NETBOOK, GAUR EGUNGO ORDENAGAILU TXIKI MERKEAK

Erantzun 1

NetBook jada nahiko ezagunak diren ordenagailu txikiak ditugu, argi dago ez dela betiko portatil bat bezala izango, baina bere abantailak eta desabantailak dituzte ordenagailu “berri”hauek.

Lehenik eta behin esan behar dut hauen bateriaren iraupena motzago dela, hala ere korrenteari entxufatuta izanez gero ez genuke arazo handirik izango. Bestalde ordenagailu txiki hauek disko gogor txikiagoa dute SSD 64GB esaterako, baina posiblea izango litzatekeen beste diska gogor bat erostea eta honetan datuak gordetzea eta ordenagailukoan sistema eragilea soilik 🙂

Prozesatzailea dagokionez portatilekoa baina kaxkarragoak dira, baina aurrerakuntza nahiko potenteak egiten ari dira. Abantailei dagokionez, tamaina, pisua, eta prezioa izendatuko nituzke.

Argi daukat portabilitatea eta prozesatzaile potentea behar ez baldin badugu aukera itzela izan daitekeela, netbook bat izatearena. Hona hemen Wireden duela hilabete batzuk egindako analisia.

PSILOCYBEREN LEHEN PAUSUAK INTERNETEN

Utzi erantzuna

Ezaguna da Psilocybe Hondarribian nahiz herritik kanpo, urriaren 4rako aretoaren estreinaldi festa izango dugu, baina hau baino lehenago urriaren 3an prentsaurrekoa egongo da goizeko 11:00 tan.

Beste batean idatzi nuen webgunea urriaren 4an egongo zela martxan, baina badirudi jada online dagoela, nahiz eta zenbait gauza falta diren oraindik; hala ere, agenda nahiz beste zenbait atal ikusteko aukera dago.

MONOLOGOAK OSTEGUNERO

Utzi erantzuna

Atzokoa ez zen betiko ostegun bat izan, oraindik oporretan nabil eta aprobetxatu behar dira lagunek eskeintzen dituzten aukerak. Oso ezberdinak dira kanpoan ikasten duen ikasle batentzat etxean edo ikasle pixuak pasatzen dituen ostegunak. Bilbon hasi dira jada ostegunak, eguenak.Lagun batek deitu zidan eta esan zidan, jada Iturribide lepoz jende zegoela, ikasle berriak nahiz lagun zaharrekin egoteko aukera bikaina.

Nik aldiz herriko lagun baten gomendioari jarraituta, Irungo The Street End tabernara joan nintzen, monologoak 22:00 tan hasten dira, baina berak argi esan zidan; “hobe 21:00 inguru han egotea eta horrela eserlekua lortuko dugu, fijo!” Ez nuen hainbesteko jenderik espero, tabernan ez zen pertsona gehiagorik sartzen, 60 bat lagun egongo ginen.

David Barragan monologista entzuteko aukera izan genuen, niri behintzat benetan ona iruditu zitzaidan; eta orain galdetzen diot nire buruari ea zer den hobeagoa Bilboko Ostegunak edo ta Ostegunetako Monologoak … ez legoke batere gaizki Bilbon ere ongi pasa eta etxera goiz joateko aukera izatea.

ESIDE ETSIB ETA TECNUN, NOR GARAILE?

2 erantzun

Lagunartean udan beti izaten dugu zerbait ikasteko; askotxo geranez Unibertsitate ezberdinetan ikasten dugu eta bertako ezberdintasunak ikusten ditugu.
Lagunartean honako Unibertsitetako esperientziak ezagutzen ditugu:

ESIDE (Bilbo, Universidad de Deusto)
ETSIB (Bilbo EHU/UPV, San Mames)
TECNUN (Donostia, Injenieritza)

Zenbait ezberdintasun nabari dira, hala ere jada hiru Unibertsitate hauetan Bolognako Planarekin buru belarri ari dira eta ez harritzekoa ikaslearen egunerokoan ECTS kreditu berriekin topo egitea.

