Etiketaren artxiboa: internet

#BLOGEU BEHARREZKOA?

Erantzun 1

Azken astean twitter bidez #blogeu delakoa pozik jarraitu dut; eta bat nator euskal blogosferan ezagutzen ditudan “zakur-zaharrek” diotenarekin:

@iturri: #blogeu Ez dugu Euskadiko blogarien elkarte bat behar.

@luistxo: La opinión de una pantera vasca.

@teketen: blogue.

@joxe: Blogeu? Gracias pero no.

@sarean: Eusko Blogariak vs. #blogeu.

Hala ere, nik galdera bat egiten diot nire buru eta inguruari:
“Beharrezkoa ahal da Elkarte bat osatzea?”
Niri behintzat errazagoa -eta askoz onuragarriagoa- iruditzen zait noizean behin bilerak edo ta tweet&beers delako antzekoak mahai baten inguruan edo ta taberna batean antolatzea. Di-da presta daitekeen zerbait da, internetek eskaitzen dituen baliabideak erabilita, niri libreagoa iruditzen zait, askeagoak izateko aukera; lehendakari, diru-laguntza edo ta politika kontuak bertan sartu gabe. Lagun arteko bilera, guztien artean eta guztientzat antolaturiko bilerak.
Nik behintzat #blogeu-ri usain arraroa nabari diot; ikusi beharko dugu euskal blogosferak ekimen berririk ernaltzen duen edo ta #blogeu-k nolabaiteko mutazioa jasaten duen.

ESKERRAK BILBOKO UDALETXEARI

Utzi erantzuna

Bilblogari  lehiaketan parte hartu nuen, ez nuen irabazteko esperantzik eta ez pentsa irabazi nuenik; baina pozik nago zeren badirudi geroz eta euskal blog gehiago daudela euskal blogosferan.

Eskerrak eman behar dizikiot Bilboko Udaletxeari eta batez ere, Euskara Zinegotziari, bidali didan eskutitzagatik. Ilusio handia egin dit eskutitz bat jasotzeak eta barruan 1GBeko pendrivea aurkitzea; lehiaketan parte hartzeagatik eskertzeko modu bikaina. Kasualitatea izango da, baina duela aste batzuk pendrivea galdu nuen, eta oraingoan opari modura beste bat aurkitu dut Bilboko etxeko postontzian. Eskerrik asko.

GOOGLEk 75€ EMAN DIZKIT

Utzi erantzuna

Bai duela egun batzuk betidanik ezagutzen dugun posta (paperezkoa) ireki nuen, Google enpresa handiak eskutitz bat bidali ninduen, beno hobe esanda txeke bat. (zeinen ongi orain Google dohan erabiltzaileei dirua bidaltzen digu).

Txeke honek 75 €*tako balioa dauka, baina Googleren AdWords zerbitzuan soilik erabil dezakegu. Dirudienez,  zerbitzu honek garrantzizko hitzen bidez gure webgunera trafikoa ekartzeko balio du, betiko publizitatea; alegia enpresa nahiz profesionalentzako marketing modu bat. Baina 75 € hauek erabili baino lehenago, Googleri gure kontu korronte edo kreditu txartelaren zenbakia emango diogu (guri buruz zerbait gehiago jakingo du anaia handiak) baita ere, diotenez 10 €tako komisioa (zerbitzuan alta ematea) edo delakoa kobratuko digu; beraz badirudi hasierako 75 €*ek ez direla guztiz dohakoak. Eta amaitzeko, jendeak hitz interesgarrietan erabiliko du diru hau, eta hitz horiek egunero erosten (ordaindu) dituzten enpresek zer egingo dute? Bai diru gehiago ordaindu hitzen balioak gora egingo baitu, geroz eta jende gehiagok erabili edo ta eskatu, geroz eta garestiagoak izango dira, ondorioz anaia handiarentzat diru gehiago; sistema bizi bizi mantenduz.

