Ona da telebista publikoak “albiste ofizialak” kontrastatzea

Data: 2013(e)ko irailaren 16a Egilea: marijo

Gaur egun, 9. minututik aurrera

Domeka iluntzeko Teleberrian ikusi nuen (7’31”). Baina hona euskarazko bertsioa ekartzeko, Nahieran zerbitzuan aurkitu dut euskarazkoa, Gaur egun (9’11”); eguerdian eman zuten Jasone Agirre kazetariak EAJk eta PSEk sinatu duten itun fiskalaren inguruko bideoa. Atentzioa deitu zidana zera izan zen: hitzarmenaren edukia hain garrantzitsua dela saltzen aritu ostean, telebista publikoak pieza “kritikoa” egin zuela, edo gutxienez, beste ikuspegi bat ematen saiatu zela, ekonomiako bi adituren iritziak batuz: Mari Carmen Gallastegi ekonomian katedraduna eta Adrian Zelaia, Ekai Center-eko zuzendaria.

Biek ala biek azpimarratu zutena zen hitzarmena orokorregia dela eta zehaztasun asko falta zaizkiola, gure ekonomia sustatzeko balioko duten neurriei dagokienez.

Poztu ninduen bideo-albiste horrek. Kazetaritzaren oinarriei erantzuten zien, hau da, informazioa kontrastatzeko aukera eman zigun; iturri ofizialetatik harago, eta kasu honetan, inplikatutako alderdi politikoen iritzietatik harago, ekonomia gaietan jantzita dauden beste bi iritzi jaso zituztelako, bestelako ikuspegia emanez. Ez da ohikoa izaten euskal telebistan iturri ofizialetatik datozen albisteak era horretara “dudan” jartzea; are gehiago, azken hilabeteotan izan dugun “hitzarmenik garrantzitsuena” bezala saldu digutenean gaur Urkullu lehendakariak eta Lopez lehendakari ohiak sinatuko dutena.

Behin baino gehiagotan kritikatu ditugu ETBko albistegiak, behar den bezalako informazioa eman ez dutenean eta, horregatik, garrantzitsua deritzot atzokoa moduko informazioak egiten direnean ere ondo egindako lana aitortzea.

Espero dezagun atzokoa ez izatea salbuespena eta maizago ikustea “bertsio ofizialak” kontrastatzen dituzten informazioak euskal telebista publikoan.

Kategoriak Kazetaritza | Etiketak , , , , , , | Iruzkin 1

Noizko ate irekien eguna San Mames berrian?

Data: 2013(e)ko irailaren 13a Egilea: marijo

Gaurkoa ere egun historiko horietako bat izango ei da. Athletic-ek San Mames berrian zaleekin egingo duen lehenengo entrenamendua izango da. Dirudienez, han jokatuko duten lehenengo partida orduko, txapel gorriak entrenatuta izan nahi dituzte eta, aldi berean, zaleek bere lekura nondik hobeki eta azkarren heltzen ikas dezaten. Horretarako izango da ate irekiekin egingo den entrenamendua; “simulakro” antzeko bat. (Javier Aldazabal, Athleticen idazkariaren azalpenak: Bideoa: euskaraz 3. minututik aurrera).

Ate irekienak, gainera, kasu honetan, badauzka hainbat ñabardura: 1) jakina denez, obrak ez dira amaitu, beraz, nahita ere ezingo lituzkete ateak itxi; 2) ateak irekita arituko dira zuri-gorriak, baina bazkideentzako bakarrik, beraz, futbol zelaia egiteko zergadunon diruak erabili dituzten arren (Jaurlaritzak 55 milioi), sentitzen dut, baina bazkide txartel barik ez dago sartzerik.

Irudia: http://www.athletic-club.net

Irudia: http://www.athletic-club.net

Hori jakinda, zer egin bazkide txartelaren eskaintzaren aurrean? Entrenamendua ikustera bakarrik sozioak joan daitezkeelako protesta egin eta ez erabili? Ala, delako egun historiko hori bizitzera joan eta, ohe lagunak eskatu bezala, bere eserleku berritik zelaia zela ikusten den suma dezan bideotxoa grabatu? (irudian igartzen da, gutxi gorabehera, eserleku berritik ikusiko litzatekeena).

