Etiketaren artxiboa: internet

GOOGLE WAVE BADATOR

Utzi erantzuna

Interneten kontzeptu berri bat azaldu da, Google Wave horixe da Googlek azaldu duen azken berrikuntza. Badirudi gaur egun erabiltzen ditugun zenbait zerbitzu, Twitter, Flickr, Facebook etab bertan integratzen dituela; bada hauek hilko dituen zerbitzua dela pentsatzen duen pertsonik, hala ere nik ez dut uste horrela izango denik, beno Twitterren kasuan akaso bai, komunikazio hutserako erabiltzen baitugu azken hau, bai Flickr esaterako argazkiak igotzeko zerbitzua dugu, Facebook laguna aurkitzeko edo ta pertsonekin erlazioa mantzentzeko zerbitzua; uste dut azken hauek -beste batzuk ez esatearren- helburu finko eta ezberdin bat dutela Google Waverekin konparatuz.

Argi dago gaur egun oraindik ez dagoela oso argi zer den Google Wave baina interneten jada bere ohiartzuna izan du, produktu hau era librean aterako dute, horrela Google komunitateak egindako lanak erabiltzeko aukera izango du, hauekin nolabaiteko feedbacka sortuz, argi dago, web 2.0 edo ta jada web 3.0 esan beharko genukeen sortu -defendatu- nahi baldin badu webgunearen izaera soziala mantendu beharko duela.

Sustatun ere idatzi dute Google Wave proiektuari buruz non zenbait datu tekniko azaltzen dituzten. Interneten jende guztiak oso ongi hitz egiten du Googleren azken proiektuari buruz, baina zenbait gauza datorkiz burura:
“Hau guztia googlek twitter erosi ezin izan duelako egin ote du?”
“Zenbateko eragina eta kontrola izango du Googlek gugan?” “Guztia bertan txertatzen bada, sare sozialak, mezularitza, e-maila etab nolako lan errendimentua izango dugu? ez ote dira gauza gehiegi?”

Jolasean gabiltza eta zail samarra da etorkizunean zer izango dugu asmatzea, baina nik behintzat argi daukat Google Wavek bere alderdi onuragarriak nahiz kezkagarriak izango dituela; eta badirudi jende asko ez diela alderdi kezkagarriei so egiten.

ESTERTORES

2 erantzun

Estertores horixe da Unibertsitateko lagun batzuek atera duten azken proiektua. Ez, ez da proiektu informatikoa edo ta teknologia berriekin loturikoa, baizik eta letren munduarekin eta literaturarekin; bai harritzekoa baina zenbait injeniarik ere idaztea eta irakurtzea maite dugu.

Oraingoz  # 1 Resaca izeneko lana bakarrik atera dute, jeisteko moduan dago beraien webgunean .pdf formatuan, pena merezi du irakurtzeak. Dirudienez, paperean ere inprimatu dituzte zenbait ale, horrela Gasteiz eta Bilbo bezelako hirietako leku bitxietan utzi dituztelarik; lasai asko pasatzen den jendeak har eta irakur ditzan; fanzine baten moduan edo.

Gaur egun gaztelaniaz idazten den proiektu irekia da, beraiekin kontatuan jarriz gero parte hartzeko aukera izanez. Benetan aberasgarriak iruditzen zaizkit horrelako proiektu alternatiboak; idazleek kudeatutako proiektua, ilusioz hasitako proiektuak; espero dezagun aurrera jarraitzea.

Posiblea izango litzateke horrelako zerbait euskaraz egitea? Estertoresekin indarrak batu? Euskarazko proiektu berria sortu? Ozen oihu egiten dut euskal blogosferara, erantzunen bat entzuteko esperantzaz.

SAREBLOG, EUSKAL BLOG SAREA

Erantzun 1

Sareblog euskarazko blog sare berria dugu, oraingoz ez ditu blog askotxo baina nahiko interesgarriak aurkitzen ditut nik.

Musikazale: Kontzertuak, berriak, elkarrizketak, albisteak, hau da, euskal musikak
berri ematen duen azkenaz bustitzeko aukera ziurra da Musika Bloga.

Kiroldegi: Futbola, saskibaloia ala pilota sakonean jarraitu ahal izateko, edota
nazioartean ditugun kirolarien arrastoa jarraitu ahal izateko, Kirol
Bloga leku aproposa da.

OndoPasa: Asialdi Blogak gure herriko paisaiak ezagutzeko ibilbideen berri
emateaz gain, jai, jailadi, erakusketa, eta kultur gertaera oro batzen
dituen bloga da.

Proiektu nahiko interesgarria iruditzen zait Asierrek proposatzen duena, ziur nago nolabaiteko arrakasta izango duela euskal blogosferan eta nola  nik musika eta musikaz idaztea gogoko dudan Musikazalen parte hartzea erabaki dut.

NETBOOK, GAUR EGUNGO ORDENAGAILU TXIKI MERKEAK

Erantzun 1

NetBook jada nahiko ezagunak diren ordenagailu txikiak ditugu, argi dago ez dela betiko portatil bat bezala izango, baina bere abantailak eta desabantailak dituzte ordenagailu “berri”hauek.

