Etiketaren artxiboa: betiko-rutina

BILBO, IKUSIKO DUGU ELKAR

Utzi erantzuna

Ikasketak aurrera doaz, denborak ere aurrera egiten du eta honekin iritsi beharreko momentua heldu da; Bilbo uztekotan nabil.

Bilbora Errealak Txapeldunen Liga jolastu zuen garaian etorri nintzen, gogoratzen dut bai Unibertsitatean kale egindako lehen klaseak Greziara joan izatearen kausa; beranduago 3-0 galdu genuen San Mamesen eta beranduago Bigarren Mailara jeitsi zen Erreala. Orain, Lehen Mailara igotzekotan gaude eta nik Bilbo utziko dut; behintzat behar duen lekuan utziko dut.

Polita izan da Bilbon ikastea, pertsona eta lagun asko ezagutu ditut, baita leku bitxiak ere; Kafe Antzokia ederki asko ere ezagutu dut, haiek garaiak Azkunak itxi nahi izan zuenean, orduan konturatu nintzen zenbat maite nuen Kafe Antzokia. Bilbo asko aldatu da, iritsi nintzenean Tranbia egiten ari ziren, Unibertsitatera behintzat ez zen iristen, gogoratzen ditut Ria 2000 eta bertako lanak. Ez zegoen Zubiarterik, hau egiten ari zirela, zenbait okupa bertara igo ziren protesta moduan.

Olabeagako Gaztetxea itxi eta irekierak, FANT Zine Jaialdiko zenbait edizio, Doctor Deseok zenbait disko atera izan ditu Bilbon egon naizen bitartean, Athleticek ere bere gai on eta txarrak izan ditu, gogoan dut ia ia nola Errege Kopa irabazi zuten; a zer nolako eromena Pozasen; azken urtean Europe Leaguen izandako istiluak. San Mamesen bakarrik bitan izan nahiz, bata Erreala ikusten eta bestea Sevillaren aurka, Ligako partidan lasai, ez nuen Errege Kopako finalerdietara joateko aukerarik izan.

Bilbora iristerakoan ez zegoen Fever edo Santana27rik, baina hala ere ez dut asko maite; nahiago ditut Bilbi edo ta San Frantzisko kaleko tabernak, horixe baita Bilboko gaua. Bai, oraindik ez dut Bilbo utzi baina nolabaiteko nostalgia daukat jada, eramusa bukatzen zaion ikasle atzerritar bati amaitzen zaion moduan.

Hala ere oroitzapen onak gordeko ditut, hiri honetan bizi izan ditudanak liburu bat egiteko modukoak baitira, hala ere ez dut agurrik esan nahi, gero arte; besterik ez. Batzuetan garai batzuk bukatzen dira eta beste garai batzuk iristen dira, oraingoan Bilbori gero arte esango diot, baina seguru elkar ikusiko dugula.

BRASILGO ERREALITATEA

Utzi erantzuna

Atzo arratsaldean klaseak ezberdinak izan ziren, atzo ez nuen Informatikako klaserik izan baizik eta Animación SocioCultural (ASC)eko klasea izan nuen asteazkenero bezala.

Atzokoan irakasleak ez zuen ia ia hitzik esan, gonbidatu berezi bat izan genuen, Bruna. Brasildarra eta gaur egun Deustun nolabaiteko master bat egiten dabilera. Brasilgo errealitateaz hitz egin zigun, batez ere, favelei buruz. Hauen berri baneukan, baina beti prentsak erakutsi nahi duen ikuspuntutik; horrela atzo Rocinhan egon ginen instat batez behintzat, zenbait bideo ikusteko aukera izan genuen eta bertan dagoen errealitate gordinaz hitz egin zigun Brunak. Gazte asko lapurketa edo ta narkotrafikoa erabiltzen dute irtenbide bezala, baina beste bideak ere badaudela erakutsi zigun Brunak; hala nola, Cufai (Central Única das Favelas) buruz hitz egin zigun; egia esateko, nik ez nuen hauen berri ezta ez nukeen inoiz pentsatuko horrelako gauzarik egongo zenik Brasilaldean.

Bestalde musika ere beste irtenbide bat izan zitekeela erakusi zigun Brunak, horrelaxe sortu baita Afroreggae taldea; faveletako jendeak osatzen duten musika taldea. Nahiko famatuak dira, Asian Dub Foundation (ADF) taldearekin ibili baitira behin baino gehiagotan taula gainean. Bestalde zineaz ere hitz egiteko aukera izan genuen eta horrela, Favela Rising zenbait sari irabazi dituen dokumental-filma eta Cidade de Deus film ezagunaz hitz egin genuen.