Duda esistentziala, hala deitu badaiteke, areagotu egiten zait kontuan izanik etxean realzale izaten erakutsi zidatela. Gainera, sareko foroetan dabiltzanek arrazoia dutela uste dut. Ate irekien benetako eguna egin beharko lukete gaur San Mames Berrian. Nahi duen guztiari aukera eman, gutxienez behin —bere diruarekin ere egin den beste klub pribatu baten futbol zelai hori—, in situ ikusteko.

Igual, joan egingo naiz!

 

Kategoriak Ispiluari begira | Utzi iruzkina

Nabarmendutako txioak dituzue denbora lerroan?

Data: 2013(e)ko irailaren 10a Egilea: marijo

Azken egunotan Twitter aplikazioa eguneratu dudanetik, “Tweet destacado” izenburuko txioak agertzen hasi zaizkit nire denbora lerroan. Ulertuta neukan Twitter hasia zela hori egiten erositako bertxio eta faboritoak zituzten mezuekin, baina geroago irakurri nuen elkar eragin gehien izan duen azkeneko txioa dela time line-ean nabarmendutako txio (“Tweet destacado”) modura erakusten zuena, edo joeretako traola nagusia daraman txioa.

Beraz, atzo hartutako timelineko irudian eta gaur hartutako irudian narmandutako txioak zergatik aukeratu dituzten esatea ez da erraza; atzokoak ez zuen zenbat bider bertxiotua izan zen esaten, aldiz gaurkoan 733 aldiz bertxiotu dela adierazten du.

Mobileko aplikazioan publizitatea sartzeko modua egin zuen Twitterrek ezkutatutako txioekin eta ordaindutako traolekin. Orain mugikorretako aplikazioetan publizitatea egoki ezartzen laguntzeko abilezia garatu duen enpresa erosi du Twitter-ek: MoPub publizitate agentzia erosi du. Iragarleei euren targetera hobekien atxikitzen den audientzia detektatzeko tresnak ematen zizkien enpresa horrek. Nola erabiliko du Twitterrek tresneria hori? Nola eragingo digu gure denbora lerroan. Ikusteko dago, ze, dirudienez, MoPub Marketplace-k publizitate tarteak denbora errealean enkantera jartzeko abilezia zuen. Beraz, aurrerantzean telefonoetako twitter aplikazioan lehen hainbeste igartzen ez zen publizitatea ere ikusten hasiko ote gara?

Iturriak:

 

Kategoriak Kazetaritza, sare sozialak | Etiketak , | Utzi iruzkina

Egunkarian irakurritakoa nola elkarbanatzen duzu Twitter sarean?

Data: 2013(e)ko irailaren 6a Egilea: marijo

Nola elkarbanatzen dituzue Twitterren egunkarietako artikuluak? Artikuluak berak duen txori urdinaren ikonoan sakatzen duzue eta listo? Aipamenen bat gehitzen diozue Twitter sarera bota aurretik? URL lotura txikitzaileren batetik pasa ostean, artikuluaren testuren bat gehitzen diozu?

Egiten duzuela egiten duzuena, artikuluaren hasierara eramango gaitu beti Twitterreko loturak. Baina, badago beste modu bat, atentzioa deitu digun esaldi zehatz horretan bertan zabaltzeko loturaren gainean klik egin ostean.

New York Times egunkariak erabaki du albisteak sareratzeko orduan, testuan barrenean ere txori urdinaren logotipoak sartzea, irakurleak, era horretan, gustuko duen beste testu zati horixe bera sarera dezan. Lortzen dena da txioko lotura zabaltzen duenak, bidaltzaileak azpimarratu nahi izan duen artikuluaren zati horretara joatea zuzenean. NYT-en arduradunek diotenez, artikuluak 11 bider gehiago elkarbanatu dira aplikazio horri esker.

