Kategoriaren artxiboa: Sailkatugabeak

60 bat entzule, aretoa ezin hobea, antolaketa oso ona. Entzuleak ez dakit baina ni oso gustura geratu nintzen urtarrilaren 12ko hitzaldiarekin. Ondorengo solasaldia ere bizi-bizia izan zen.  Karlos Uragak egindako erakusketak ere ikusmin handia sortu zuen. Milesker Dobera eta Nabarralde antolatzaileei … Jarraitu irakurtzen →

Ulrike Fritz egiptologo alemaniarrak hitzaldia emango du bihar Stuttgart-en (Alemania) Iruña-Veleiako grafitoez. Txosten baten egilea da Ulrike, eta gainera ponentzia aurkeztu zuen gure azken biltzarrean.  Irakurtzen dugunez, 20 euro izango da sarrera. Eskerrak Miguel Thomsoni informazioagatik.

Hernanin argitaratzen den Urumeako Kronikan Salba dezagun Iruña-Veleia izeneko artikulua argitaratu du Jexux Eizagirre Portillok. Sarrera bat eta  jaitsi daitekeen  31 orriko pdf-a, zeinetan, batez ere, Lakarrak ezinezkotzat jotako URDIN hitzaz diharduen luze eta zabal.

Gaurko Berrian Aginteak du giltza izenburua duen iritzi-artikulua argitaratu du Joan Mari Irigoien idazleak. Bikaina iruditu zaigu.

Eguna eta ordua: urtarrilak 12, osteguna, 19:00 Lekua: Hernani, Biteri, areto nagusia Hitzaldia: Iruña-Veleia, zertan da? Hizlaria: Juan Martin Elexpuru Moderatzailea: Tomas Elortza Antolatzaileak: Dobera, Nabarralde

Gaurko Berriak nire Ostrakak eta ostrukak artikulua argitaratu du. Ostrakak eta ostrukak Kontatuko zeniguke zelan dauden gauzak?, eskatzen digute sarri. Zer esan, betikoak errepikatu gabe. Kontatzeko gogoa eta asperdura, euforia eta etsipena… laino klase guztiak pasatzen dira etengabe gure buru … Jarraitu irakurtzen →

2007ko abenduaren 28a, Inuzente Eguna.  Artean ia urtebete falta da auzia lehertzeko. Gyps ezizenaren azpian mozorrotzen denak idatzi txit graziosoa argitaratu du celtiberia.net blogean. EHUko irakasle Ricardo Gomezek egun berean eman du horren berri bere Filoblogia blogean. Esan genuen urtero … Jarraitu irakurtzen →

Abenduaren 1an Donostian eman nuen hitzaldiaren bideoa sarean dago jada, Ostraka Mundua blogean. Milesker Luisma.

2012an eta 2016an egin diren Nazioarteko Biltzarretan irakurritako txostenak liburu batean argitaratu ditu Euskeraren Jatorriak. Salgai egongo da Durangoko Azokan. Kristautasunari buruzko Jardunaldietako zenbait ponentzia ere irakurri daiteke haren webgunean.

2013ko Euskararen Egunean Alicia Satuek euskarazko grafitoei buruzko hitzaldia eman zuen Mutrikuko Institutuan, klaseak ematen zituen lekuan. Bideoa editatu du eta argitaratu ere bai. Ama Atan aurki dezakegu. Bikaina, benetan. Biziki gomendatua.