Argi dago 50 minutuko klase batean ezinezkoa zela askoz gehiago egitea, baina behintzat klasetik pozik irten; ikasleei beste lekuko errealitate batean pentsaraztea lortu zuen. Ez dakit nire uste klasea ez zen 50 minutu horietan amaitu. Gero eta argiago daukat, oso ikasgai politak aukeratu ditudala, nahiz eta injenieritzan ibili. Oraindik gogoan daukat pixukide bati esan nionean nolakoa izan zen klasea eta bere erantzuna:
“Ya sin más, tipica tertulia para pasar el rato para descansar y que no sirve para nada.”

Bakoitzak bere iritzia izango du, baina nik behintzat ez dut horrela sentitzen atzo izan  genuen hitzaldia.

BATZUEK

Utzi erantzuna

Batzuek negar egiten duten  bitartean beste batzuek irriak egiten dituztelako.
Batzuek besta ospatzen duten bitartean beste batzuek fabrikan orduak sartzen dituztelako.
Batzuek hondartzan dauden bitartean beste batzuek aterkia eskuan daramatelako.
Batzuek soilik.
Ziur nago pozik banago norbait haserre egongo dela, ziur nago haserre banago norbait pozik egongo dela.
Norbait hiltzen denean norbait jaiotzen delako, ziur nago.
Batzuek zerbait amaitutzat eman eta batzuek zerbaitetan hasi.
Batzuek soilik?

Bizirik

Utzi erantzuna

Bizirik jarraitzen dut. Bai beti bezala Bilbotik nabil ikasten edo… bai aurten serioski hartuko dut kurtsoa eta ikasi egingo dut egin behar den moduan. Ez dut guztia azken momenturako utziko, zeren esperientziak argi eta garbi utzi dit behin baino gehiagotan horrela ez direla gauzak nahi bezala irteten.

Azkenean Ikeara joateko aukera izan dut, ikasteko mahaia erosi dut, nahiz eta oraindik pixuan ez izan. Iritsiko da, astelehenean edo, dena ongi ateratzen bada. Bizikleta ere pixuan daukat, ez da puri purian dauden bizikleta nano horietakoa baina Unibertsitatera hurbiltzeko bizikleta praktikoa bai da behintzat. Doctor Areiza kalean bide gorria daukagu bizikleta maite dugunontzat eta ondoren Unibertsitatera iristeko zenbait bide badakizkit, ez da hainbesterako izango espaloitik joatea. Bidean kotxe gehiegi daude eta arriskua handia da, gainera lanera doaz eta umore txarrez egongo dira, batez ere astelehenetan.

Euririk egiten ez badu ez dut arazo handirik izango, ez aurten ez du euri askorik egingo. Ostegunei STOP! handi bat jarri beharko diet, iritsiko da garaia non “Vaya Semanita” ikusten geratuko naizen, ostiralean klasea baitaukat, eta garrantzitsua. Beno oraindik goiz da, aukera badago Iturritik ibiltzeko, Antzokian zerbait hartzeko eta Komiks nola ostegunetan ez duten irekitzen ikusteko. Portzierto badakizkit beste toki batzuk irekitzen dituztela, baina ia ostiraleko eguzkia ateratzeko dagoenean jada pixura juteko garaia izango da ez? Bai hobe dut joatea, zeren gelditzen diren toki horietan edariak oso garestiak dira, jartzen duten musika ez da hoberena eta dagoen jendea dudan jartzen dut ikasleak diren.

Deskantsua egun batzuk OFF

Utzi erantzuna

Bai amaitu nituen atzo azterketak, eta orain afterketak datoz. Notak jaso bitartean garai onak, egun batzuk oporretara joango gara lagun batzuk Mallorca aldera, ea zer moduz, zeren irakurri dudanez kriston euriteak egon dira egun hauetan.
Suposatzen dut etortzerako sistema berria izango dugula blogetan, probatzeko irrikaz nabil eta ea CSSa zerbait aldatzen dudan, baina beno orain lasai lasai.

Hondarribia Kanpoan?