Argazkietan ikusten denez, Twitter bidez elkarbanatzeko artikulu zatiak aldez aurretik aukeratzen ditu editoreak; frogarako erabili zuten artikuluan zortzi esaldik itzal moduko bat zuten eta ondoan txori urdina. Artikuluaren irakurleak, beraz, aukera dauka bere jarraitzaileei artikulutik atentzioa deitu dion zati horretara gonbidatzeko. Abantaila izan daiteke, esaterako, elkarrizketetarako edo baita iritzi artikuluetarako —kasu gehienetan, amaieran izaten baitute esaldirik borobilenak—.
Baliabide interesgarria iruditu zait NYT-ek eta Twitterrek elkarlanean asmatu dutena. Egunkariak etekin gehiago ateratzen die bere artikuluei, jende gehiagok elkarbanatzen dituelako; eta txioaren irakurleak ere era arinagoan egin dezake irakurketa, “interegarriena” jada zehaztuta dagoelako, lotura artikuluaren zati zehatz horretan irekiko zaiolako, eta Twitterren denbora lerroa doan abiaduran, laguntza oro da ondo etorria.

Nik zati hau aukeratu dut, egin aproba lotura honetan: http://nyti.ms/14Ywg5J

http://nyti.ms/14Ywg5J

http://nyti.ms/14Ywg5J

Iturriak:

Kategoriak Kazetaritza, sare sozialak | Etiketak , , , | Iruzkin 1

Sute ikusgarria gertatu da Busturialdeko enpresa handi bakarrean, Maier

Data: 2013(e)ko abuztuaren 29a Egilea: marijo

maier-kea

Aurtengo lehenengo hiru hilekoan langabezia Busturialdean %15,57koa zen, Lanbideren datuen arabera (grafikoa). Uztaileko datuen arabera, aldiz, jaitsi egin ei da puntu baten: %14,3.

LAB sindikatuak martxo aldera salatu zuenez, azkeneko 5 urtetan, “beste baten kontura lan egiten dutenen lanpostuen %17,6 suntsitu dira (adierazgarriak Muxika, Bermeo, Forua, Gernika)”.

Muxikan Finsa-Inama enpresa itxi zuten iaz, eta zuzeneko 130 lanpostu galdu ziren; Foruko Rinder enpresa EREan dago eta ia 100 langileen lanpostua kolokan.

Datu horiek guztiak eta gehiago izan dituzte Ajangizko Maier kooperatibo beharginek gogoan, euren lantegian piztu den suteari begira zirela. Izan ere, Maier da Busturialdeko dimentsio horietako enpresa bakarra. Gaur egun eskualdeko ekonomiaren motor bakarra dela esateraino.

Ordubete luzez ke beltzezko zutabe luze batek hartu du Urdaibai inguru hori. Txispa batek eraginda piztu da, enpresako atzeko aldean. Ia 4 pisuko altura zuen teilape baten batzen ziren itzultzeko plastikozko pieza guztiak, edukiotziak eta teilapea bera erre dira. Zorionez sua ez da iritsi ondo-ondoan dagoen disolbatzaile eta pintura batzen diren biltegira.

Horiek dira Mondragon Korporazioa taldeko kooperatiba horretan darabilten lehengaietako batzuk: plastikoa, pintura eta disolbatzailea. Izan ere, automozioan aritzen dira Maierren, autoentzako piezak egiten dituzte: Audi, Nissan, Toyota, Volvo, Renault, Citroen, Peugeot, Ford, Mercedes, Vokswagen, Jaguar… Teknologia zentroa ere badauka, orain bi urte berritu zutena.

Ajangizko instalazioetan 800 bat lagunek lan egiten dute, eta horri zeharkako lanpostuak gehitu beharko litzaieke, bai eta gainerako lantegietan dituenak: Nafarroan, Galizan eta Txekian, esaterako. Guzti-guztiek eta euren familiek inoizko susturik handiena bizi izan dute (dugu) gaur goizean.

Gaurkoa, susto galanta

Goizeko 10:15ak aldera hasi da sua. Sute-simulazioan ikasitakoari jarraitu diote enpresa husteko, baina hango beharginetako batzuk kontatzen zutenez, “sugarrak ikusi ditugunok korrika atera gara”. Izan ere, margotzeko gunetik oso gertu piztu da sua. Are gehiago, eurak izan dira, suhitzaileek sartzeko baimena eman dutenean, fabrikara azkenak itzultzen. Euren sekzioan, goiko solairuan kea zen oraindik 13:15 aldera.