Zer uste zenuen Googlekoek hala nola bidaliko zutela 75€*ak? Pena eskutitza jada zakarretara bota dudala, baina ilusioa egiten du Googleren eskutitz bat irekitzeak.( batez ere hau paperezkoa denean ):

 

GOOGLEEN HODEI BEREZIA

Utzi erantzuna

Google. Duela zenbait urte hasi zen internet munduan, bilatzaile arin baten moduan, gazte batzuk osatu zuten; beraien Unibertsitateko urteetan, eta orain zer da Google? Mundu osoan ezaguna eta zerbait esan edo eginez gero, mundu osoan izugarrizko oihartzuna izango duen enpresa.

Jende askok ezagutuko du bilatzailea, edo ta GMail delakoa; baina Google askoz gehiago dugu. Gaur egun bere nabigatzaile propioa dauka, Google Chrome izenez ezaguna. Nik ordenagailuan Firefox erabiltzen dut, baina aipatu beharra daukat Chrome askoz azkarrago dabilela, arinagoa dela eta nire Firefox partikularra (plugin edo ta addons dexenterekin) izango ez banu, duda gabe Chrome erabiliko nuke.

Bestalde, Google Cloud edo ta “hodeia” izenez ezaguna den zerbitzuengatik apostu interesgarria egiten dabil. Nire ustean, Cloud delako hau, Web 2.0en ondorio garbia dugu. Alegia gure programak edo ta zerbitzuak ordenagailuan era lokalean izan beharrean, Interneten izango ditugu. Kontuan izan behar dugu gaur egungo konexioak nahiko azkarrak direla duela urte batzutakoekin konparatuz gero, horrela interneten aurka lan egiteko garaian ez dugu arazorik izango. Gure lanak interneten baditugu, edozein ordenagailuren bidez (beti ere internetera konexioa dugula kontuan izanez) hauetara sartzeko aukera izango dugu, ondorioz kriston mugikortasuna lortuko dugu; berdin da etxean, Unibertsitatean edo ta Japoniako lagun baten etxean gauden, dokumentuak beti hor egongo baitira.

Hodeia defendatzeko intentzioarekin, Google Docs delako aipa genezakeen, bestalde Googlerek bere Sistema Eragile (Windows, GNU/Linux, Mac OS …) propioa atera berri du, Chrome OS, internet zerbitzuekin erabat erlazionaturik dagoen Sistema Eragilea eta konexiorik gabe zentzu askorik ez duena. Esan beharra dago, Googlekoek zenbait hardware enpresekin kontaktuan jarri berri izan direla beraien produktuetan nolabaiteko aldaketak egin ditzazten Googleko produktuekin era askoz hobeago batean ibil daitezen. (Nola proba dezaket Google Chrome OS nire ordenagailuan?)

Hau guztia gutxi balitz, Googlek protokolo berriengatik apostu latzak eginez dabil, adibide gisa, SPDY. Gaur egun interneten http komunikazioak asko erabiltzen ditugu; ba googlek berasmaturiko SPDYrekin 55%eko hobekuntza lortzeko gai direla diote, oraindik beta moduan dago baina argi dago Googlek internet nahiz hodeiarekiko eginiko apustua handia dela. Aipagarri ere,DNS zerbitzua publikoa.


Internet eta mugikorrak geroz eta harreman hobeagoa dute, horrela Googlek bere mugikorra aterako du 2010eko urtarrila partean. Dirudienez, mugikorrak Nexus One izena izango du, internet bidez zenbait argazki ikusi ditugu; badirudi libreki salduko duela eta ziurrenik beraien webgunetik erosi beharko da. Googlek internet kontrolatuko du? (jada kontrolatzen ez badu).

