Etiketaren artxiboa: betiko-rutina

The CGT

Utzi erantzuna

CGT edo ta “Cine Geek Trilogy” izena du Ikastetxe Nagusian aurrera atera nahi dudan azken ekitaldia; bertan 3 film geek jarriko ditut; astearte gauetan afaldu ondoren.
Baina zer gertatu zait? Lehenik eta behin Microsiervos.com eko Geek Film zerrenda hartu nuen, baten batzuk apuntatu eta ondoren Bideo-Klubera joatea erabaki nuen jakiteko ea zeintzuk zituzten; horrela Pi filma ez zutela ikusi nuen, bat zerrendatik erortzen zen; beranduago beste bat eta amaitzeko film gutxikin bukatu dut esku artean.
Lehenengo pausua pasa ondoren zuzendariarekin hitz egitea jakiteko ea zein film ikus daitezkeen, nire proposamenak; Minority Report(2002), Final Fantasy eta Dark City… orain berak dio informazioa bilatu behar duela ikusteko ea nolako filmak diren, dirudienez Minority Report ez da oso gomendagarria… baina zer nolako tentelkeriak dira hauek; horrela gauzak aurrera ateratzea oso zaila da.
Niri behintzat horrelako gauzak antolatzea gustatzen zaizkit, baina trabak jarriz gero, geroz eta gutxiago gustatzen zait, uste dut azkenetariko Trilogya izango dela.

Bukatu?

Utzi erantzuna

Azterketak “bukatu”ko ditut gaur. Askos jada bukatu dituzte, baina lasaitasuna etorriko da orain, nahiz eta nota guztiak ez jakin bdakit nola egin ditudan azterketak. Batzuk ondo eraman ditut baina irakasleak nahiko zailak jarri dituzte, beste batzuk aldiz ez ditut hain ongi eraman eta legezko emaitzak izango ditut. Berriro ere uda ikasi eta ikasi. Behintzat gogoko ditudan ikasgaiak izango dira.
Esaten dutenez hurrengo ostegunean jai itzela izango da Bilbon. Stop.

Errealarekin triste

2 erantzun

Oso triste nago Errealarekin. Ez dut uste bakarra izatea. Gaur ere partida galdu egin du. Gaurkoan azkenekoaren aurka, Alavesen aurka. Gaurkoan ere, ez dut furbolean jolastu. Ez dut uste fitxaje askorik egin behar denik, azkenaldian ari den moduan, ez dut uste hori denik bidea, baina argi dago zenbait jokalarik ez duela lekua gaur egungo Errealean. Ene iritziz, Lopez Rekartek ez luke jokatu beharko, ezta Barkerok ezta Novok ere. Hala ere, oraindik Xabi Prieto edo ta Nihat bezalako jokalarik ditugu. Nik ez dut uste kulpa guztia Amorrortu jaunak duenik, errealzale askok dioen moduan, orain zerbait lortuko genuke entrenatzailea kanporatuz? Ez dut uste, diru dexente galduko zuen Errealak, hori bai argi dago datorren urterako aldaketa dexente egin behar direla, baina jokalarien artean eta baita entrenatzaileen artean. Transizio garaia? Eutsi Fuentes.

Azkertketak ahotsa offen

Utzi erantzuna

Orain azterketa daukat, orain diot 11,30tan azterketa egiten hasi behar dudalako.Orain unibertsitatera joango naiz, baina lasaitasuna bilatzeko asmoz post bat idaztea bururatu zait.
Argazki kamera eramango dut, denboraz nabil bidetik zenbait argazki ateratzeko.Ez dut orain dit blogean esan baina ideia bat daukat, beno argazki horiekin proiektutxo bat egin nahi dut, gaur kolorezko argazkiak aterako ditut.Proiektua ez da argazki book bat izango lasai… argazkiak loturik film labur bat egin nahi dut.Oraindik ez dut musikarik aukeratu eta Offeko ahotsa jarriko dion norbait behar dut, baita testua idaztea ere, baina gaur Koloreko argazkiak atera eta azterketa egingo dut.
Delphiko azterketa, biharkoa ez bezala hau idatzizkoa da, zailagoa iruditzen zait, biharkoa ordenagailu aurrean, C eta C++; idatzizkoa zailagoa iruditzen zait baina Delphi C eta C++ baina errazagoa iruditzen zait.Gaurkoa errazagoa iruditzen zait biharkoa baino, gaurkoa 11,30tan daukat biharkoa 8,30; lehenik gaurkoa egon beharko biharkoa egiteko.
(Orain asperen egiten dut eta lasaigo nagoela diot)

