Hileko artxiboak: abendua 2009

2009 BUKATZEAR

Utzi erantzuna

Lelokeria izango litzateke 2010ean zein gauza egingo ditudan esatea, ez dut gogoko zerrendarik egitea; jende askok egiten du zerrenda baina zertarako? Nik baditut gauza batzuk buruan eta horietako batzuk egiten saiatuko naiz; esaterako kotxeko gida baimena behingoz ateratzea bada eta garaia. Inoiz ez naiz autoeskolan egon eta inoiz ez dut kotxerik gidatu baina nik uste urte honetan jada egin/ikasi beharretariko gauza bat dela, nahi baino gehiago beharra.

2009ari errepasoa eginez, blogean argi ikus ditzazket zenbait gauza, esaterako Sareblogek zortzi@2008 saria irabazi zuen; bai duela urte eta gutti hasitako proiektu da Musikazalekoa; oraindik bizirik darrai eta ilusioz; bertatik pasa dira, Delorean edo ta Sexty Sexers bezalako punta puntako talde euskaldunak.

2009an Kafe Antzokia istear ibili zen; baina euskal komunikabideetan gaia jorratu, eta jendeak maite duen hori defendatu zuen; horrela Bilboko Kafe Antzokia berriro ere irekita jarraitzen du.Batzuentzat lelokeri hutsa, baina nik kriston ilusioz jaso nuen tenplua berriro gure artean izatearena. Oraindik gogoan daukat nola Kaotikoren kontzertu bat Antzokian ikusi beharra nuen eta azkenean Barakaldoko RockStarren ospatu zen, mundiala izan zen kontzertua, baina nolakoa izango litzateke tenpluan?

Krisia ere geroz eta nabariagoa izan da 2009an, baina lasai 2010ean ere gure artean izango du; beraz badirudi egoera ez dela gehiegi aldatuko. Sentitzen dut baina honi buruz ere idatzi beharra nuen.

2009an informatikako ikasketak beste irakasgai batzuekin nahastu nituen, horrela Trabajo Social delako mundua ezagutu nuen, Unibertsitate berdinean metro gutxietara; guztiz ezberdina den jendea. Eskertzen dut, horrelako jendea ezagutu izana, mundua beste begi batzuekin ikusten dute. Hala ere, 2009an informatika munduan amaitu dut, bekario lanetan; 2010an ere horrelaxe jarraituko dut, Unibertsitatean kurtsoa amaitu arte behintzat.

2009an Errealarekin sufritzeko aukera izan dut, hala ere orainaldian gozatzea tokatzen zaigu, bigarren mailako buru baikaude; ea 2010ean lehen mailan amaitzen dugun.

Besterik gabe, ondo amaitu 2009a eta hobe hasi 2010a 🙂

GABONAK DIRELA ETA

Utzi erantzuna

Badirudi jada Olentzero Euskal Herriko etxeetatik igarotzeko aukera izan duela, zenbait etxeetan zenbait opari utzi baititu. Batzuk oraindik Santo Tomaseko (ez dut inoiz ulertuko zergatik Bilbon ez duten txistorrarik izango; hala ere, guk gipuzkoar garen moduan, ikasle pixuan bageneukan gure herrietan erositakoa) ajearekin ibiliko dira eta beste batzuk ea zergatik 22ko loteria ez zaien tokatu.

Seguru familia guztiek izango ditugula gure ohiturak, batzuk bere etxean afalduko dute, beste batzuk lehengusu nahiz aitonekin; eta baten batzuek herriz aldatu eta besteen etxeetan egongo dira. Horixe dira gabonak. Nik horrelaxe ikusten ditut behintzat.Opariei ez diet garrantzi handirik ematen, ez dakit edade kontua izango den, edo ta Olentzero nahiz Erregeek ere krisia jasan beharko dutela (nahiz eta, magikoak izan) baina argi daukat gabonak ez direla opariak eskatu edo jasotzea.

