Iruña-Veleia, Bilera irekia ekainaren 13an

Data: 2015(e)ko ekainaren 6a Egilea: elexpuru

Non: Aldabe Gizartetxea, Gasteiz (Eulogio Serdan K.)

Noiz: ekainak 13, larunbata, 10:00

Gaia: auziaren egoeraz informazioa, analisia eta eztabaida. Orain arte egin diren ekintzak eta egin daitezkeenak. Oso litekeena da laster izatea Eliseo Gilen aurkako epaiketa eta mugitu beharra daukagu.

Enkartelada, bileraren ondoren

13:00, Diputazioa aurrean.

Gonbidatuta zaudete gaian interesa duzuen guztiok.

SOS Iruña-Veleia, Euskeraren Jatorria, Martin Ttipia

 

Iruña-Veleia, Asamblea abierta

Lugar: Aldabe Gizartetxea, Gasteiz (C. Eulogio Serdan )

Día y hora: 13 de junio, sábado, 10:00

Tema: información sobre la situación del asunto, análisis y debate. Acciones realizadas y propuestas para el futuro. Es muy probable que el juicio contra Eliseo Gil se celebre dentro de poco tiempo y nos tenemos que preparar para ello.

Encartelada, después de la reunión

13:00, delante de la Diputación

Estáis invitadas todas las personas interesadas en en el tema.

SOS Iruña-Veleia, Euskeraren Jatorria, Martin Ttipia

Kategoriak Sailkatugabeak | Utzi iruzkina

“El extraño caso de Iruña-Veleia: la destrucción del patrimonio vasco”, Antonio Arnaiz Villenaren artikulua La Tribuna del País Vasco-n

Data: 2015(e)ko maiatzaren 30a Egilea: elexpuru

Antonio Arnaiz Villena ikerlari madrildarrak El extraño caso de Iruña-Veleia: la destrucción del patrimonio vasco izenburua duen artikulua argitaratu du La Tribuna del País Vasco agerkari digitalean. Gertakizunen laburpena egiteaz gain, Edward Harris arkeologoak Madrilen emandako hitzaldia dakar gogora, non grafitoen benetakotasunaren aldeko iritzia eman zuen.

Kategoriak Sailkatugabeak | Utzi iruzkina

“Euskadi euskararen aurka?”, Gontzal Fontanedaren artikulua Argia-ko edizio digitalean

Data: 2015(e)ko maiatzaren 21a Egilea: elexpuru

Gontzal Fontaneda filologoa da, gasteiztarra. Bere Euskadi euskararen aurka? artikulua agertu da Argia-ko edizio digitalean.

Gontzal Fontanedak bloga ireki berri du sarean.

Kategoriak Sailkatugabeak | Utzi iruzkina

“No destruir los grafitos de Iruña-Veleia”, Patxi Zabaletaren artikulua Noticias de Gipuzkoa-n

Data: 2015(e)ko maiatzaren 3a Egilea: elexpuru

“No destruir los grafitos de Iruña-Veleia” tituluaz, artikulu luze bat argitaratu du gaur Noticias de Gipuzkoa egunkarian Patxi Zabaletak. Jende gehienak jakingo duenez, euskaltzaina, abokatua eta politikaria da; politikari ohia, nahiago bada,  politika aktiboa utzi egin baitu duela gutxi. Lehenengo parrafoa kopiatzen dugu:

“Desde la experiencia de cuatro décadas en el ejercicio de la abogacía, considero que la falsificación de los grafitos de Iruña-Veleia es prácticamente imposible. El debate sobre la autenticidad o falsedad de tales grafitos debiera ser sacado del ámbito judicial, en el que se halla escandalosamente empantanado desde hace más de seis años, y reconducido al ámbito estrictamente científico. Paara ello es imprescindible que los más de 400 grafitos encontrados hasta 2006 en Iruña-Veleia sean protegidos contra su destrucción y queden preservados para los análisis físicos y químicos, que son los únicos estrictamente científicos en esta cuestión y que son los que incomprensiblemente no se han realizado aún.” Jarraitu irakurtzen.

