Bost hilabete eta erdi igaro diren arren, Arabako Audientziaren erabakiaren zain jarraitzen dugu

Data: 2017(e)ko urriaren 13a Egilea: elexpuru

Lotsagarria!!! Joan den ekainean sarrera hau egin genuen funtsean oraingo gauza bera esateko.

Zertan dago Eliseoren auzia? Noiz hasiko da epaiketa?, galdetzen zaigu behin eta berriz. Galdera logikoa, maiatzaren 3an argitaratu baitzen epailearen autoa. Kontua de akusatuek bost eguneko epea zutela autoa errekurritzeko, apelazioa egiteko, hauen abokatuek hori egin zutela artxiboa eskatuz, eta Arabako Audientziak erabaki behar duela errekurtso horiek onartu ala ez. 

Arabako Audientziak ez omen du erabakia hartzeko eperik (ederra kontua!), baina normalean hilabete edo hilabete eta erdi behar izaten omen du. Ikusten denez, epaileak instrukzioa zortzi urte luzatu ondoren, orain Audientzia bera ari da luzatzen ezin jakin zergatik eta noiz arte. Adarra jotzen? Benetan zitala ari da izaten Arabako epaitegiaren jokaera.

Euskal Herriko auzi zaharrena da askogatik. Azaroaren 19an beteko dira bederatzi urte Arabako Diputazioak auzibidean jartzea erabaki zuela.

Kategoriak Sailkatugabeak | Utzi iruzkina

Urriaren 21ean, larunbata, aurtengo azken bisita gidatua

Data: 2017(e)ko urriaren 3a Egilea: elexpuru

Aurtengo azken bisita gidatu alternatiboa: urriak 21, larunbata, 11:00. Xehetasunak.

Kategoriak Sailkatugabeak | Iruzkin 1

Oiartzungo Olazi landetxearen eskaintza solidarioa Iruña-Veleiako auzia argitzearen aldeko mugimenduari

Data: 2017(e)ko urriaren 3a Egilea: elexpuru

Eskaintza polit batekin gatoz Iruña-Veleian bisitan izan direnetzat, eta oro har, auzia argitzearen alde dauden guztientzat. Oiartzungo Olazi landetxeak asteburu eder bat pasatzera gonbidatzen gaitu oso baldintza onetan (prezioa, etxea, kokapena, konpainia…). Ordaintzen dugun dirua SOS Iruña-Veleiarentzat izango da sortzen diren gastuei aurre egin ahal izateko.
Ekimen zoragarria. Milesker Olazitarroi!!!
Eta animatu eta asteburu ona pasa.

Kategoriak Sailkatugabeak | Utzi iruzkina

“Si quieres que alguien parezca sospechoso es fácil lograrlo”, sarrera argigarria Ama Atan

Data: 2017(e)ko irailaren 28a Egilea: elexpuru

Koen Van den Driessche geokimikariak atzera bota du begirada eta une erabakigarrian,  duela hamar urte gertatu ziren gauzetan jarri du fokoa. Hemen irakur dezakegu.

Noiz bukatuko da Eliseo Gilen kalbarioa!

Kategoriak Sailkatugabeak | Utzi iruzkina

Oso interesgarria Elgoibarren egin zen Euskal Herriaren historiari buruzko jardunaldia

Data: 2017(e)ko irailaren 27a Egilea: elexpuru

Zortzi hitzaldi, zortzi, eta hirurogei bat parte hartzaile. Oso interesgarriak izan ziren hitzaldiak, eta goizeko hamarretan hasi eta gaueko bederatzietan bukatu arren, esan daiteke nekerik gabe igaro zitzaigula eguna.

Euskeraren Jatorriaren blogean balorazioa eta goizeko hitzaldien laburpentxoa irakur daiteke.

Kategoriak Sailkatugabeak | 10 iruzkin

Ostegunetako enkarteladekin jarraitzen dugu

Data: 2017(e)ko irailaren 26a Egilea: elexpuru

Udako etena amaiturik, ostegunetan Arabako Diputazio Plazan egiten dugun bilkurekin jarraitzen dugu. Ordua, 20:00. Animatu eta agertu.

Bestalde, notiziarik ez Arabako Audientzia Probintzialetik. Noiz arte jarraitu behar duzue Eliseo Gil torturatzen?

2017-09-14

Kategoriak Sailkatugabeak | 4 iruzkin

Urriaren 1ean hurrengo bisita gidatua

Data: 2017(e)ko irailaren 5a Egilea: elexpuru

Hurrengo bisita: urriak 1, igandea, 11:00. Xehetasunak.

Kategoriak Sailkatugabeak | Utzi iruzkina

Euskal Herriaren historiaz egun osoko jardunaldia irailaren 23an Elgoibarren

Data: 2017(e)ko irailaren 5a Egilea: elexpuru

Aubixa Kultur Elkarteak eta HUN herri unibertsitateak antolatuta, Euskal Herriko historiari buruzko jardunaldi txit interesgarria egingo da Elgoibarko Aubixa baserrian. Azpian programa. Parte hartu nahi duenari whatsappa bidaltzea eskatzen zaio 653474850 zk.ra eta adieraztea bazkaritara geratuko den ala ez (10 euro).

Kategoriak Sailkatugabeak | Utzi iruzkina

Jende asko eta giro ona igandeko bisita gidatuan

Data: 2017(e)ko irailaren 4a Egilea: elexpuru

Bisita gidatu alternatiboekin jarraitzen dugu. Dakizuenez, hilean behin egiten dugu uda-udazken partean bisita “librea” (talde antolatuekin, noiznahi). Igandekoan 24 bisitari izan genituen. Eguraldia zein giroa, ezin hobea.

Hurrengo bisita gidatua urriaren 1ean izango da.

2017-09-03

Kategoriak Sailkatugabeak | Utzi iruzkina

Irailaren 3an hurrengo bisita gidatua

Data: 2017(e)ko abuztuaren 20a Egilea: elexpuru

Iragarria genuen bezala, irailaren 3an izango da hurrengo bisita gidatu alternatiboa. Hemen xehetasunak eta azpian karteltxoa. Saiatu honen berri ematen mesedez. Adibidez, kartelaren kopiak atera daitezke eta leku jakinetan ipini.

Kategoriak Sailkatugabeak | Iruzkin 1