Hala ere nik aurkitzen ditudan ezberdintasun nagusienak hauek dira, ETSIB nahiz TECNUN Unibertsitateetan ikasiko duen ikasle batek azterketa datak kurtsoa hasi bezain pronto jakingo ditu, ESIDEn era ezberdinean jartzen baitira. ESIDEn, badago data konkretu bat non ikasleok delegatuaren bitartez azterketa datak aukeratzen ditugun; beti ere data jakin batzuen barruan; azterketa denboraldian. Hasiera  batean egokiagoa iruditzen zait ESIDEk erabiltzen duen teknika baina irailean zer? Irailean ez dugu bozketarik egiten eta Unibertsitateak berak jartzen ditu datak, eta egia esateko kurtso hasieran ez dakigu nola eta noiz eroriko diren aztertetak, ETSIB eta TECNUNen aldiz bai, horrela posiblea da kurtso hasieran batzuek irailerako uztea eta besteak prestatzea; badakizu eta noiz izango diren azterketak.

Bestalde ETSIB nahiz TECNUNen ikasten ditudan zenbait lagunek jada egindako azterketen nota guztiak dakizkite, nik ESIDEn ikasita ofizialki oraindik ez dakit notarik, eta esan beharra dago lehenengo azterketa abuztuaren 27an izan nuela. Badirudi irakasleek ere oporrak gogoko dituztela.

Prezioei dagokionez argi dago garestienak TECNUN nahiz ESIDEko Unibertsitateak direla, baina hori normala da biak pribatuak baitira eta ETSIB publikoa, hori beti horrela izan da eta horrela izaten jarraituko duela uste dut. Baina orduan TECNUN eta ESIDEren artean ez legoke ezberdintasun handirik egon beharko ez?

Hona hemen bien artean aurkitu ditudan zenbait bereizgarri:

Egutegi berria jarriko du martxan TECNUNek Europear plan berria dela eta, horrela posiblea izango da ikasleek uda libre izatea; ESIDEk aldiz egutegian ez ditu aldaketarik egin.

OpenVideoWare delakoaren berri izan dut, badirudi TECNUNek ikasleentzat nahiz irakasleentzat interesagarria izan daitekeen baliabide berria aurkitu duela. ESIDEn oraindik ez dut horrelakorik aurkitu, baina baliteke dena proposatzea izatea; horrexegatik idazten dut post hau, ea zenbait aldaketa ikusten ditugun Deustuko Unibertsitatean.

Amaitzeko aipatu CEIT eta TECNOLOGICO DEUSTO izango lirate bi Unibertsitateek I+D+I proiektuak garatzeko dituzten guneak eta hauexek oso itxura hona dutela.

Espero dut Deustuko Unibertsitateko norbait hau irakurriz gero ikus ditzala zein nolako ezberdintasunak aurkitzen diren Unibertsitate ezberdinen artean eta ea zenbait gauza hobetzeko aukera dugun Deustuko Unibertsitatean zeren nire ustez guztiontzat onuragarria izango litzatekeen.

Bestalde gustatuko litzaidake jakitea MUn nolako gauzak dauden eta nolako erabakiak hartzen dituzten, baina lagunartean ez daukat pertsonarik bertan ikasten duenik.

EBROVISION 2008

Utzi erantzuna

Ebrovision irailan urtero ospatzen den musika festibala dugu, baliteke gure artean oso ezaguna ez izatea baina bertan egon den jendeak oso erreferentzi onak pasa dizkit.

Bestalde prezioa ez zait batere garestia iruditzen, niri 35 euru kostatu zitzaidan, salgai zeuden bezain pronto erosi bainituen; orain eguneko sarrerak 30 euru balio dituela kontuan izanda.

Jaialdia irailaren 18, 19 eta 20an zehar izango da, eta bertan lo egiteko hainbait aukera desberdin daude, kanpina eramanda kanpoan nahiz kiroldegi barruan; bestalde zenbait ostatu ere badaude.

