Aretxabaletako gailurrik ezagunena da Kurtzebarri, oraingo kurtzea ipini aurretik Zaraiako gaina zeritzona. Bailarako herri gehienetatik ikusten da, baina Aretxabaleta eta Eskoriatza aldeko ikuspegia da politena. Eguraldi onarekin bailara osoa ikus daiteke tontorretik. Lainoarekin, berriz, ikuspegiek badute magia moduko zerbait. Hemen duzu joan den astean Kurtzebarrin egindako argazki bilduna.
Badira aste batzuk gure mendietako txoko guztiak lilipez beteta ageri direla. Erruz. Ezin konta ahala. Iaz ere lilipa asko izan zen gure bailarako bazterretan. Nartzisoak ematen dute, baina euskaraz lilipa esaten zaie, oro har. Bada “sanjose lora” deitzen dienik, nahiz eta beste batzuek “primula veris” loreari ematen dioten izen hori. Aste pare batean zapuztu egingo […]
Arabako Kanpezu aldean dagoen mendia da Joar (1.414 m). Gure bailaratik aparte samar dago, Baztan, Beriain edo Malloak dauden bezala, baina eguneko mendi buelta bat egiteko moduko distantziara badago, behintzat. Zailtasun handirik ez duen arren, ia 1.000 metroko malda igo beharra dago tontorrera iristeko. Handik, behe lainorik ez dagoenean, Araba, Nafarroa eta Errioxako lautada zabalak […]
Beriain edo San Donato. Batera zein bestera esaten zaio Sakanako mendi lerden eta aldapatsuari. Aspaldiko partez, larunbatean izan ginen Ane eta biok, eta, haizea eta hotza gorabehera, ederki ibili ginen. Hemen duzu Beriaingo mendi bueltako argazki bilduma.
Iazko Urmugak Euskal Herria zeharkatu zuen mendebaldetik ekialdera 19 egunean. Guztira, 19 mendi ibilaldi izan ziren –egunero mendi ibilaldi bat izaten zen, 6-8 ordukoa– eta 12 musika emanaldi. Musika emanaldi horietako batzuk mendian izan ziren eta beste batzuk Urmagaren ibilbidetik gertu. Emanaldi horietan guztietan Et Inkarnatus Orkestra eta Donostiako Orfeoiarekin batera beste hainbat musikari aritu […]
Kulturola. Hori da Arrasateko kultur elkarteek aurki egoitza izango duten eraikinaren izena. eta Kulturola izango da Arrasateko kultur proiektu askoren sorlekua eta tailerra aurrerantzean. Duela 5 urte erabaki zuen Arrasateko Udalak Union Cerrajera de Mondragonen eraikin nagusia eraberritu eta Arrasateko kultur eragileen esku jartzea, zeinek bere proiektuak gara ditzan, aurki hartuko ditu udal euskaltegia eta […]
Aspaldi honetan konturatuta nago kale kantoiak oso fotogenikoak direla, argazkiak egiteko toki aproposak direla. Eta apurka-apurka banabil ikasten zeintzuk diren egokiak nire gustuko argazkiak egiteko. Arrasaten, esaterako, Kilikoloko kantoia gustatzen zait, pasoko tokia izateaz gainera, hormetan graffiti eta pankarta asko izaten ditu eta. Donostiak ere badauzka toki politak, Lakontxako pasealekuaz gainera, jakina. Auzo denetan bilatu […]
Anek izan zuen lehenengo txakurra izan zen Sui. Ez zen arrazako txakurra, ez zuen pedrigririk, bizpahiru txakur arrazaren nahasketa zen eta. Baina oso txakur bizia eta maitagarria zen. Urduria zen oso, eta jolastea gustatzen zitzaion. Etxafleroen pare ibiltzen zen beti, batetik bestera, beti korrika, saltoka. Zer esango dizuet, bada, argazkiok ikusi besterik ez duzue.
Ardia lotsatia da berez, gure mendiotako larreetan bazkatzen diren abereetan lotsati eta izutienak. Ez da samurra haiengana hurbildu eta ikutzea. Aste honetan, ordea, Aloñako maldetan pasieran nabilela, hara non artalde oso bat etorri zitzaidan kuxkuxeatzera, eta ezin gainetik kendu. Behin holako aukera polita edukita, argazkiak egin nizkien. Ea hurrengoan ere halako formal ibiltzen diren. Hemen […]
Joan den abenduaren 13an aurkeztu zuen Oñatiko Artixa Taldeak Ikusezinak. Oñatiko emakumeen lanak liburua eta harekin batera argazki erakusketa zabaldu zuen Oñatiko liburutegiko erakusketa artetoan. Argazkietan oinarritutako proiektua da Ikusezinak. Oñatiko emakumeen lanak liburua, emakumeen lanak balioan jartzea helburu duena. XX. mendeko 60-70eko hamarkadetako 150 bat argazki batzen ditu, eta bakoitzaren inguruko azalpen labur batekin […]