Familiarekin egotea, askotan ikusten ez duzunekin egoteko parada eta zu jaio baino lehenagoko komeriak entzun ikastea askoz aberasgarriagoa iruditzen zait. Hala ere, ulertzekoa da 7 urte dituen ume batek kristoren ilusioa izatea Olentzerok ekarri berri dizkion opariak ikusterakoan. Baina pertsona nagusiek? Telebistan zenbat iragakarki jartzen dizkigute? Badakit betiko leloa dela, materialismo hutsa, gizarte honek bla bla bla … Bai erraza da guzti hau esatea, baina gaur behintzat irribarre batekin oheratuko naiz, oso ongi pasa baitut familiartean, mila pasadizio entzun-esan baiditugu eta gainera familia geroz eta handiagoa da. (Zorionak Laia).

Aurten behintzat nik uste gabonetako oparia jaso dudala, badakit erregeak hor daudela baina begiak irekitzeko parada izan dut eta ez ditut beharrekoak ikusten: iphone, mac, argazki kamera, Gariren azken diska edo ta Galeanoren azken liburua zapata azpian izatea; opariak jaso ditut jada.

GOOGLEEN HODEI BEREZIA

Utzi erantzuna

Google. Duela zenbait urte hasi zen internet munduan, bilatzaile arin baten moduan, gazte batzuk osatu zuten; beraien Unibertsitateko urteetan, eta orain zer da Google? Mundu osoan ezaguna eta zerbait esan edo eginez gero, mundu osoan izugarrizko oihartzuna izango duen enpresa.

Jende askok ezagutuko du bilatzailea, edo ta GMail delakoa; baina Google askoz gehiago dugu. Gaur egun bere nabigatzaile propioa dauka, Google Chrome izenez ezaguna. Nik ordenagailuan Firefox erabiltzen dut, baina aipatu beharra daukat Chrome askoz azkarrago dabilela, arinagoa dela eta nire Firefox partikularra (plugin edo ta addons dexenterekin) izango ez banu, duda gabe Chrome erabiliko nuke.

Bestalde, Google Cloud edo ta “hodeia” izenez ezaguna den zerbitzuengatik apostu interesgarria egiten dabil. Nire ustean, Cloud delako hau, Web 2.0en ondorio garbia dugu. Alegia gure programak edo ta zerbitzuak ordenagailuan era lokalean izan beharrean, Interneten izango ditugu. Kontuan izan behar dugu gaur egungo konexioak nahiko azkarrak direla duela urte batzutakoekin konparatuz gero, horrela interneten aurka lan egiteko garaian ez dugu arazorik izango. Gure lanak interneten baditugu, edozein ordenagailuren bidez (beti ere internetera konexioa dugula kontuan izanez) hauetara sartzeko aukera izango dugu, ondorioz kriston mugikortasuna lortuko dugu; berdin da etxean, Unibertsitatean edo ta Japoniako lagun baten etxean gauden, dokumentuak beti hor egongo baitira.

Hodeia defendatzeko intentzioarekin, Google Docs delako aipa genezakeen, bestalde Googlerek bere Sistema Eragile (Windows, GNU/Linux, Mac OS …) propioa atera berri du, Chrome OS, internet zerbitzuekin erabat erlazionaturik dagoen Sistema Eragilea eta konexiorik gabe zentzu askorik ez duena. Esan beharra dago, Googlekoek zenbait hardware enpresekin kontaktuan jarri berri izan direla beraien produktuetan nolabaiteko aldaketak egin ditzazten Googleko produktuekin era askoz hobeago batean ibil daitezen. (Nola proba dezaket Google Chrome OS nire ordenagailuan?)

Hau guztia gutxi balitz, Googlek protokolo berriengatik apostu latzak eginez dabil, adibide gisa, SPDY. Gaur egun interneten http komunikazioak asko erabiltzen ditugu; ba googlek berasmaturiko SPDYrekin 55%eko hobekuntza lortzeko gai direla diote, oraindik beta moduan dago baina argi dago Googlek internet nahiz hodeiarekiko eginiko apustua handia dela. Aipagarri ere,DNS zerbitzua publikoa.


Internet eta mugikorrak geroz eta harreman hobeagoa dute, horrela Googlek bere mugikorra aterako du 2010eko urtarrila partean. Dirudienez, mugikorrak Nexus One izena izango du, internet bidez zenbait argazki ikusi ditugu; badirudi libreki salduko duela eta ziurrenik beraien webgunetik erosi beharko da. Googlek internet kontrolatuko du? (jada kontrolatzen ez badu).