Hona hemen kontzertuen ordutegiak:
Osteguna:
21:00 Ate irekiera
22:00 Dirty Birdies
23:00 Haddock Orphans
0:30 The Sweet Vandals
2:00 Mindruss

Ostirala:
20:00 Ate irekiera
20:30 Half Foot Outside
21:40 The Gurus
22:50 Teenage FanClub
0:45 Fangoria
2:15 Dorian
4:00 Amable + Optigan1

Larunbata:
13:00 Sergio Tachenko + Bazkari Herrikoia
20:00 Ate Irekiera
20:30 The Blows
21:30 Los Salvajes
23:10 Lori Meyers
1:00 Mando Diao
2:40 We Are Standard
4:00 Kinki + Mr Chase

FEEDBURNER JARIOA

4 erantzun

Blogari askok erabiltzen dute FeedBurner berain jarioak kudeatzeko, orain azterketak amaituta eta zenbait egun libre izango ditudala kontuan izanda, zenbait proba egingo ditut.

Hona hemen jario berriaren helbidea:
http://feeds.feedburner.com/goiena/29A
Hala ere, helbidea ESTEKAK ataleko zutaben jarri dut, @feedburner.

Oraindik ez dakit benetan erabiliko dudan, oraingoz Bloglines erabiltzen jarraituko dut bai nire jario gogokoenak nahiz nire blogekoa kudeatzeko.

Zuek zein esperientzia duzue zuen blogeko jarioekin nahiz beste blogak jarraitzeko?

ASEGUR@IT III, BILBON SEGURTASUN JARDUNALDIAK

Utzi erantzuna

Asegur@IT III. Jardunaldiak Bilbon ospatuko dira, Deustuko Unibertsitatean hain zuzen ere. Irailaren 25ean Segurtasunean esanguratsuak diren zenbait enpresek parte hartuko dute, hala nola, S21sec , Panda Security  eta Informatica64.

Jardunaldi hauek dohakoak dira eta goizeko 9:00 etan hasiko dira, hala ere gomendagarria da apuntatzea, horretarako bi modu daudelarik:

1.- Jardunaldirako antolatutako webgunea erabiliz:

http://msevents.microsoft.com/CUI/EventDetail.aspx?EventID=1032382985&Culture=es-ES

2.- Telefono honetara deituz: 902 197 198

Egitaraua:

09:00 – 09:15 Registro
09:15 – 10:00 Cracking & protección de software
               Ponente: Mikel Gastesi, S21Sec
10:00 – 10:45 Rootkits in Action
               Ponente: Iñaki Etxebarria, Panda Security
 
10:45 – 11:15 Café
  11:15 – 12:00 Tempest, mitos y realidades
               Ponente: Pablo Garaizar
  12:00 – 12:45 Network Access Protecction
               Ponente: Juan Luís Rambla, Informática64.
  12:45 – 13:30 Protección contra Botnets desplegadas por Web
               Ponente: David Carmona, Microsoft
 
13:30 – 14:00 Preguntas a los ponentes

EUROPAKO RUBIK 2008 TXAPELKETA

Utzi erantzuna

Europako Rubik 2008 Txapelketa Derion ospatuko da. Irailaren 19, 20 eta 21ean Derioko Kiroldegian, bertan 150 partehartzaile egongo dira eta 17 modalitate ezberdinetan parte hartuz, saritan 9000 euru izanda.

Sarrera dohakoa da eta edozeinek joateko aukera dauka, bestalde nire gomendioa Rubik Kuboarekin azkarra baldin bazara akaso zerbait irabazteko aukera duzu, nork daki.

Aimaitzeko aipatu beharra dago Derioren 320 urteurrena ospatuz, Kepa Junkerak bere azken lana aurkeztuko duela.

ASTHMATIC LION SOUND SYSTEM, FERMIN MUGURUZA

Utzi erantzuna

Asthmatic Lion Sound Sytem Fermin Muguruzaren lan berriaren izena dugu. Urriaren 31n diska erosteko aukera izango dugu, hala ere ohikoa izaten den moduan zenbait single entzuteko aukera izango dugu urriaren hasierarako, honekin batera single honen bideoklipa Ferminen webgunean ikusgai izango dugu.

Bestalde Ferminen lanetan normala izan ohi den bezala zenbait musikarien laguntza izango du, hala nola aipatu beharrekoak dira: Gambeat, Manu Chao, Sorkun, BAD Sound System, Al Rumjen edo ta Rossy de Palma.

Diska berri hau plazaratu bezain pronto, Ferminek Tour bat antolatzea espero dut, Bilboko Kafe Antzokitik pasako den esperantzarekin.