UPyDren eskutik etor liteke, sozialista eta ehbildu talde parlamentarioen arteko lehenengo akordioa, X. legegintzaldi honetan. Ez dut hori baieztatzeko daturik, ez diet galdetu. Baina Eusko Legebiltzarreko webguneak zera dio:
- 2013ko urtarrilaren 24an egingo du Eusko Legebiltzarrak X. legegintzaldiko lehenengo ohiko bilkura.
- Aurrekoak bezala, lehendakariak kargua hartu eta hilabete eta astebetera: Patxi Lopezek kargua hartu zuen
2009-05-07an, eta IX. lehenengo ohiko osoko bilkura 2009-06-12an izan zen.
- Iñigo Urkulluk 2012-12-15ean hartu zuen kargua eta lehenengo ohiko osoko bilkura, esan bezala, 2013-01-24an izango da.
- Egun horretako plenoan eztabaidatuko diren gaiei errepasoa egiteko kuriositata izan dut eta, aktualitate bizia duten gaiak badauden arren (etxe uzteak), atentzioa deitu dit gehiago UPyDk, enegarren bider, aurkeztu duen lurralde historikoen legea aldatzeko legez besteko proposamenak.
- Aurkeztu dizkioten zuzenketen artean, badago akordiorako aukerarik PSEren eta EHBilduren artean. Biek ala biek proposatzen dute lantaldea sortzea Legebiltzarrean, EAEko erakunde sarea
aztertzeko.
<!–
@page { margin: 2cm }
P { margin-bottom: 0.21cm } Hortaz, eta UPyDk kontrakoa esaten ez badu (hau da, ekimena erretiratu), gaur zortzikoa izan daiteke sozialisten eta ehbilduren lehenengo
akordio sendoa; UPyDren eskutik badator ere. Izan ere, Legebiltzarrean lan taldea sortzea parlamentuaren jardunaren parte da; gero, baina, horrek zer eman dezakeen ikusteko dago.