Lehenik eta behin esan behar dut hauen bateriaren iraupena motzago dela, hala ere korrenteari entxufatuta izanez gero ez genuke arazo handirik izango. Bestalde ordenagailu txiki hauek disko gogor txikiagoa dute SSD 64GB esaterako, baina posiblea izango litzatekeen beste diska gogor bat erostea eta honetan datuak gordetzea eta ordenagailukoan sistema eragilea soilik 🙂

Prozesatzailea dagokionez portatilekoa baina kaxkarragoak dira, baina aurrerakuntza nahiko potenteak egiten ari dira. Abantailei dagokionez, tamaina, pisua, eta prezioa izendatuko nituzke.

Argi daukat portabilitatea eta prozesatzaile potentea behar ez baldin badugu aukera itzela izan daitekeela, netbook bat izatearena. Hona hemen Wireden duela hilabete batzuk egindako analisia.

GENBETA ETA MSN MESSENGER

Erantzun 1

Bai harrituta geratu naiz asteburu honetan interneten gertatu den pasadizoarekin, ziur aski guztiok ezagutuko dugu quienteadmite edo ta checkmessenger bezalako webguneak, non guk gure msnko helbidea nahiz pasahitza jarri eta horrela zenbait informazio izango dugu, hala nola nork ez gaituen bere lagun-zerrendan etab. Baina zer gertatzen da hori egiten dugunean? Ba zerbitzari batean gure ezizena nahiz pasahitza jartzen dugula; nor dago zerbitzari horren atzean? Nork jasotzen dugu gure informazioa? Zer egingo dute datu horiekin?
Horixe izan zen Genbetakoek salatzen zutena eta honen ondorioz zerbitzarian DDoS atakeak jaso dituzte, zenbait orduz zerbitzariak erorita utziz, ez hori bakarrik beste zenbait zerbitzarik ere atakeak jasan dituzte. Zur eta lur gelditu nintzen hori ikusitakoan; zenbait jendek orduan nolabaiteko kontrola izan dezake interneti dagokionez? Bai jakina da “ordenagailu zombie” esker eginiko gauza dela, baina hain posiblea bada zergatik ez oso potenteak ez diren zerbitzariengain meatxuak egin? Internet askea? Ez dakit baina argi dago “ordenagailu zombie” gaia puri-purian dagoela eta milaka mafia dabiltza hortik, ordenagailu bila; bitartean beste batzuk interneten nabigatzen lasai-lasai, eta zure ordenagailua zombie izango balitz?

TXURI URDIN POR EL MUNDO proiektua

Utzi erantzuna

Txuri Urdin Por El Mundo. Ez dakit non ikusi nuen jendeak munduan zehar gauza bereziak egiten dituela eta gero interneten zabaltzen dituela, gauzak horrela zergatik ez Erreala eta Internet nahastu?;  horrelaxe jaio zen proiektua. Sozialtasun eta Web 2.0 efektua bilatuz pentsatu nuen ideia honetan… egia esateko lelokeri hutsa da, baina lan asko ematen ez duenez ba aurrera eramatea erabaki nuen. Baina zer da ditxosozko proiektu hori? Bai lasai orain azalduko dizut.

Jakina da gipuzkoarrok dugun Erreal-zaletasuna, nork ez du ikusi Errealaren kamisetaren bat etxetik urrun oporretan dagoenean? Horrek esanahi du jendeak taldea maite duela eta harro dagoela txuri urdina izateaz, horrexegatik orain bigarren mailan gaudela inoiz baino gehiago … Gauzak horrela bilduma bat osatu nahi dut, jendea Errealeko kamisetarekin jantzita baina munduko puntu ezberdinetan, zergatik ez munduari  bira bat eman gure taldea aitzaki dugula? Horrexegatik egin nahi nuen, orain bakarrik jendearen partaidetza bakarrik falta zaigu guztion artean munduari itzulia emateko; horixe da, “Txuri Urdin Por el Mundo” guztion artean, eta guztiontzat eginiko bloga.

Udako bidai merkeak

Utzi erantzuna

    Batzuei azterketetan sartzeko oso gutxi falta zaigu, baina beste batzuek burua oporretan dute. Gaur egun internet bidez gauz asko egin ditzazkegu eta horrela adibidez gure oporrak antolatu.

    Gazteak izanda “mundua ezagutu” nahi dugu, eta ahalik eta merkeen ahal izanez gero behintzat. Lagun baten helbide bat pasa ninduen beste egunean, eta zergatik ez zuei esan?

    HostelWorld
 
    Orain zuei dagokizue nora bidaiatu nahi duzuen erabakitzea, hor behintzat eskaintza bikainak daude, eta lagun berak erabili izan du behin baino gehiagotan eta fidagarria dela esan dit. Guk bitartean ikasten jarraituko dugu, “buru belarri”.

Bador San Fermin

Utzi erantzuna

Nabari da jada San Fermin giroa. Bai Lesakan eta baita Iruñean ere; urte honetan ez dakit non eta nola amaituko dugun lagunok baina argi dago San Ferminak eta blogak lotuta doazela aurtengoan. Jai hau Internet bidez jarraitzeko blog nahiko onak aurkitu ditut, hala nola:
Mikel Urmenetaren bloga, Kukuxumusu nork ez du ezagutzen?
Jonan Basterra egunero argazki eta kronikak igoko dituena.
Nik behintzat badakit nola jarraitu San Ferminak.