Hileko artxiboak: apirila 2007

Aloñako Igoera

Mendi lasterketa denboraldia hasi da Alkortarentzat. Aurrekoan komentatu genuen bezala, burubelarri dabil Alkor, mendi lasterketak preparatzen, eta preparazio horren emaitza izan da domekan eginiko lasterketa paregabea.

Aloñako igoeran izan zen Alkor eta nahiz eta beroak kalte egin, 136. postuan sailkatu zen, 1:44:33 denbora eginez.

Alkor animatzen izan giñenok, ostean, Aloñatik Urbia aldera mendi buelta politxa egin genuen, tartean hainbat tontor eginez. Bokata jan bertan, eta buelta etxera. Egunpasa politxa!

Hurrengo lasterketa, domeka honetan, hilak 29an du Alkorta-k. Berako mendi lasterketa erdia. Eta termitak ere han izango gara Alkor animatzen!

Bidebatez, Alkortari animoak eman nahi dizkiogu, izan be, badakigu helburutzat zuen Zegama-Aizkorri mendi maratoian parte hartzeko egin den zozketan, ez duela zortea izan. Animo Alkor!

Aloñako Igoera-ren argazki gutxi batzu hemen.

Frontenis txapelketaren lehen emaitzak

Koadrilako I. Frontenis txapelketak baditu lehen emaitzak. Sorpresarik ez da izan, eta faboritoak nagusitu dira.

Lehen jardunaldiko emaitzak:

A Taldea
Poto – Perea Jr (40 – 24)
Eneko – Iñi (32 – 40)

B Taldea
Peri – Mon Jr (40 – 23)
Arku – Axpe (Atzeratua)

2. Jardunaldia (Apirilaren 23tik 29ra)

Poto vs Iñi
Eneko vs Perea
Peri vs Arku
Axpe vs Mon

Silvretta eta Grand Paradiso

Mendiko eskia gustoko dutenentzat apropos aproposa izan daitezke Austria, Suitza eta Italia artean kokatzen diren Silvretta eta Grand Paradiso parkeak.

Bertan izan dira Aste Santuetan, beste hiru arrasatearrekin batera, Axpe eta Iñi.

12 bat egun izan dira bertan. Lehenik eta behin, Austria eta Suitzan izan ziren, Silvretta parkean. 5 bat egun, egunero bostpasei orduko trabesiak eginez. Ostean, Italiako Aostako haranera joan ziren eta Grand Paradiso parkean bi eguneko trabesia egin zuten.

Oso pozik etorri dira biak egindakoarekin. Gainera eguraldia lagun izan dute, eta elurrarekin ere ezin kexatu!

Abentura honetako argazkiak hemen ikus ditzakezue.

Erras Besaide-ko irteeran

Besaide Mendizale Elkarteak antolatutako eski-irteera batean izan da Errasti Aste Santuetan. Kasu honetan, Alpeetara izan da irteera, eta bertan astebetez, eskiatzeko parada izan dute.

Bidaia honetan, Errastik 30 urte bete ditu, eta argazkian ikus daitekeen bezala, ondo asko ospatu zuen bertara gerturaturako beste lagun batzuekin!

Hau gutxi ez, eta bueltan Adunako sagardotegi batean bazkaltzeko aukera izan zuten bidaian parte hartu zuten denek!

Bidebatez, koadrila guztiaren partez Erras, eta berandu bada be, ZORIONAK eta urte askotarako!

Maroko aldeko abenturak

Herrarte, beste hiru lagunekin batera, Maroko aldean izan da Aste Santuetan. Laukotea, 12 bat egun egon da bertan eta tarte horretan, hiru lekutan egon da batez ere.



Marrakech-en lau egunetan izan ziren. Ostean, beste lau egunez Ouarzazate, Merzouga eta Zagoran izan ziren. Bertan, besteak beste, desertua, palmeralak eta Todra eta Dades-eko arroilak “gargantak” ikusteko aukera izan zuten.

Azkenik, Atlas mendikatean, trekking bat egiteko eta herri berebereak ezagutzeko aukera izan zuten.