Internet-eko oinarrizko eskubideen aldeko Adierazpena

Utzi erantzuna

Ekonomia Iraunkorraren Lege aurreproiektuan barneratutako
aldaketa legegileek adierazpen askatasuna, informazio eta Internet
bidezko kulturatze prozesua bermatzen dituzte, hau dela eta, kazetari,
blogari, erabiltzaile eta Interneteko sortzaileek, asmo biziz azaltzen
gara proiektu honen aurka, honako hau agertuz:

1.
Egile-eskubideek ezin izango dute inolaz ere pribatutasun, segurtasun,
errugabetasun-presuntzio, benetako epai babes eta adierazpen askatasun
eskubideen gisako herritarren oinarrizko eskubideen gainetik egon.

2.
Oinarrizko eskubideak bertan behera uztea botere judizialaren
eskuduntza esklusiboa da eta horrela izaten jarraitu behar du. Epairik
gabeko itxiera bakar bat ere ez. Aurreproiektu hau, Konstituzioaren
20.5 artikuluak azaldutakoaren kontrakoa da, organo ez judizial baten
esku -Kultura Ministerioaren menpekoa- jartzen baitu espainiar
hiritarrek edozein web gunera sartzea galarazteko ahalmena.

3.
Legeria berriak ziurgabetasun juridikoa ekarriko du Espainiko sektore
teknologikora, gure ekonomiaren etorkizuneko eta garapenerako alor
bakanetakoa kaltetuz, enpresen sorrera oztopatuz, konpetentzia askea
trabatuz eta nazioarte mailako proiekzioa motelduz.

4.
Proposatutako legeria berri honek, sortzaile berriak mehatxatzen ditu
eta kultur sorkuntza oztopatzen du. Internet eta ondorengo aurrerapen
teknologikoen bidez era guztietako edukien sorkuntza eta hedapena
nabarmen demokratizatu dira eta aipatu edukiak jada ez datoz nagusiki
ohiko kultur industriei esker, hainbat iturri ezberdinetatik baizik.

5.
Beste langile guztiek bezala, sortzaileek bere lanetik bizitzeko
eskubidea dute, ideia kreatibo berrien, negozio eredu zein beren
sorkuntzei lotutako jardueren bidez. Lege aldaketak erabiliz ingurune
berrira egokitu ezinik dabilen industria zaharkitua sostengatzen
saiatzea ez da zuzena ezta errealista ere. Negozio-eredua obren kopien
kontrolean oinarritzen bazen, eta hori Interneten ezinezkoa bada
oinarrizko eskubideak urratu gabe, beste eredu bat bilatu beharko
lukete.

6. Gure ustez, kultur industriek bizi irauteko
alternatiba modernoak, eraginkorrak, sinesgarriak eta eskuragarriak
behar dituzte, era berean erabilera sozial berriei egokituz, lortu nahi
duten helburua lortzeko hain ez-eraginkorrak eta neurrigabekoak diren
mugak baino.

7. Internetek modu askean funtzionatu behar du, giza
jakintza askea eragozten duten eta negozio eredu zaharkitua betikotzen
saiatzen diren sektoreek bultzatutako interferentzia politikorik gabe.

8.
Espainian gerta daitekeen edozein presioren aurrean, Sarearen
neutraltasuna bermatzea exijitzen diogu Gobernuari, etorkizunari
begirako ekonomia iraunkorraren eta errealistaren garapena bideratzeko
marko gisa.

9. Jabego intelektualaren eskubidearen benetako
erreforma proposatzen dugu, honek duen helburuari begira: jendarteari
jakintza itzultzea, herri jabaria sustatzea eta erakunde kudeatzaileen
gehiegikeriak murriztea.

10. Demokrazian legeak eta
lege-aldaketak eztabaida publikoaren ondoren onetsi behar dira, tartean
dauden alde guztiak kontsultatu ondoren. Ez da bidezkoa oinarrizko
eskubideak kaltetzen dituzten lege aldaketak egitea organikoa ez den
eta beste gai bati buruzkoa den lege bat horretarako erabiliz.

I LOVE ROOMMATE

Utzi erantzuna

Bai denbora da pixukide berriak pixuan daudela.Guztia normal joango balitz argi dago martxa hartuta ibili beharko ginela. Jada ostegun bat baino gehiago atera, bestaren bat antolatu eta egunerokoak aurrera eraman.