TXAMPANADA

Erantzun 1

Bilboko Sarrikoko Unibertsitatean urtero antolatzen da “Champanda” delakoa. Urtero gabonetako oporrak hartu baino lehenago, azken ostegunean antolatzen den jaialdia dugu. Normalean jendea eguarditik joan izaten da Sarrikoko Unibertsitateko belardietara. Baina zer dago bertan? Ikasleak. Bakoitzak nahi duenarekin, bokata, kalimotxoa, garagardoa edo ta beste edari batzuk; baina txanpaina gutxitan ikusi izan dut, hala ere, “Champanada” izenez ezagutzen da.

Ikasleen ajendetan egun berezia dugu, asko hurbiltzen baitira. Zurrumurruak entzun ditut garai batean Deustuko Unibertsitatean egin izan zela, baina nik ez dut inoiz horrelakorik ikusi. Garai batean Leioako Medikuntzan antzeko jaialdi mundiala ospatzen zen, ez naiz inoiz bertan egon, baina badakit egiazkoa zela jaialdi hura, bertan egon baitiren lagunak ezagutzen ditut. Azken hau ere, duela zenbait urte ez da antolatzen azken edizioan izan ziren arazoak direla eta.

Aurtengoan ez du euririk egiten, ohikoa izan ohi da Champanadan eguraldi txarra izatearena. Gaurkoan kristoren hotza ari du, baina eguraldia ez da txarra. Baina ni ez naiz joango. Lehenik Unibertsitatean lanean egon behar dudalako, Boloniarekin azterketak lehenago izango baiditugu eta azkenik lagun askotxok jada Unibertsitatea bukatu baitute.

Ni ez naiz Sarrikotik azalduko, baina behintzat Unibertsitateko lehen urtetan dabiltzan gazteek jakin dezatela “Champanada”ren existentziaz, zeren Unibertsitatean zenbait pertsonekin hitz egin dut eta ez zuten jai honen berri. Akaso ikasle pixuan galbiltzanok soilik jakingo dugu? Ez dut uste.

BBK 2010 SARRERAK SALGAI

2 erantzun

Bihar, abenduaren 17an jarriko dituzte Bilbao BBK Live 2010erako sarrerak salgai. 3 egunetarako abonuak 95€ prezio berezia izango du, eta badakizue beti bezala geroz eta lehenago erosi merkeago ateratzen da asuntua.

Aurten oraindik ez dakizkigu zein talde izango ditugun jaialdian, bakarrik Pearl Jam izango dugula buru moduan. Uztailaren 8, 9 eta 10ean ospatuko da beti bezala Bilboko Kobetamendi ezagunean, badirudi urtez urte jaialdiak jende nahiz talde gehiego ekartzen dituela.

Zein talde gustatuko litzaizuke ikus entzutea? Zurrumurruek diote akaso, Pearl Jam, Rammstein eta The Cure izango ditugula Bilbo partean.

webgune ofiziala : BBK Live 2010

EGUNKARIA LIBRE

Utzi erantzuna

new TWTR.Widget({
version: 2,
type: “search”,
search: “Egunkaria”,
interval: 6000,
title: “Egunkaria auzia”,
subject: “Libre!”,
width: “auto”,
height: 300,
theme: {
shell: {
background: “#8ec1da”,
color: “#ffffff”
},
tweets: {
background: “#ffffff”,
color: “#444444”,
links: “#1985b5”
}
},
features: {
scrollbar: false,
loop: true,
live: true,
hashtags: true,
timestamp: true,
avatars: true,
behavior: “default”
}
}).render().start();

SPORTING – SEVILLA LISKARRAK NAGUSI

Utzi erantzuna

Gaur BEC!en Bertsolarien Finala izan dugu (Zorionak Lujanbiorentzat). Baina beste gai bat aterako dut, futbola eta biolentzia. Errealaren zaletu izanez ez dut gogoratu nahi Aitorrekin duela urte batzuk gertatutakoa, ez du pena merezi ezer esatea denol baitakigu zer gertatu zen. Duela gutxi Athletic zaleak ez zituzten oso ongi jaso Austria aldean, eta gaurkoan liskarrak egon dira Gijonen.

