Aznarren alabak izan omen zuen aitapuntakoetako bat da gaurtik aurrera Aznar aitaren “jefea”, edo beste era batera esanda, gero etorriko ziren mesedeak aldez aurretik ordaintzen hasita zegoen Ansar presindete izan zana. SER irrati katean irakurri dut eta Joxemari izango dala munduko komunikabide talde handienaren zuzendaritza kontseiluko kide berria. Eta, nola lortu duen hori Botilaren senarrak? Tesi baterako hasiera puntun polita litzateke.
FAES Fundazioko presidente izatera dabil Jose Maria Aznar aspaldian. Batere egiteko garbia ez duen Fundazio hori sortu zuen Espainiako presidentzia kargua galdu ostean, eta aurretik zein ondoren lagun handiak egin ei zituen.
Irakurri dotenaren arabera, bera izendatuko du Rupert Murdochek enpresa gizonak bere komunikazio inperioaren kontseilari berri. Londresera joan beharko omen du “bigotitos”ek kargua hartzera laster baten.
Eta, zera akordatu zait niri berria irakurtzen ari nintzela: Komunikabideak erabiltzen dakiela erakutsi digu askotan gizontxo horrek, baina hain justu gaizki erabili zituelako ez da oraindik ere presidente Espainia aldean. Beraz, zer salduko ote zion Murdoch horri Aznarrek klub hain prestijiotsuko kide egin dezan?
Adi jarraitu beharko dugu aurrerantzean bigotitos; ziur asko ezkutuko jokoren bat izango du eta bistara.