Egunerokoei dagokionez, argi eta ongi finkatuta daude, aurreko urteetako plana hartu eta horixe egitea; beti pixukide berrien oniritziarekin; guztiok onartu genuen esandakoa baina onartzea eta aurrera eramatea gauza ezberdina dela konturatu naiz; batez ere asko ezagutzen ez duzun jendearekin.

Hau guztia dela eta, I LOVE ROOMMATE proiektua aurrera eramatea erabaki dut; noizbait behintzat norbaiti garraxi egin beharrean interneten garraxi egingo dut (lasaitasuna eta sosegua bilatzeko esperantzarekin).

Gaur egun, Tumblr delakoan kontu bat ireki dugu dut (iloveroommate.tumblr) eta beste bat Twitterren iloveroommate argi dago pixukide guztiek ez dakitela honen existentziaz, baina pixukideak 2.0 esperientziaz bilatzen ari ginela jakinik ez litzateke harritzekoa horrelako konturen bat izatea.

Esandakoa, I LOVE ROOMMATE 🙂

ABENDUAREN 3A, KLIK EGIOZU EUSKARARI

Utzi erantzuna

“Klik egiozu euskarari” Euskal  hizkuntzaren unibertsaltasuna aldarrikatzeko intentzioarekin sortutako lema dugu. Euskararen Nazioarteko Eguna (ENE), abenduaren 3a,  Eusko Ikaskuntzaren baitan 1949an sorturiko ekimena da. Eta Elkarteak XXI.mendean, gizateko aldaketa eta erronka berriei egokituz gogo biziz eusten dio euskal hizkuntzari bere lan arlo guztietan.

Aurtengoan, Mikel Urmenetak (kukuxumusu) kamisetaren disenua egin du; esan beharra dago, aurtengo helburua Interneten sortutako sare sozial berrietan (Tuenti, Twitter eta Facebook) euskararen erabilera bultzatzea dela.

Info | eusko-ikaskuntza |

TUENTIN ARGAZKIAK JARTZEAGATIK KARTZELARA

5 erantzun

Gaurko gazte azko Tuenti sare sozialean dabiltza, are gehiago, nahiko arraroa da bertan ez dabilen gazterik aurkitzea. Ziur nago zuek ezagutzen dituzuen gazteen artean ea Tuentin kontua duten galdetuz gero, erdiak baino gehiagok kontua izango duela; gero erabiliko duten hala ez beste kontu bat da.

Hemendik urte batzuetarara Espainiako presidente izango dena Tuentin dago, seguru; hemendik urte batzuetara Euskal Herriko lehendakaria izango dena Tuentin dago seguru; jende piloa aurki dezakegu.

Azken albistea, gazte bat kartzelara joan daiteke Tuentin jarri dituen argazkiak direla eta. Mutilak neska laguna zuen eta honekin ateratzen ari zen bitartean, egun batean zenbait argazki berezi (larru gorrietan) atera zituen. Hasieran neskak ez zion garrantzirik emango, erlazioa ongi bai zioan baina denborak aurrera egin ahala neskak mutila uztea erabaki zuen; ondorioz, mutilak min egiteko modu bat argazkiak Tuentin jartzea otu zitzaion. Mutilak ez zituen ondorioak pentsatu, mutila aski haserre egongo zen neska utzi zuela eta; horrela kristoren burugabekeria egin zuen: Argazkiak mila gazteren begietan jartzea.

Badirudi gaztea azkenean kartzelara ez dela joango, datozen bi urteetan horrelakorik egiten ez badu; baina nik zera galdetzen diot ene buruari:

“Zertarako behar dituzu zure neska lagunaren larru gorrietako argazkiak?”.

“Neskak nola uzten dizkio mutilari halako argazkiak egitea?”.

“Zer nolako arriskuak ekar ditzazke gaur egungo teknologia eta sare sozialen erabilpen desegokiek?”.