Utzi erantzuna

Inork ez zuen esango Hondarribia ez zela Kontxan egongo. Norbaitek esango balu erotzat joko zuten. Arraunaz ez zuela ezertxo ere ulertuko akaso kasurik onenean. Gauza da 8. postuan geratu zela atzo Hondarribia nahiz eta 1.goak irten kronometroaren aurka.
Polemika hor dago, Astillerok parte hartu behar duen hala ez, argi dago Hondarribian ezetz esango dutela, horrela Kontxan sartzeko aukera izango zuen. Baina zer esango dute besteek? Oriok? Castrok? Behintzat Zorionak eman beharko diegu Zumaia eta Zarauzko traineruei atzokoan sorpresa nahiko handia eman baizuten. Badirudi Kontxan ez dela San Miguel ligan oso ondo dabilen trainerua egongo, pena Herriarentzat eta baita arraun munduarentzat.

Izan dira hobeagoak

Erantzun 1

Badirudi orain hasten direla prisak. Bilboko Aste Nagusia jada hasita dagoenean. Orain etxean bakardadean ikasten nago, noski iraileko azterketak prestatu behar ditut; “nola ez, urtero bezala eta urtero okerrago prestatzen dituzu!” Bai izan leike. Ez dut ezetzik esango.

Baina aurtengo Uda oso ona izan da. Ez dut denborarik galdu mila lekutan izateko aukera izan dut, hala nola, San Ferminak, San Martzialak, Euskal14, Plentzia, Gorliz, Arrigorriaga, Donostia, Deloreanen kontzertua, itsasuntzian nabigatzen… orain datoz komeriak liburu artean ez ditut ordu gehiegi sartu eta sartu beharko nituzke. Orain beti bezala, korrika ea zer sartuko eta ea zer ez den sartuko baina hala ere saiatu beharko.

Hurrengo ikasturtean pixura eta oraindik zenbait gauz antolatu behar ditugu, baina guztion iritziz nahiago dugu orain azterketak egin, eta gero gauzak antolatu.
Nola ez, aurten herriko jaien %100a galduko dut, baina horixe da Unibertsitatean eta irailean izatea jaiak. Akaso gehiago nahi dut? Bada jada lanean jartzeko garaia.

Zuk Vodafone?

Utzi erantzuna

Azkenean aldatu dut mugikorra, kostata baina azkenean egin ditut egin beharreko paper guztiak. Lehenik Vodafone
koekin kontratua egin, gero SMSa jaso mugikorrean portabilitatea martxan zegoela esateko, eta ondoren beste SMSa Movistarren partez ea benetakoa zen portabilitate desio hori eta horrela balitz zenbaki batera deitu. Bertan 5 minutuz solasean ibili beraien eskaintzak entzuten, azkenean esateko pentsatuta nuela ez nintzela beraiekin geldituko.
Ondoren anaiak deitu die, ea eskaintzarik edo egiten zioten bere mugikorra ez baitabil oso fin, azkenean egindako eskaintzak ez du konbentzitu eta berak, Nokia 6280 hartu du; nik aldiz Samsung Z150 bat. Argi dago anaiarena hobeto dagoela, baina nik ez nuen dirutzarik utzi nahi eta aukeratutakoarekin aski daukat.

bukatu da dena?

4 erantzun

Bukatu dira San Ferminak edo bukatzear daude, niretzat bukatu dira “Pobre de Mi”. Orain ikasten jartzeko garaia dut eta ez dira gutxi ikasi beharreko ikasgaiak baina “estatistika II” berriro esku artean hartzea gogorra izango da, hala ere beste ikasgai batzuk interesgarriagoak dirudite, zaila egingo zait ikastea baina beharra daukat.
Bestalde laister Euskal14 dator eta horrela pasatzen da Uda, konturatzen garenerako iritsi da bai iraila eta baita azterketak ere. Orain buru belarri sartu beharko dut, hondartza eta parrandak utzi eta gogor ekin.

Bador San Fermin

Utzi erantzuna

Nabari da jada San Fermin giroa. Bai Lesakan eta baita Iruñean ere; urte honetan ez dakit non eta nola amaituko dugun lagunok baina argi dago San Ferminak eta blogak lotuta doazela aurtengoan. Jai hau Internet bidez jarraitzeko blog nahiko onak aurkitu ditut, hala nola:
Mikel Urmenetaren bloga, Kukuxumusu nork ez du ezagutzen?
Jonan Basterra egunero argazki eta kronikak igoko dituena.
Nik behintzat badakit nola jarraitu San Ferminak.