Eta ez diot hori spinninen apuntatu naizelako. Gaur atera dute azken asteotan herrian espero zen lista famatua: Eguzkia auzoan egingo dituzten 20 etxebizitza tasatuetarako
hautatuen behin behineko zerrenda. Egia esan, kostatu zaie. Uztailean
atera behar zuten lehenengo, irailean gero, iraila erdialdean gero…
zain geundenon ezinegona areagotuz.
Gaur argitaratu dute eta hor nago ni lehenengo postuan, iuju! Etxe
tasatua “tokatu” zait! 30 kilo inguru dira, baina inguruan dauden
prezioekin alderatuta txollo bat da, ez?
Etxetik joateko gogoz nabil aspaldian. Baina, pare bat urte itxoin
beharko dut oraindik. Bitartean, zer? Aita eta anaiarekin geratu edo
alokairuan jarri? Lehenengoa aukeratu beharko dut; errenta ordaintzen
hasten banaiz etxea ordaintzeko ez dut izango-eta!
Bueno, tokatu zait etxea. Orain, hainbeste eta hainbeste jende sartuta
dagoen gurpilean sartuko naiz: maileguak, interesak, euriborra…
lortuko dut irtetea?
Orain, behintzat, IKEAra joateko eskusa bila ibili beharrik ez daukat, ja!
A! Eta zorionak Nereari ere. Bizilagunak izango gara, Nere!
Zorionak Usoa!
Merezita! eta merezi duten asko geratuko ziran kanpuan. Ia etxebizitza politikak hobetzen diran eta gainontzekuak be beteta ikusten daben etxebizitza eukitzeko eskubidia.
Antzuola.net -en egon naiz begira ia tasatuen barri badagon, baina ez dot ezebe ikusi.