Arratsaldeko txandakoak ere joan dira 14:00etarako lanera. Hasieran makinak martxan jartzeko zain egon badira ere, baimena jaso dute ekiteko berehala, suhiltzaileak oraindik han zirela, argazkietan ikus daitekeenez.

Kalte materialak zenbatekoak diren jakitea geratzen da orain, bai eta lan arriskuetarako istripuak saihesteko neurriak zein gainerako protokoloak ondo betetzen diren ziurtatzea, ohikoa izaten denez horrelako istripu baten ostean.

 

Kategoriak Ispiluari begira, Kazetaritza | Etiketak , , , , , | Utzi iruzkina

2 titular, astebeteko aldea. Suteak nonnahi

Data: 2013(e)ko abuztuaren 27a Egilea: marijo

Abuztuaren hasieran ohelagunak komentarioa egin zuen etxean: aurten ez dabiltza suteen albiste askorik ematen, ezta? Mallorcako sutearen ondotik esan zuen hori eta berehala entzun genuen Galizan suteak hasi zirela. Aieru bat bailitzan 2006ko Galiza sutan gogoratu nuen.

Sua Hego Euskal Herrian | GRAFIKOA

Gaur, berriz, El Pais egunkarian aurkitutako bi titularrek asaldatu naute. 2 titular eta astebeteko aldea. Lehenengoak dio 2013 izan dela azalera gutxien erre den urtea (“2013, el año con menos superficie quemada”). Bigarrenak, berriz, astebetean 2013an erretakoaren %20 erre dela (“El fuego devora en una semana casi el 20% de lo quemado en todo 2013“). Ikaragarria, azken hamarkadan erre diren baso hektarea gutxien izanda ere, hurrengo irudian ikusten denez, Paisek berak egindako grafikoan ikus daitekeenez:

Iturria: El Pais

Iturria: El Pais

Civio elkarteak egin zuen erreportaje bat suteen datuak batuz. Aplikazio bat da berez “España en llamas” eta, besteak beste, mapa baten kokatu dituzte suteak, urteen arabera (Galizako 2006ko 100 suteak ere agertzen dira, sute bakoitzean erretako azalerarekin batera). Civiokoek egindako ikerketa lanaren arabera 2001-2011 hamarkadako urterik latzena 2005eko uda izan zen: 188.697 hektarea erre ziren; hala ere, apirilean Espainiako Ingurumen Ministerioak aurreratu zuenez, 2012ko urtea izan zen askogatik kaltegarriena basoentzako: 209.855 hektarea baso edo 2.098 km².

Batutako datuen arabera, Hego Euskal Herrian 2012an 242 sute egon ziren eta 1.800 hektareatik gora erre ziren baso zurkara eta belarkaren artean. Hemen ministerioaren datuak:

Iturria: Ingurumen Ministerioa, Civio-ren bitartez

Iturria: Ingurumen Ministerioa, Civio-ren bitartez

 

Kategoriak Ispiluari begira, Kazetaritza | Etiketak , , | Utzi iruzkina

Ez da Luther gehiago egongo

Data: 2013(e)ko abuztuaren 26a Egilea: marijo

@GoizaldeL-ri irakurri nion BBCren Luther serieaz eta atzo amaitu genuen 4. denboraldia. Idris Elba protagonista The Wired seriean ezagutu genuen (hori ere Goizalderi esker!) eta han ere bikaina iruditu zitzaigun. Luther ere asko asko gustatu zaigu, eta penaz geratu gara gaur hauxe irakurri dudanean: “No habrá 4ª Temporada de Luther”.

Aspaldi honetan inoiz baino telebista gehiago ikusten ari naiz; Internet bidez, baina telebistan. Ze, ordegailua telebista pantaila handira lotuta, asko irabazten du ikusten ari zaren horrek! Eta, denetik dagoenez sare horretan, Twitterren eta bestelakoetan irakurritako gomendioei segika, orduak eta orduan eman zenitzake pantailari so. Aurten Juego de Tronos, The Wired, Boardwalk Empire, Arrow (ikusteari utzi genion, entretenitzeko ere ez du balio!), Los Soprano, Luther, The Bridge (bertsioa amerikarra) eta Breaking Bad eta Dexter (ohelagunak ikusten ditu bi horiek) pasa ditugu. Orain The Bridge ikusten ari gara (eta ohe laguna Breaking Bad, nola ez!) eguneko kapitulu bat, bestela azkarregi amaituko dugu. Mexiko eta Ipar Amerika arteko zubi horren bueltan gertatzen denak harrapatu gaitu, eta pertsonai nagusien arteko harremana, oraindik ez bada normalizatu, atzo ikusi genuen kapituluan, zertxobait gehiago dakite batak besteaz (eta guk ere bai). Eta, asko da hori Sonya Cross (Diane Kruger) detektibearen izaera bitxia baino gehiago delako! Atzoko kapituluagatik-edo, gaur El Pais egunkariko pare bat artikulu irakurri ditu Mexiko DFn maiatzean izandako gazte batzuen bahiketen inguruan; beti bezala, errealitateak fikzioa gainditzen du.