Naiz-en ere agertu da.

Kategoriak Sailkatugabeak | Utzi iruzkina

Bi mila esku-orri baino gehiago banatu ziren atzo Gasteizen

Data: 2015(e)ko apirilaren 29a Egilea: elexpuru

Atzo, San Prudentzio Eguna, Armentian izan ginen. Bi pankarta jarri genituen zuhaitzetan. Liburuak eta CDak saldu genituen eta bi mila esku-orri baino gehiago banatu erromeriara zihoazen oinezkoen artean. Behean irakur daiteke testua. Jende asko hurbildu zitzaigun agurtzera eta informazioa jasotzera.

Armentia2015

IRUÑA-VELEIA ARGITU

Benetako grafitoak faltsutzat jota. Analitika iruzurtiak. Ikaragarrizko altxor kulturala zakartegira joateko arriskuan

Eliseo Gil, lehengo zuzendaria, faltsutzailetzat seinalatua bidegabeki. 6 urtez Damoklesen ezpata gainean duela, epailearen erabakiaren zain

Julio Nuñez, oraingo zuzendaria, aztarnategiaren jaun eta jabe, hondeamakina handi batez 8.000 m2 suntsitu eta bost urtera. Nahikoa da!

ELISEO GIL, ZUREKIN GAUDE! SEI URTEKO BIDEGABEKERIA ARABAKO ALDUNDIA ERRUDUN POLITIKOA. KENDU KEREILA! EHU, ERRUDUN INTELEKTUALA

Elkarretaratzea ostegunero, 20:00, Diputazioaren aurrean. Etorri!

Informazioa: amaata.com; blogak.goiena.eus/elexpuru; sos-irunaveleia.org

SOS Iruña-Veleia, Euskeraren Jatorria, Martin Ttipia

IRUÑA-VELEIA ARGITU

Grafitos verdaderos declarados falsos. Analíticas fraudulentas. Un gran tesoro cultural en peligro de terminar en el vertedero

Eliseo Gil, anterior director, señalado injustamente como falsificador. Más de 6 años con la Espada de Damocles esperando una decisión judicial

Julio Nuñez, actual director, sigue al frente del yacimiento, 5 años después de haber arrasado 8.000 m2 con una excavadora. ¡Basta ya!

¡ELISEO GIL, ESTAMOS CONTIGO! SEIS AÑOS DE INJUSTICIA DIPUTACIÓN DE ÁLAVA, CULPABLE POLÍTICA. ¡RETIRA LA QUERELLA! EHU-UPV, CULPABLE INTELECTUAL

Concentración todos los jueves 20:00, delante de la Diputación. ¡Acude!

Información: amaata.com; blogak.goiena.eus/elexpuru; sos-irunaveleia.org

SOS Iruña-Veleia, Euskeraren Jatorria, Martin Ttipia

Kategoriak Sailkatugabeak | Iruzkin 1

Enkartelada San Prudentzio Egunez Armentia ondoan

Data: 2015(e)ko apirilaren 25a Egilea: elexpuru

Datorren asteartean San Prudentzio Eguna da, Arabako patroia. Armentian erromeria egiten da, eta hori dela eta enkartelada egingo dugu

Eguna eta ordua: asteartea 28, 11:00 – 14:00

Lekua: Mendizorrotza eta Armentia bitartean, Santuaren estatuatik hurbil.

Kategoriak Sailkatugabeak | Utzi iruzkina

“Henrike Knörr eta Iruña-Veleia”, Maritxu Goikoetxearen gutuna Alea-n

Data: 2015(e)ko apirilaren 25a Egilea: elexpuru

Gasteizen euskeraz argitaratzen den Alea aldizkari berrian (apirilak 17, 12. zk.), Maritxu Goikoetxearen gutuna dator, Ricardo Gómezen adierazpen batzuk hizpide hartuta.

