talde bakar bat ezagutzen dugu Depeche Mode baina ziurrenik sorpresa gehiago izango ditugula 2009ko Bilbao BBK Livean, espero dezagun aurten behintzat eguraldiak laguntzea.

3 egunetako bonoak 100 eurotako prezioa izango du, nire ustez oraingoz nahiko garestia, baina ikusi beharko dugu zein talde datozen, imajina AC/DC etorriko balitz?

Sarrerak BBKko bulegoetan erosteko aukera dago, eta Donostian La Bretxako GONG DISCOS dendan.

PSILOCYBEREN LEHEN PAUSUAK INTERNETEN

Utzi erantzuna

Ezaguna da Psilocybe Hondarribian nahiz herritik kanpo, urriaren 4rako aretoaren estreinaldi festa izango dugu, baina hau baino lehenago urriaren 3an prentsaurrekoa egongo da goizeko 11:00 tan.

Beste batean idatzi nuen webgunea urriaren 4an egongo zela martxan, baina badirudi jada online dagoela, nahiz eta zenbait gauza falta diren oraindik; hala ere, agenda nahiz beste zenbait atal ikusteko aukera dago.

EBROVISION 2008

Utzi erantzuna

Ebrovision irailan urtero ospatzen den musika festibala dugu, baliteke gure artean oso ezaguna ez izatea baina bertan egon den jendeak oso erreferentzi onak pasa dizkit.

Bestalde prezioa ez zait batere garestia iruditzen, niri 35 euru kostatu zitzaidan, salgai zeuden bezain pronto erosi bainituen; orain eguneko sarrerak 30 euru balio dituela kontuan izanda.

Jaialdia irailaren 18, 19 eta 20an zehar izango da, eta bertan lo egiteko hainbait aukera desberdin daude, kanpina eramanda kanpoan nahiz kiroldegi barruan; bestalde zenbait ostatu ere badaude.

Hona hemen kontzertuen ordutegiak:
Osteguna:
21:00 Ate irekiera
22:00 Dirty Birdies
23:00 Haddock Orphans
0:30 The Sweet Vandals
2:00 Mindruss

Ostirala:
20:00 Ate irekiera
20:30 Half Foot Outside
21:40 The Gurus
22:50 Teenage FanClub
0:45 Fangoria
2:15 Dorian
4:00 Amable + Optigan1

Larunbata:
13:00 Sergio Tachenko + Bazkari Herrikoia
20:00 Ate Irekiera
20:30 The Blows
21:30 Los Salvajes
23:10 Lori Meyers
1:00 Mando Diao
2:40 We Are Standard
4:00 Kinki + Mr Chase

EUROPAKO RUBIK 2008 TXAPELKETA

Utzi erantzuna

Europako Rubik 2008 Txapelketa Derion ospatuko da. Irailaren 19, 20 eta 21ean Derioko Kiroldegian, bertan 150 partehartzaile egongo dira eta 17 modalitate ezberdinetan parte hartuz, saritan 9000 euru izanda.

Sarrera dohakoa da eta edozeinek joateko aukera dauka, bestalde nire gomendioa Rubik Kuboarekin azkarra baldin bazara akaso zerbait irabazteko aukera duzu, nork daki.

Aimaitzeko aipatu beharra dago Derioren 320 urteurrena ospatuz, Kepa Junkerak bere azken lana aurkeztuko duela.

ASTHMATIC LION SOUND SYSTEM, FERMIN MUGURUZA

Utzi erantzuna

Asthmatic Lion Sound Sytem Fermin Muguruzaren lan berriaren izena dugu. Urriaren 31n diska erosteko aukera izango dugu, hala ere ohikoa izaten den moduan zenbait single entzuteko aukera izango dugu urriaren hasierarako, honekin batera single honen bideoklipa Ferminen webgunean ikusgai izango dugu.

Bestalde Ferminen lanetan normala izan ohi den bezala zenbait musikarien laguntza izango du, hala nola aipatu beharrekoak dira: Gambeat, Manu Chao, Sorkun, BAD Sound System, Al Rumjen edo ta Rossy de Palma.

Diska berri hau plazaratu bezain pronto, Ferminek Tour bat antolatzea espero dut, Bilboko Kafe Antzokitik pasako den esperantzarekin.

FESTIVAL: BONBERENEA SUTAN

Utzi erantzuna

Uda amaitzear dago, horixe pentsatuko du batek baino gehiagok baina oraindik musikaz gozatzeko aukera badago. Irailaren 12 eta 13an Tolosan, Bonberenea Sutan antolatu baitute Bonberenea Gaztetxekoek.

BONBERENEA SUTAN KARTELA
Kontzertuak futbolzelaian izango dira, 20:00etatik aurrera


Irailak 12, ostirala
* Naizroxa
* Kerobia
* Zea Mays
* Sorkun & Vicepresidentes
* Anestesia
* Makala Dj (etxe barruan)


Irailak 13, larunbata
* Willis Drummond
* Inoren ero ni
* Lisabö
* Deabruak Teilatuetan
* Delorean
* Bad Sound System (etxe barruan)

* Tolosako kaleetan zehar arratsaldeko 18:00etatik aurrera: Mulambo, Bonberenea txaranga

Eguneko sarrera: 12 euro
Salmenta puntuak: Eguzki, Orbela, Denak.
Webgunea: http://www.bonberenea.com/sutan/