Ez dut jatorrizko Broen ikusi, baina The Bridge-k harrapatu gaitu tarte baterako, nahiz eta dioten ez dela jatorrizkoa baino hobea.

Kategoriak Ispiluari begira, Kultur ikuskizunak | Utzi iruzkina

75 legebiltzarkideetatik, 40 txiolari

Data: 2013(e)ko abuztuaren 13a Egilea: marijo

Eusko Legebiltzarreko ordezkaririk aktiboena UPDko bozeramaile Gorka Maneiro da eta Patxi Lopez da jarraitzaile gehien dituena bai eta, Twitterrek egiaztatutako kontu bakarra. Kontu gehien jarraitzen dituena, berriz, Oskar Matute da. Txio gehien dituzten 10 legebiltzarkideetatik 3 dira emakumeak: Marian Beitialarrangoitia, Maribi Ugarteburu eta Maria Eugenia Arrizabalaga.

Grafikoa http://infogr.am/Legebiltzarkide-txiolarienak

Perfilaren atzeko horma orijinalenagatik aukeratu dut Arantza Quirogaren perfila
Perfilaren atzeko horma orijinalenagatik aukeratu dut Arantza Quirogaren perfila

Azken egunotan hainbeste albiste ikusi ditut Twitterren kontua duten ordezkari politikoen zerrendekin. Azkeneko Europako ordezkari politikoena argitaratu du El Diario egunkari digitalak.
Eusko Legebiltzarrera bistadizoa botata, EAEko legebiltzarkideetatik 40k Twitter kontua dute. Talde parlamentarioetako 5 bozeramaileetatik 4k daukate propioa: Gorka Maneirok, Laura Mintegik, Jose Antonio Pastorrek eta Borja Semperrek; Joseba Egibar jeltzalea da Twitter konturik ez duen bozeramaile parlamentario bakarra. 40 kontuetatik bakarra dago babestua: Isabel Celaarena, hain justu.

Beste parlamentu batzuekin alderatuta, Eusko Legebiltzarra bataz bestekoaren gainetik dagoela esan daiteke, Twitter kontuei dagokienez. ElPeriodicok uztailean argitaratu zuenaren arabera, Espainiako kongresuan %53k dauka Twitter sare sozialean kontua. Nafarroako 50 parlamentarioen artean 19k daukate Twitter kontua eta
Asturiasko parlamentuan, esaterako, 45etik 11k bakarrik daukate kontua.

Alderdi txikienak dira aktiboenak sare sozial horretan, baita Eusko Legebiltzarraren kasuan ere. Gorka Maneirok egin ditu txio gehien: 39.460 sarrera egin ditu 2011ko urtarrilaren 29an kontua sortu zuenetik.

Datu aipagarri batzuk:

  • Txio gehien dituzten lehenengo 10 legebiltzarkideak: @Gorka_Maneiro, @oskarmatute, @javiermaroto, @Imunain, @marianbeitia, @bsemper, @mugarteburu, @joseanpastor, @MeugeArri, @iurkullu
  • Txio gehien dituena: @Gorka_Maneiro: 39.460
  • Jarraitzaile gehien dituena: @patxilopez: 171.767. Bigarren @lauramintegi, 12.076.
  • Kontu gehien jarraitzen dituena: @oskarmatute: 2.253
  • Txiolari gehien dituen taldea: EHBildu: 18
  • Arraultza kontuak: @HasierArraiz, @MaMikel, @ilazarobaster
  • 0 txio dituzten legebiltzarkideak: @HasierArraiz (EHBildu), @isabelcelaa (PSE) eta @MaMikel
  • 1-10 txio artean dituzten legebiltzarkideak: @natagorri (2), @BakartxoTejeria (6), @ilazarobaster (6)
  • 1.000tik gora txio dituzten legebiltzarkideak: @julenaretakoa, @inakiOyarzabal, @EstitxuB, @patxilopez, @iurkullu
  • 2.000tik gora txio dituzten legebiltzarkideak: @MeugeArri, @joseanpastor, @mugarteburu
  • 3.000tik gora txio dituzten legebiltzarkideak: @bsemper, @marianbeitia, @Imunain
  • 4.000tik gora txio dituzten legebiltzarkideak: @jaivermaroto, @oskarmatute, @Gorka_Maneiro

11 legebiltzarkidek daukate perfileko informazioa euskara hutsez; bik elebitan. Beste 16k, berriz, ez daukate perfilean datu aipagarririk, kokalekua edo alderdi politikora loturaren bat, akaso, baina ez eurak ezagutzeko bestelako informaziorik. Legebiltzarkideen Twitter perfilak, txio kopuruaren arabera ordenatuta:

http://infogr.am/Legebiltzarkide-txiolarienak

IZENA TALDEA KONTUA TXIOAK JARRAITZAILE JARRAITZEN
Gorka Maneiro UPD @Gorka_Maneiro 39460 171767 2253
Oskar Matute EHBildu @oskarmatute 4947 12076 715
Javier Maroto PP @javiermaroto 4589 8792 702
Igor Lopez de Munain EHBildu @IMunain 3121 8250 664
Marian Beitialarrangoitia EHBildu @marianbeitia 3116 6943 617
Borja Semper PP @bsemper 3025 6508 590
Maribi Ugarteburu EHBildu @mugarteburu 2906 6177 586
Jose Antonio Pastor PSE @joseanpastor 2830 5378 555
MªEugenia Arrizabalaga EAJ @MeugeArri 2477 4706 546
Iñigo Urkullu EAJ @iurkullu 1528 2737 530
Patxi López PSE @patxilopez 1443 1440 422
Estitxu Breñas EHBildu @EstitxuB 1268 1371 380
Iñaki Oyarzabal PP @inakiOyarzabal 1171 952 378
Julen Arzuaga EHBildu @julenaretakoa 1126 934 342
Txaro Sarasua PSE @txarosar 959 925 325
Dani Maeztu EHBildu @danielmaeztu 953 875 320
Laura Mintegi EHBildu @lauramintegi 908 724 304
Peio Urizar EHBildu @pellourizar 858 693 265
Unai Urruzuno EHBildu @urruzuno 691 582 262
Laura Garrido PP @lgarridoknorr 625 482 259
Luke Uribe-Etxebarria EAJ @Iturtabarrena 386 419 247
Arri Zulaika EHBildu @arrizulaika 340 329 241
Arantza Quiroga PP @arantzaquiroga 306 314 213
Diana Urrea EHBildu @DianaUrrea5 279 314 206
Jesus Zaballos PSE @jesuszaballos 277 303 195
Xabier Isasi EHBildu @XabierIsasi 275 299 186
Alex Etxeberria EAJ @alexetxeberria 271 253 151
Idoia Media PSE @idoiamendia 236 234 130
Leire Pinedo EHBildu @pinedoleire 225 215 103
Jone Berriozabal EAJ @joneberriozabal 210 208 82
Carmelo Barrio PP @tintinista 172 152 82
Rebeka Ubera EHBildu @RebekaUbera 154 147 78
Txarli Priento PSE @txarliprieto 68 128 71
Lur Etxeberria EHBildu @iradilur 66 120 35
Bakartxo Tejeria EAJ @BakartxoTejeria 6 104 32
Iñaki Lazarobaster EHBildu @ilazarobaster 6 96 24
@oscarmatute 4 42 14
Natalia Rojo PSE @natagorri 2 24 9
Hasier Arraiz EHBildu @HasierArraiz0 0 15 1
Isabel Celaá PSE @isabelcelaa 0 5 0
Mikel Unzalu PSE @MaMikel 0 0 0