“Henrike Knörr Iruña-Veleiako grafitoak benetakoak zirela pentsatu zuen hasieratik eta Iritzi horrekin hil zen. Bere bizitzako azken hilabeetetan presio akademiko handiak jaso zituen faltsuak zirela “onar” zezan Lakarra eta Gorrochategui lankideen aldetik . Ez zuen amore eman, baina azkenik “onartu” zuen, aipaturiko biei idatzitako mezu luze batean, grafitoak ezin zitezkeela III. mendekoak izan. Baina gaineratu zuen bere ustez geroagokoak zirela, erromatarkuntzaren eta Veleiako balizko elizbarrutiaren (IX. mendea) bitartekoak: “Cabe suponer cierta continuidad de Iruña-Veleia hasta esa época armentiense. […] Y esa continuidad explicaría las palabras vascas con su aspecto “moderno”, dio, besteak beste, mezuan.

Beraz, datazioa atzeratu zuen, baina ez zuen atzera egin bere pentsaeran. Ricardo Gómez-en Alea-ko elkarrizketa irakurri duenak agian beste iritzi bat aterako zuen “… poliki poliki gaztelua erortzen joan zen. Ez dakit inoiz pentsatu zuen faltsuak zirenik, baina…” Beharbada ez du gezurrik esaten, baina egia lausotu bai.

Askoz urrunago joan ziren Lakarra eta Gorrochategui eta hauek elkarrizketatu zituen Barandiaran, Berriako kazetaria : “Eta, hil baino lehenago, mezu bat igorri zien bi kideei. Mezua, osorik, ezezaguna izan da gaur arte. Gaur, senideek publiko egitea erabaki dute. Mezu horretan, Arabako hizkuntzalariak bat egin zuen beste bi filologoen tesi nagusiarekin. Idazkunak ez dira, Gilek behin eta berriro defenditu bezala, III. mendearen ingurukoak. Beraz, faltsuak dira”. (2009-3-6).

Hau izan da iritzi publikoari igorri zaion mezua. Eta ez da egia. Garbi hitz eginda, gezurra da. Idatzi osoa Interneten kontsulta daiteke. Familiarekin ere hitz egin daiteke. Iritzi ezberdinak izan ditzakegu grafitoez, baina ezin da horrela jokatu pertsona baten memoriarekin. Henrikek ez zuen horrelakorik merezi.”

Maritxu Goikoetxea (SOS Iruña-Veleia)

kndef11

knnndef2

Kategoriak Sailkatugabeak | Utzi iruzkina

Miguel Thomson Iruña-Veleiaz mintzatuko da maiatzaren 9an egingo den Euskeraren Jatorriaren X. Biltzarrean

Data: 2015(e)ko apirilaren 23a Egilea: elexpuru

Maiatzaren 9an egingo da Zestoan Euskeraren Jatorriaren X. Biltzarra. Euskoeuropeismoa / Indoeuropeismoa du goiburu. Egitaraua eta izen ematea. Hainbat hitzaldi izango da egunean zehar eta horietako azkena Miguel Thomson ikerle finarena: La ciencia y la controversia sobre la autenticidad de los grafitos de Iruña-Veleia.

Bestalde, Euskeraren Jatorriak bere 42. Jatorriberri argitaratu du. Hainbat berri eta artikulu interesgarri irakurri daitezke bertan.

Kategoriak Sailkatugabeak | Utzi iruzkina

Iruña-Veleiaz hitzaldia Arrasaten datorren asteazkenean

Data: 2015(e)ko apirilaren 18a Egilea: elexpuru

Zuztarrak Errotuz Taldeak antolatuta, urteroko historiari buruzko zikloaren barruan emango da hitzaldia.

Hitzaldia: Iruña-Veleia; zer gertatzen da?

