Ezezkoak atera da. Egun zoriontsua gaur Europan.
Soft Patenteei uko
Erantzun 1
Etiketaren artxiboa: post-it
Geek izatea dio…
Beti maite izan ditut kontsola txikiak, Gane Boy bezalakoak nahiz eta azkenaldian asko hobetu duten, gaur PSP eta Nintendo DS ditugu puri purian.
Unibertsitatean PSP bat ikusteko aukera izan nuen, eta benetan grafikoak eta soinua oso onak ziren, PSX baino hobea eta gainera metroan eramateko aukera, zer gehiago nahi dugu… baina mutil hark ez dakit jakingo duen bere PSPari aukera guztiak ateratzen SCENE bat baitago kontsola bakoitzaren atzean. Hori maite dut nik, hauek atzekaldean edota azpian dagoen escena.
Horrexegatik nahi dut nik GP32 erosi. Ziurrenik ez duzu ezagutuko baina Espainian oso harrera ona izan du. Hala ere nahiko zail dago dendetan aurkitzeko, posiblea da hiri handi batetako CentroMail batean aurkitzea baina ez da gauza erraza, nik VirginPlayen ikusi dut erosteko aukera baina bigarren eskuko merkatua ere existitzen da. Ez dakit nola eta noiz erosiko dudan, baina esku artean izan nahi dut.
Honek MP3, DiVX eta garai bateko NES, SNES, MSX eta beste hainbat plataformatan jolasteko aukera ematen dut. Bestalde programazio propioa egiteko garaian ez dira gutxi dauden aukerak, programazio propioa oraindik urruti xamar ikusten dut baina zergatik ez…
Zuek ere ezagutzen duzue GP32. Zorionak.
Galdutako minutuak
Ordenagailu aurrean jarri. Argia piztu. Email kontua ikusi, mail interesgarririk ez. Badaezpada irekita utzi mail interesgarriren bat iritsiko balitz.
Bloglines edo ta RSS sindikatzeko orrialde batean sartu, ikusi ea berririk dagoen. Interesgarrienak irakurtzen hasi. MSNerako zerbitzua martxan jarri, nahiz eta jakin Jabber bezalako aukera libreak daudela, hobeagoak gainera, baina lagunak MSNan egoten dira. Martxan jarri.
Bitartean hain interesanteak ez diren RSSak irakurri. MSNko lehiotxoa ireki, solasaldi kaxkarra. Elkarrizketa ez da batere aberatsa izan, oso tristea da MSN bidez hitzegitea ez ditut gogoko horrelako elkarrizketak automata hutsak gara…
Mail berri bat. Irakurri, nahiz eta lista batekoa izan, gauza interesgarriak egoten dira, spama edo ta pozoituriko emilioa ez den bitartean. Berriro ere Firefox, nabigatzailerarekin. Zenbait orrialde del.icio.us/ kontuan jarri, biharko egunean interesgarriak izango direlakoan, jada webgune horretan gaudela besteek jarritakoak ikusi, interesgarriak diren zenbait gauz ikusi, hala ere oso gutxi inglesesa ez dakidanez…
Begiak itxi, ordenagailu aurrean zertan ari naizen galdetu… posta idazten amaitu. Ordenagailua itzali. Udako euria ikusi, eta hala ere, Irunera joan parranda asmoarekin. Gaurkoan bai ederki bustiko gara.
Polaroid Argazkiak
Geek orrialde baten berri eman beharra dago, zuk ere zure Polaroid agazkiak izan nahi dituzu … erabil ezazu bada Polaroid/o/nizer.
http://polaroidonizer.nl.eu.org/
Jai giroa Bidasoa aldean
Jada Irungo jaiak hastear daude. Gaur gauean garai batean lepoz jende egoten zen Moskun edo ta Urdanibia Plazan Gatibu taldeak joko du. Ez da miresten dudan musika taldea, baina bai gogoko dudana. Ez dut azken diskoko abesti gehiegirik entzun baten bat entzun baldin badut irratian jarri dutelako izango da, ez baitut eskuartean izan azken diska. Ziur beste diskuetako abesti famatuak joko dituztela. Oraindik Unibertsitate ikasle guztiek ez dituzte azterketak bukatu baina baten batzuek bai, eta han egongo gara, hala ere pena da guztiak han ez egotea. Itzelak izaten baitira azterketak amaitu bezain pronto egiten ditugun jaiak.
Larunbatean, hilaren 25ean Sagardo Eguna ospatuko da Hondarribian, planik ez baduzue plan itzela izan litekee arratsalde partean Hondarribiara hurbiltzea, sagardoa dastatzea eta gauean Irundik bueltatxo bat ematea, han jai giroan ibiliko baitira, bestealde ACDC gaua izango da Urdanibia Plazan Bond Scott Band eta bertako beste musika talde baten eskutik!!! Sagardoa nahiz rock and rolla Bidasoa aldean larunbat hontan.
Izenbururik izango balu …
Bilbo, ekainaren 14a
Aupa XYZ!