Ez dakit, baina nik uste dut badela garaia erabiltzaileak hezitzeko; zeren hemendik gutxira mugikor berria edonork izango du, egun osoan online egoteko aukerarekin, sare sozialak ere erabilpen hauetarako sortuko dira… (sortu ez baldin badira, jada). Eta beti ere, nahiz eta lagun artean ibili atentu izan zein argazkia eta nork egiten dituen.

Hona hemen berria: Un año de cárcel por colgar en Tuenti unas fotografias.

GO, GOOGLEREN LENGOAIA BERRIA

Utzi erantzuna

Oraindik ez da oso ezaguna baina internet bidez leku askotan hitz egin dute GO lengoaia berriari buruz. Dirudienez, Pythonen erreztasuna dakar eta C nahiz C++ ren etekinak; ni behintzat ez naiz fio. Ez dakit zer dakarren Googlek esku artean, baina badirudi badaudela GO lengoaia honekin prosatzen dutena egiteko balio duten zenbait lengoaia, esaterako D.

Google gogoko daukat, zerbitzu onak eskeintzen ditu, baina jada nahiko famatu egin da eta produktu bat ateratzen duenean jada nolabaiteko arrakasta izaten du. Zer gertatzen da Google Waverekin? Nork erabiltzen du? Hasiera batean kristoren arrakasta izango zuela zioen blogosferak; nik jada nire gonbitea badut eta erabili izan dut; baina bakarrik froga moduan gaur egun ez dut ezertarako erabiltzen. Zuek?

Ez dakit zer dakarren GO lengoaiak baina nire ustez behintzat beste lengoaia bat besterik ez da izango; beno googlek eginiko lengoaia izango da.

Hala ere, norbaitek informazioa nahi izango balu, golang.org orrialdean badago hasteko informazio dexente.

NIK FIREFOX ETA ZUK?

Erantzun 1

Duela urte batzuk  urte dexente Internet Exporer edo ta Netscape nabigatzaileak erabiltzen genituen, bai 56 Kbpsko konexioa erabiltzen genuen, IRC modan zegoen eta interneten zegoen borrokarik handiena “Tarifa Plana” izatearena zen, bai ongi gogoratzen dut.

Gaur egun nabigatzaile aukera handiagoa dago, eta asko hobetu dira; hala nola Opera, Chrome edo ta Firefox erabil ditzazkegu Windows sistema eragilean, baita betiko Internet Exploter Explorer ere, baina egia esateko azken hau erabiltzen duen jende gutti ezagutzen dut fakultatean.

Jende dexentek Opera, Chrome eta Firefoxen artean akaso ez du jakingo zen aukeratu, badago nork esaten duen Chrome besteak baino azkarragoa dela, Opera hobeagoa baina ez duela ulertzen zergatik jendeak ez duen erabiltzen; nik Firefox erabiltzen dut.

Zergatik Firefox? Nik “add-ons” edo ta “gehiagarriak” jartzeko aukera ekartzen duelako erabiltzen dut, denbora da hauek erabiltzen ditudala eta gaur egun oso ezberdina egingo litzaidake hauek gabe internet barna ibiltzea. Hona hemen erabiltzen ditudanak:

  • Extended StatusBar: Orrialdearen karga buruzko informazioa, denbora … batez ere konexio kaxkarra dudanean erabiltzen dut.
  • TwitterFox: Nabigatzailetik twitter kontua erabiltzeko, besteen tweetak irakurtzeko etab.
  • DetectVideo: Streaming plataformetako mugak (rapidshare, megaupload, megavideo) hausteko.
  • NoScript: Segurtasuna Firefoxen, zenbait scripten kontrola izateko.
  • EuskalBar: Euskarazko hiztegiak.

Zuen zein gehigarri edo osagarri erabiltzen dituzue?
Gainera esan beharra dago, gaur egungo Firefox 3.5 Beta 4 HTML 5 erabiltzen duela.