Hizlaria: Juan Martin Elexpuru

Eguna eta ordua: apirilak 22, astezkena, 19:00

Lekua: Kulturate Kulturetxea, Arrasate

Kategoriak Sailkatugabeak | Iruzkin 1

Joxean Agirreren artikulua hedabideen isiltasunaz

Data: 2015(e)ko apirilaren 13a Egilea: elexpuru

Joxean Agirre egungo euskal nobelagilerik onenetarikoa da. Zer pentsatua ematen duen artikulua idatzi du Iruña-Veleiako auziaren inguruko isiltasun harrigarria hizpide hartuta. Larunbateko Garan argitaratu zen.

“Dennis Mercuryren “Iruzurraren maisuak” liburua apaletik hartu (ez da beharbada libururik onena, baina gaiaz dudan bakarra da) eta hirugarren zatira joan naiz, “Iruzur arkeologikoak” dionera, eta, bertan agertzen diren pieza faltsutuak miretsi ondoren, Iruña-Veleiako grafitoei begira eman dut tarte luze bat Interneten dauden foroetan, eta, grafito horiek faltsutuak izatekotan, maisu izugarriak ditugula pentsatu dut, munduko onenetakoak beharbada.

Otsailaren 25ean, barruan batzar nagusia egiten ari ziren bitartean, SOS Veleiako kide batzuk kokatu ziren Arabako Aldundiaren atarian eskuetan pankarta eta aldarri labur hau zutela: “Arabako Diputazioa errudun. Retira la querella”. Euripean egon ziren ordu batzuk eta Interneten eskegi zituzten argazki horiei begira beste behin esan diot neure buruari zerbait arraroa, zerbait estrainioa dagoela Iruña-Veleia auziaren inguruan, ez baita normala komunikabide konbentzionalek eztabaida nola itxitzat eman zuten eta geroztik komeni zaienean bakarrik ateratzen duten gaia. Geroztik grafitoen benetakotasunaren aldeko txosten bat irakurri nahi duenak Internetera jo beharra dauka. Nik ez dakit gaiari buruz ezer, baina gero eta gehiago direla iruditzen zait grafitoen benetakotasunaren aldeko zientzialarien ahotsak, atzerritarrak horietako asko, bidenabar esanda. Ulertzen dut Madrilen sukurtsal diren gure egunkari handiek jarrera hori izatea. 2006an grafitoen aurkikuntza egin orduko hasi ziren arkeologo espainiarrak gertakaria susmopean jartzen. Badirudi euskararen antzinatasuna eta gisako leloak abertzaletasuna hauspotzeko bakarrik erabil daitezkeela. Zailagoa da bertako komunikabideen jokabidea ulertzen, ez bada zuhurtzia gehiegizko batengatik. Nik ez dakit zer gertatu den, baina indar abertzaleak, espainiarrak, EHU eta gainontzeko indar faktiko guztiak bat datozela ematen du eztabaida itxi, Eliseo Gil eta bere taldea auzipean jarri eta ostraken gainean lur pixka bat botatzearekin.

Interneteko informazio anabasan sartzen den edonork, ordea, gero eta ahots gehiago aurkituko ditu benetakoak ote diren diotenak. Ezin da esan, espainiar arkeologo batek esan zuen moduan, grafito horietako asko udan indusketak egitera etorritako ikasleren batek sartuko zituela lurpean. Hori baino zailagoa da faltsifikazioaren artea. Hala izatekotan ere, aditu talde batek egin beharko zukeen lan hori, lur geruza ezberdinetan agertu direlako eta aurkitu zituzten lekuetan lurra mugitu gabe. Galdera ikurrez eta misterioz betetako auzia da. Zortzi urte igaro dira aurkikuntza egin zenetik eta ordua badela dirudi gaia zientziaren arlora berriro eraman eta nazioarteko batzorde batek eskatuko lituzkeen ikerketak egiten hasteko. Eliseo Gil eta bere taldearen izen onak ere mereziko luke urgentzia hori. •”

Kategoriak Sailkatugabeak | Utzi iruzkina