Ostiral arratsaldean libre izan nuen. Ez nuen klaserik Gobela Ikastolan, baina joatea erabaki nuen. Jon Arretxe etorri zen Harresi Handirantz liburuaren gainean hitz egitera. Haurrentzat idatzitako liburuak ez ditut irakurrita, baina bere bidaia kronikak “irentsi” nituen garai batean. Diapositibekin egindako saio batzik ikusita nituen: Afrikakoa eta Hego Amerikakoa.
Baina oraingoan Txina inguruan kokatutako istorioa ekarri zuen umeen artera. Arretxek zerbait berezia du umeak adi-adi edukitzeko. Diapositibak eta komentarioak egin ahala, umeek gero eta gehiago irekitzen zuten ahoa. Harrituta, liluratuta, hitzik gabe utzi zituen…
Ordu batean zehar Rama mutikoaren istorioa kontatu zigun, diapositibek lagunduta. Bidaia berezia, amets egiteko bidaia, …
Ostiraleko saioa ikusita, gogoz geratu nintzen irakurtzeko. Umeek zin egin zuten, berriro irakurriko zutela xehetasunei erreparatzeko. Ni ez naiz gutxiago izango eta irakurriko dut!
liburuhau oso polita da. Jajaja xD xD x D