Dirudienez, partidua baino lehenago Sporting nahiz Sevillako zaletu sutsuenak hantxe azaldu dira, Molinongo zelai inguruan, 15 minutuko burruka izan dute, polizia bertara iritsi den arte. Ez dakit egia izango den, baina jendeak Atletico Madrileko zaletuak bertan zeudela esaten du, noski Sportingekoekin, hauek politikoki ideia berdinak badituzte (ultra-eskuindarrak). Bestalde, Sevillakoak ere ez zenbiltzan bakarrik, dirudienez Deporreko zenbait zaletu beraiekin zenbiltzan. Hau guztia, ez da nahigabe antolatzen, normalean lehenagotik jakin izaten ohi da; non zegoen hau sahiestu behar duen polizia edo ta segurtasuna? Zergatik nahasten dira politika eta futbola?

Ez dakit, baina Aitorrekin geratutakoa duela zenbait urte gertatu zen eta badirudi gauzak berdin jarraitzen dutela. Ez ahal da inoiz aldatuko? Nik behintzat futbola eta nire taldea ez ditut horrela ulertzen. Eskerrak Errealak larunbatean partidua irabazi zuela eta oraindik lehen postuan jarraitzen dugun.

marca : Batalla campal antes del Sporting – Sevilla

GABONETAKO LOTERIA

Utzi erantzuna

Jakina da abenduaren 22an milaka pertsonek irratia nahiz telebista piztuko dutela ea loteria tokatu zaien. Nik behintzat argi ikusten dut, 20€ ez ditut zenbaki batean xahutuko zeren oso zail ikusten dut zenbaki hori ateratzea eta nahiago ditut poltsikoan 20€ak gorde.

Badago nork ilusioa dela esango duela, lanean loteria ateratzen dutela edo ta tabernan, nork daki. Bai Bilbon ere nahiko famatua den Ormaechea Administrazioan beti erortzen zaie zerbait, baina normala da milaka zenbaki ezberdin saltzen dituzte. Aurten bi partizipazio erosi ditut, enkarguz ez dira niretzat bata Bilboko All Iron futbol taldean eta bestea honetatik hurbil dagoen beste taberna batean; ikasle pixua hor baitugu.

Badirudi Interneten ere loteriari buruzko zenbait berri badaudela, lehenengoa eta gehien harritu nauenak zera dio, azken urteetan (2000tik 2008ra) gehien tokatu diren zenbakiak 0 eta 5 izan direla; bai seguru norbaitek pentsatuko du zenbaki guztiek probabilitate berdinak dituztela, baina seguru beste askok 0 edo 5ean amaitutako zenbakiak erosiko dituztela; bai horrelakoak gara gizakiak, nik behintzat esan dizuet. [1]

Beste berriak loteroek greba prestatzen ari direla, egia esan behar baldin badut inoiz ez dut pentsatu loteroek greba egingo zutenik baina badirudi langile diren moduan greba eskubidea badutela; oraingoan gobernuak loteriaren liberalizazioa aurrera eraman nahi baitu. Nola amaituko ote da guzti hau? [2]

Nik behintzat argi daukat, jolastu nahi duenak jolas dezala, baina niretzat abenduaren 22an urteko beste egun bat izango da, 24 ordu izango dituen beste egun bat. Zorte on jolasten duzuen guztioi, baina irabazteko lehen pausua ez jolastea da.

[1] : El 0 y el 5, las cifras más premiadas en los últimos Sorteos de Navidad.
[2] : Los loteros estudian convocar la primera huelga del sector en casi tres siglos

Internet-eko oinarrizko eskubideen aldeko Adierazpena

Utzi erantzuna

Ekonomia Iraunkorraren Lege aurreproiektuan barneratutako
aldaketa legegileek adierazpen askatasuna, informazio eta Internet
bidezko kulturatze prozesua bermatzen dituzte, hau dela eta, kazetari,
blogari, erabiltzaile eta Interneteko sortzaileek, asmo biziz azaltzen
gara proiektu honen aurka, honako hau agertuz:

1.
Egile-eskubideek ezin izango dute inolaz ere pribatutasun, segurtasun,
errugabetasun-presuntzio, benetako epai babes eta adierazpen askatasun
eskubideen gisako herritarren oinarrizko eskubideen gainetik egon.

