Sos Iruña-Veleiaren eta Lorena Lz de Lacalleren agerraldiak Legebiltzarrean

Data: 2010(e)ko azaroaren 17a Egilea: elexpuru

Gaur Sos Iruña-Veleiako bi kidek, Koenraad van den Driessche eta biok, hitz egin dugu Gasteizko Legebiltzarreko Euskara eta Kultura Batzordearen aurrean. Hemen ikus dezakezue Koenen presentazioa, eta hemen, berriz, nirea euskaraz eta erdaraz.
Gure agerraldia bukatu denean Lorena Lz de Lacalle Foru Aldundiko Euskara eta Kultura diputatua mintzatu da. Gauza asko esan ditu eta, nire iritziz, egia gutxi. Haren agerraldiaren bideoa ikusi gabe ez geratzeko gomendatuko nuke, eskegitzen dutenean. Besteak beste esan du Eliseo Gilek eta Cerdánek dirua kobratu zutela Cerdanek egin ez zituen analisi batzuengatik. Gezurra, Eliseok ez baitzuen pezetarik kobratu. Eta esan du ez dagoela analisirik egin beharrik, analisiak eginda daudelako. Baina ez al duzu lehen esan Cerdanek ez zuela analisirik egin? Eta ez omen dago munduan laborategirik inskripzioak datatu ditzakeenik. Gezur borobila, laborategi espezializatuek egunero datatzen baituzte inskripzioak. Ea kontrasteko indusketak egitearen alde dagoen galdetu zaionean, Nuñez ari dela dagoeneko kontraste-indusketa horiek egiten erantzun dute berak eta Otxoa Eribekok. Bideo honetan ikus dezakezue nola ari den.
Sarrera labur bat egin du euskaraz, eta beste guztia erdaraz. Zenbait parlamentarik euskaraz egin diete galderak, baina Lorenak erdara hutsez erantzun die beti.

Kategoria: Sailkatugabeak. Gorde lotura.

3 erantzun Sos Iruña-Veleiaren eta Lorena Lz de Lacalleren agerraldiak Legebiltzarrean-ri

  1. egilea: Iñaki
    11:10 2010(e)ko azaroaren 17a

    Tira ba, Lorena delakoak hanka sartu du: Eliseok ez zuen dirurik jaso froga horiek direla eta. Baina non dago Cerdanek jasotakoa?¿

     

    “Eta ez omen dago munduan laborategirik inskripzioak datatu ditzakeenik. Gezur borobila, laborategi espezializatuek egunero datatzen baituzte inskripzioak” diozu.

    Esango al diguzu zein laborategitan egiten den hori, eta zein inskripziorekin?

    p.d.: zure “txosten linguistikoa” ere gaztelaniaz dago idatzita.

     

    Agur bero bat!

    Erantzun
  2. elexpuru egilea: Juan Martin Elexpuru
    15:53 2010(e)ko azaroaren 17a

    Barkatu, baina ez dizut erantzungo Iñaki Astoreka, Iñaki Arriaga ala Felix Iñaki zaren esaten ez didazun arte. Norekin dihardudan jakitea gustatzen zait. Zuri ez?

    Erantzun
  3. egilea: Peio Intxaurbe Gorostiza
    17:14 2010(e)ko azaroaren 17a

    Arrazoi duzu, Iñaki. Bide batez, SOS-Veleiakoek esaten badigute non dagoen laborategi hori, aurki konponduko da latinistek duten eta jada mende pasatxo dirauen presnestetar fibularen auzia, bertan aise zehaztuko baitute fibulan idatzita ageri den inskripzioak mende t’erdi ala hogeitabost mende dauzkan.

    Erantzun

Utzi erantzuna

Zure e-posta helbidea ez da argitaratuko. Beharrezko eremuak * markatuta daude