Artikulua osatzeko erabilitako datuak abuztuaren 12koak dira, beraz, opor sasoiak ere eraginik izan duela espero izatekoa da. Izan ere, 40 kontu horietatik abuztuan sarrera berriren bat egin duten legebiltzarkideak 25 izan dira. Segidan kontu guztiak eta euren azkeneko txioak:

Alex Etxeberria, EAJ: @alexetxeberria (azkeneko txioa, ekainak 14)

Arantza Quiroga, PP: @arantzaquiroga (azkeneko txioa, bertxioa, apirilak 19)

Arri Zulaika, EHBildu: @arrizulaika (azkeneko txioa, abuztuak 6)

Bakartxo Tejeria, EAJ: @BakartxoTejeria (azkeneko txioa, 2012ko uztailak 17)

Borja Semper, PP: @bsemper (azkeneko txioa, abuztuak 3)

Carmelo Barrio, PP: @tintinista (azkeneko txioa, abuztuak 12)

Dani Maeztu, EHBildu: @danielmaeztu (azkeneko txioa, abuztuak 10)

Diana Urrea, EHBildu: @DianaUrrea5 (azkeneko txioa, ekainak 27)

Estitxu Breñas, EHBildu: @EstitxuB (azkeneko txioa, bertxioa, uztailak 24)

Gorka Maneiro, UpyD: @Gorka_Maneiro (azkeneko txioa, abuztuak 12)

Hasier Arraiz, EHBildu: @HasierArraiz

Idoia Mendia, PSE: @idoiamendia (azkeneko txioa, abuztuak 10)

Igor Lopez de Munai, EHBildu: @IMunain (azkeneko txioa, abuztuak 3)

Iñaki Oyarzabal, PP: @inakiOyarzabal (azkeneko txioa,bertxioa, abuztuak 9)

Iñaki Lazarobaster, EHBildu: @ilazarobaster (azkeneko txioa, ekainak 13)

Iñigo Urkullu, EAJ: @iurkullu (azkeneko txioa, abuztuak 7)

Isabel Celaa, PSE: @isabelcelaa (babestuta dauka kontua)

Javier Maroto, PP: @javiermaroto (azkeneko txioa, abuztuak 7)

Jesus Zaballo, PP: @jesuszaballos (azkeneko txioa, ekainak 2)

Jone Berriozabal, EAJ: @joneberriozabal (azkeneko txioa, bertxioa, abuztuak 7)

Jose Antonio Pastor, PSE: @joseanpastor (azkeneko txioa, abuztuak 11)

Julen Arzuaga, EHBildu: @julenaretakoa (azkeneko txioa, abuztuak 12)

Laura Garrido, PP: @lgarridoknorr (azkeneko txioa, bertxioa, abuztuak 4)

Laura Mintegi, EHBildu: @lauramintegi (azkeneko txioa, abuztuak 12)

Leire Pinedo, EHBildu: @pinedoleire (azkeneko txioa, bertxioa, abuztuak 12)

Luke Uribe-Etxebarria, EAJ: @iturtabarrena (azkeneko txioa, abuztuak 8)

Lur Etxeberria, EHBildu: @iradilur (azkeneko txioa, bertxioa, abuztuak 12)

Maria Eugenia Arrizabalaga, EAJ: @MeugeArri (azkeneko txioa, abuztuak 10)

Marian Beitialarrangoitia, EHBildu: @marianbeitia (azkeneko txioa, bertxioa, abuztuak 9)

Maribi Ugarteburu, EHBidu: @mugarteburu (azkeneko txioa, bertxioa, abuztuak 8)

Mikel Unzalu, PSE: @MaMikel

Natalia Rojo, PSE: @natagorri (azkeneko txioa, martxoak 7)

Oskar Matute, EHBildu: @oskarmatute, @oscarmatute (azkeneko txioa, bertxioak, abuztuak 12)

Patxi Lopez, PSE: @patxilopez (azkeneko txioa, uztailak 25)

Peio Urizar, EHBildu: @pellourizar (azkeneko txioa, abuztuak 12)

Rebeka Ubera, EHBildu: @RebekaUbera (azkeneko txioa, uztailak 23)

Txarli Prieto, PSE: @txarliprieto (azkeneko txioa, 2011ko urriak 1)

Txaro Sarasua, PSE: @txarosar (azkeneko txioa, bertxioa, abuztuak 12)

Unai Urruzuno, EHBildu: @uurruzuno (azkeneko txioa, abuztuak 10)

Xabier Isasi, EHBildu: @XabierIsasi (azkeneko txioa, bertxioa, abuztuak 2)

OHARRA: Legebiltzarkideren baten konturen bat falta bada, gehitu erantzunetan. Eskerrik asko.