2.
Oinarrizko eskubideak bertan behera uztea botere judizialaren
eskuduntza esklusiboa da eta horrela izaten jarraitu behar du. Epairik
gabeko itxiera bakar bat ere ez. Aurreproiektu hau, Konstituzioaren
20.5 artikuluak azaldutakoaren kontrakoa da, organo ez judizial baten
esku -Kultura Ministerioaren menpekoa- jartzen baitu espainiar
hiritarrek edozein web gunera sartzea galarazteko ahalmena.

3.
Legeria berriak ziurgabetasun juridikoa ekarriko du Espainiko sektore
teknologikora, gure ekonomiaren etorkizuneko eta garapenerako alor
bakanetakoa kaltetuz, enpresen sorrera oztopatuz, konpetentzia askea
trabatuz eta nazioarte mailako proiekzioa motelduz.

4.
Proposatutako legeria berri honek, sortzaile berriak mehatxatzen ditu
eta kultur sorkuntza oztopatzen du. Internet eta ondorengo aurrerapen
teknologikoen bidez era guztietako edukien sorkuntza eta hedapena
nabarmen demokratizatu dira eta aipatu edukiak jada ez datoz nagusiki
ohiko kultur industriei esker, hainbat iturri ezberdinetatik baizik.

5.
Beste langile guztiek bezala, sortzaileek bere lanetik bizitzeko
eskubidea dute, ideia kreatibo berrien, negozio eredu zein beren
sorkuntzei lotutako jardueren bidez. Lege aldaketak erabiliz ingurune
berrira egokitu ezinik dabilen industria zaharkitua sostengatzen
saiatzea ez da zuzena ezta errealista ere. Negozio-eredua obren kopien
kontrolean oinarritzen bazen, eta hori Interneten ezinezkoa bada
oinarrizko eskubideak urratu gabe, beste eredu bat bilatu beharko
lukete.

6. Gure ustez, kultur industriek bizi irauteko
alternatiba modernoak, eraginkorrak, sinesgarriak eta eskuragarriak
behar dituzte, era berean erabilera sozial berriei egokituz, lortu nahi
duten helburua lortzeko hain ez-eraginkorrak eta neurrigabekoak diren
mugak baino.

7. Internetek modu askean funtzionatu behar du, giza
jakintza askea eragozten duten eta negozio eredu zaharkitua betikotzen
saiatzen diren sektoreek bultzatutako interferentzia politikorik gabe.

8.
Espainian gerta daitekeen edozein presioren aurrean, Sarearen
neutraltasuna bermatzea exijitzen diogu Gobernuari, etorkizunari
begirako ekonomia iraunkorraren eta errealistaren garapena bideratzeko
marko gisa.

9. Jabego intelektualaren eskubidearen benetako
erreforma proposatzen dugu, honek duen helburuari begira: jendarteari
jakintza itzultzea, herri jabaria sustatzea eta erakunde kudeatzaileen
gehiegikeriak murriztea.

10. Demokrazian legeak eta
lege-aldaketak eztabaida publikoaren ondoren onetsi behar dira, tartean
dauden alde guztiak kontsultatu ondoren. Ez da bidezkoa oinarrizko
eskubideak kaltetzen dituzten lege aldaketak egitea organikoa ez den
eta beste gai bati buruzkoa den lege bat horretarako erabiliz.

DURANGON EROSITAKOAK

Utzi erantzuna

Durangoko Azokan izateko aukera ez dut izan baina familia bertan egon da; urtero bezala enkargua egiteko aukera izan dut. Aurtengoan ez ditut gauza gehiegi erosi baina nik uste erositakoak erosketa onak izan direla. Hona hemen zerrenda:

Habitat erosteko gogoz nebilen, badakit ez dela aurtengo Azokako nobedadea baina gogoz nintzen eta Azokaren aitzakiarekin erosteko kapritxoa hartu dut.

Entzun! ere erosketa ona iruditzen zait, musika gogoko daukat eta 2009aren laburpen ederra egiten du; gainera CDan ezagutzen ez nituen zenbait talde ezagutzeko aukera izan dut.

Kirolagenda, beti beharrezkoa daukat agenda eta familiak hau erosi zuen; akaso 2010. urtean kirol gehiago egingo dudan esperantzarekin; nork daki.

Zuek pasa ahal zarete Azokatik? Zer erosi duzue bertan? Gaur gauean uste dut Berri Txarrak taldearen kontzertua zegoela bertan.