Bere esanetan, duda barik, bidaia gomendagarrixa! Beste hiru argazki hemen ikus ditzakezue!

Artaza-ra egunpasa

Gaurko egunian, apirilaren 16an, Apo-k 29 urte beteko lituzke. Pirinioetan izandako zoritxarreko ezbehar baten ondorioz, jada ez dau gure artian.

Aste Santuko jai egunak aprobetxatuz, Oihana, Txetxi, Haritz, Elena, Izadi, Skritx, Albis eta Balerdi, Artazan izan die, bertan, Apo-ren oroipenean jarrita dauen plaka bisitatzen.

Bidean zoazela, lorak batu, eta Apo-ren plaka apaindu zuten.

Argazkietan ikus daitekeen bezala, eguraldixa lagun izan zuten eta hori dela eta, zelai batean bazkari goxo bat dastatzeko aukera ere izan zuten. Oso ondo pasau zutela esan daue!

Poto, Albes, Aitzi eta Olaia Candanchun

Koadrilako askok gustoko dute eskiatzea. Horien artean daude Poto, Albes, Aitzi eta Olaia.

Aste Santu hauetan, ez dute honetarako aukera galdu eta Candanchu aldian izan dira, denboraldi honetan izan diren elur egun apurrak aprobetxatzeko asmotan.

Aste Santu zuriak beraz laukote honentzat! Bueno, laukote baino, boskote, izan be, azken orduan Arku ere bertaratu zan eta…

Hurrengo urtean, gehiago eta hobeto!

Euskal Herriko Itzulixa

Euskal Herriko Itzulixa hasi da! Eta honekin batera www.tropela.net webguneko gure porra partikularra ere hasi da.

Azkenean, 14 gara porra honetan parte hartzen dugunak.

Pertsonako 5 euro jarri ditugunez (babajanean batuko da dirua), etapa bakoitzeko irabazleak 3 euroko diru saria izango du, sailkapen orokorreko irabazleak 10 euro eta bigarrenak 7 euro jasoko ditu.

Beste 35 euroak apirilaren 15ean, domeka honetan, Eneko-k ingo dozkun babajanerako erreserbatuko ditugu.

Azken honi dagokionez, hona hemen egun horretako plana:

12:00: Amets-en elkartuko gara poteorako.
14:30: Babajana Leintze elkartean.

Besteik barik, zorte on!

Pd: Pronostiko guztiak beteaz, lehen etapak badu irabazlea: Peri. Zorionak!

Aketegi eta Zarautz-eko garagardo festa

Aste Santuko oporrak helduaz bat, koadrilako gehiengoak Arrasatetik alde egitea erabaki du. Hala eta guztiz ere, egon da bertan geratu denik ere, Eneko, Arku, Ima, Pixi, Perea…

Hala, ostegun santuan, Ima eta Eneko, azken honen lehengusina den Miren bidelagun zutela, Aketegi mendira joan ziren. Elur artean ibili ziren, gustora gainera. Hona hemen bertako argazki batzuk.

Mendiaz gozatzeaz gain, Zarautz-eko garagardo festara joateko astia ere hartu zuten Eneko eta Imak. Honako honetan, Pixi ere, motorrarekin bertaratu zen, eta hirurek domeka atsegina pasa zuten bertan. Ez baduzue sinisten, ikus argazkiak.

Oihana Argentinan!

Oin dala hilabete pasatxo joan zen Oihana, Buenos Aires-era! Egun, UAB-ko ikerketa talde baten partaide da eta duda barik, burutzen ari den lanerako, esperientzia aberasgarria izaten ari dela dio.

Nahiz eta 15 egun barru, Patagonia aldera joatekoa den, turismo gutxi egiten dabilela esan dozku Oihanak. Hala ta be, astebukaeretan ez du galdu, Palermo, Arte Ederretako museoa, San Telmo, eta Buenos Aires-eko beste zenbait txoko ezagutzeko aukera! Futbol partidu bat ikustera joan behar dela ere esan digu. Boca Juniors edo River Plate zalea den hori bai ez digula esan!

Bi hilabete barru izango dugu Oihana bueltan. Ordurarte, hemen bertatik bidalitako argazki batzuk.