Zer moduz doa bizitza? Zelan zabiltza atzerrian… han ez duzu ez Euskara praktikatzeko aukera baina ez pentsa hemen ere Bilbon lekuak aurkitu behar dira, ez da Gipuzkoan bezala edonon arazorik gabe hitz egin dezakezula.
Realean berriz laister hasiko dira hauteskundeak, eta ez dakit ez nork irabaziko duen, hala ere badago informazioa atal honi buruz interneten Euskal Blogosferan; Goiena.net komunitatean. Azkenean Osasunak ez zuen erregearen Kopa irabazi, pena izan zen, hala ere Telebista guztietan “Paris 2O12” jartzen zuen pankarta ikusi izan genuen 😀
Ni hemen nabil buru belarri suposatzen dut zu ere horrela ibiliko zarela, hala ere gutxi falta zaigu oporrak izateko. Oporrak esateagatik, zeren ez dakit nik niretzat behintzat zer nolako oporrak izango diren. Badakit irungo jaiak izango ditudala, Bilboko Aste Nagusia galduko dudala, badakizu urte honetan Iggy Pop etorriko da, nahiko kontzertu polita; Donostian aldiz, Fangoria; ez dakit Donostikoetan egongo naizen, baina hala ere, turista asko dabil Donostiko Aste Nagusian eta ez dira ez Bilboko Aste Nagusiak bezalakoak.
Atzo Donostian Haciendako edifizioak su hartu zuen, ez dut oso garbi nola, zergatik eta nork egin zuen, baina pertsona batek behintzat agur esan zion bizitzari, pena da; bizitza horrela galtzea. Suposatzen dut orain aldizkarietan aterako den berria izango dela, hala ere, badakizu zuk gu pixka bat arraroak garela eta zein gauzei ematen diogun inportantzia.
Ikasketak direla eta, ez dut ilargia ikusteko aukerarik izan, nahiz eta berarekin zenbait aldiz amestu. Ziur aste honetan ikusiko dudala, ea beti bezain eder dagoen. Pena da jende gutxik holako gauzei inportantzia ematea. Beno zorok beti pasa izan dugu ongi ez?
Beste bat arte, ondo izan atzerrian eta akordatu postala bidaltzeaz!!!! Gorantziak guztioi.
Uda iritsi ote da?
Badirudi Uda iritsi dela. Hondartzara joaten da jendea, batzuek azterketak amaitu dituzte, beste batzuek duela dexente amaitu zuten ikastola, langileek Hondartzara joateko aukera dute asteburuetan, beste batzuek ondo herriak bisitatzen dituzte, mendira joan, lagunekin egon.
Unibertsitatean dabilen jende asko aldiz, ikasten jarraituko dugu. Guretzat oraindik ez da Uda iritsi. Guretzat oraindik ez, baina iritsiko da bai.
Programa interesgarriak
Gaurkoan zenbait programa berezi ezagutu ditut. Bata argazkiak antolatuta izateko, Picasa gaur egun googleren den programa; oso ongi dago eta asko gustatu zait, horrexegatik biziki gomendatzen dut. Hala ere, esan beharra dago beldun pixkat nuela lehenagotik ezagutzen bainuen Codigo Escriton irakurri nuen artikulu bati esker; azkenean martxan jarri dut eta ez dit arazorik eman. Googleren produktuetan beti izan dut konfidantza.
Bestetik, Ad-Aware SE Personal jarri dut ordenagailuan nahiko makal baitzebilen azken aldian. Zerbait izango balu bezala, baten batzuek bazeuden eta guztiak izan dira kanporatuak 🙂NOD32 sartu dut ere, azkenaldian oso ongi dabilen antibirusa baita. Zuk ere hartu ahal dituzu segurtasun neurriak ordenagailuan?
Zorianak Tanius 😉
Technoranti berritu dute
Technorati Beta atera dute. Ohera joan beharra daukat, baina itxura ona dauka. Oraingoz Beta fasean dago baina aurrekoa baina itxura onagoa dauka. Gustatzen zait diseinua. Stop! GeekPoints = +1.
Zer da zentsura? ( I )
Atzo hitz egin genuen. Nik esan beharrekoak esan nituen. Eta zuk? Esan zenituen guztiak edo entzunez eta elkarrizketa jarraituz egon zinen? Ez dakit. Argi geratu zen “zentsura”ri buruz dugun kontzeptua ez dela berdina, nik “zentsura” esaten nuenean, zuk halako zerbait esaten zenuen:
– No se trata de filtrar las pelis que se van a ver, vamos visionar peliculas formativas, peliculas que aporten algo
Filtratze hitza ez nago ziur esan zenuen, baina bakarrik “peliculas de formación” nik horri badakizu nola deitzen diodan. Hitzen aberastasunean gabiltza eta bakoitzak nahi dituenak erabil ditzala.
Luzea izan zen elkarrizketa, baina ez horregatik aspergarria. Azterketa ez da oso gaizki joan.
Gaur 14:00 hartuko dut autobusa, etxera joango naiz; bazen garaia denbora dexente eramaten nuen nire logela zapaldu gabe, herrian egon gabe, lagunak ikusi gabe, … gabe.