 

 

 

Kategoriak Eusko Legebiltzarra, Politika | Etiketak , , , | Utzi iruzkina

Mariette txupitoa eta eskerrik asko, txosnetan Trending Topic

Data: 2013(e)ko abuztuaren 12a Egilea: marijo
Argazkia: http://licor-de-fruta.uvinum.es/licor-de-pina-mariette

Argazkia: http://licor-de-fruta.uvinum.es/licor-de-pina-mariette

Zapatu gauean Lurgorriko (Gernika-Lumo) San Lorentzo jaietan aritu naiz txosnan laguntzen. Antzuolako jaietan eta Sanferminetan ere ibili izan naiz lehenago, baina urte dezente pasa da harrezkero. Aitortu behar dut primeran pasa nuela eta nire sorpresarako, jendea ere primerakoa tokatu zitzaidala. Sorpresarako diot, bestelako oroitzapena neukalako txosnako giroaz.

Zapatuan gazteenek, guzti-guztiek, euskaraz eskatzen zuten; edalontzia birziklatzeko ohiturari jarraituz, basoko euro bat ordaindu behar zela esanda inork ez zuen arazorik jartzen eta “eskerrik asko” bolo-bolo erabili zuten. Edukazio oneko gazteak! Horretxek harritu ninduen gehien: dirua eman orduko, eskerrik asko esaten zutela guztiek.

Izango du zerikusirik euren adin berekoa nintzela ni txosnan aritzen nintzenean, ez gaur egun bezala. Hala ere, txosna barrutik ikusi nuen portaerak onerako harritu ninduen. Are gehiago, euren mozkorraldia gehitzen zoala ikusi arren, zelako neska-mutiko formalak eskatzeko orduan!

Estrategia zela pentsatzera ere iritsi nintzen une batez. Atzo, berriz, txosnan egon ginenon artean komentatzen, bat etorri ginen denok: jendea primeran portatu zela eta “eskerrik asko” izan zela gehien entzun genunena, Mariette txupitoa, kalimotxoa, kañia, barcelókubata eta bestelakoekin batera. Txosnetan trending topic izan ziren #eskerriasko eta #mariettetxupitoa (anana likorea da eta adikzioa sortzen duelakoan nago!)

 

 

Kategoriak Ispiluari begira | Etiketak , , , , , | Utzi iruzkina

Urdaibai Benidorm bihurtu nahi izan zutenekoa

Data: 2013(e)ko abuztuaren 9a Egilea: marijo

Zain ditzagun gure bazterrak

ITURRIA: Urdaibai, guía de itinerarios (Eusko Jaurlaritza)

ITURRIA: Urdaibai, guía de itinerarios (Eusko Jaurlaritza)

Greenpeacek argitaratu duen Destrucción a toda Costatxostenak gogorarazi dit “Zain dezagun Busturialdea” mugimendua sortu zenekoa, 70eko hamarkadan. Sasoi hartan, oraindik frankismoan, asmoa egon zen Urdaibaiko padura sikatu eta konplejo urbanistiko-turistikoa egiteko. Maketa ere egin zuten! Eta diseinatu zituzten errekaren alde biak lotzeko zubiak, kirol portuak, udako urbanizazioak… Espainiako kostaldean, eta ez hai urruti, egin ziren eta egiten direnen antzera.

Zorionez, bat egin zuten herritarren kontrako jarrerak eta krisi ekonomikoak eta ez zen garatu izen ponposodun plan “desastroso” hura: “Plan Especial de Aprovechamiento de la Ría de Mundaka”.

Bestela, Greenpeace-n txostenean leku esanguratsua hartuko luke Gernikaldeko Benidorrek.

Iturriak:

 

 

Kategoriak Ispiluari begira | Utzi iruzkina