Errealarekin porra eginez

Utzi erantzuna

Azken aldian jakina da errealarekin ez gaudela oso pozik baina badago erreala.com izeneko komunitate bat; bertan erreal zale dexente biltzen gara eta badute bertan joku interesgarri bat: porra.
Horrexegatik orain bigarren buelta hasten dela, eta guztiok berdintasunez jokatzeko honen berri eman, ea nork irabazten duen bigarren itzulian.
Gustatuko litzaidake bai, irabazlea berdina izatea, zergatik ote.

Tres Colores

2 erantzun

img_ene_17_2006_03_41

TRES COLORES. Beste egunean “zuria” ikusi genuen eta egia esateko Ikastetxe Nagusian ez zuten oso gogoko izan; baina nik bai.
Asko gustatu zitzaidan filma, nahiko geldoa da baina kamerak oso ongi daude, musika ere nahiko egokia da eta historioa zergatik ez nahiko errealista izan daiteke nahiz eta nahiko tristea izan.
Ez dakit hurrengoak Ikastetxe Nagusian ikusteko aukera izango dugun, baina nik behintzat gomendatzen dizuet, nik ez nuen filma ezagutzen baina dirudienez nahiko ezaguna da.

Beherapenak eta Corte Ingles

Utzi erantzuna

Atzo erosketak egitera joan ginen Ikastetxe Nagusian gauden lagun batzuk, beherapenak direla medio. Hasiera batean, batek bakarrik zeraman oinetako batzuk erosteko asmoa, lehenagotik ikusi baitzituen eta orain %40 beherapenarekin zeuden, aukera paregabea.

Berandugo, El Corte Inglésera joatea erabaki genuen, nik banekien ba 3x2eko oferta zegoela musika CDetan, eta %35 beherapena DVDetan; esan beharra dago, bertara hurbildu ginenak nahiko musika nahiz zine zaleak gerala.
Argi dago azkenean hiruak erori ginela kontsumismoan, baina nik bilatzen nituen CDak ziren, eta Mementoren DVDa nahiko prezio egokian zegoen.
Gauzak horrela, nik gauz guzti hauekin amaitu nuen esku artean:

Memento DVD
RIP DVD+CD
Gose CD
Cycle CD Gainera azken hau 2CD ekartzen zituen “edición limitada” berezi bat baita

La Mongie

5 erantzun

img_ene_01_2006_06_46

Bihar La Mongiera joango naiz familiarekin egun batzuk elurretan pasatzeko. Aukera bikaina urtea hasteko eta kirol pixka bat egiteko. Egia da, La Mongie ez dugula Baqueira Beret bezalako tokia, baina La Mongie nahiko handia da, eta bertan dauden pistak aski dira egun batzuk elurretan pasatzeko.
Bestalde, La Mongie nahiko gertu gelditzen zaigu kotxez joateko Baqueira Beretekin konparatuz; gogoko dugu La Mongie ez da jendez lepo beteta egoten, gauean ez da soinu askorik egoten, nahi duenak lasai lo egin dezake hurrengo egunean bizkor esnatzeko eta pistetan goiz goizetik egoteko.
Nik behintzat hizkuntzarekin arazorik ez baduzue, La Mongie gomedatzen dizuet.

2005++ Ongi Etorri

Utzi erantzuna

Bai orain 2005 badoa eta 2005++ badator. Badirudi analisia egiteko garaia iritsi dela, blogari askotxok jarri dute zer egin duten edo ta zer egingo duten 2005++ ean. Akaso zerbaitetarako balio du honek?
Nik egin nahi nituen gauzak eta betetzen saiatuko naizen gauzak transkibatuko ditut.

2005:
(·) “Tipiko Error” taldea azken batean amets batean geratu da, bakoitza bere kurtsoan sartuta dabil, gero eta gutxiago elkar ikusten dugu, eta horrela benetako proiektuak aurrera ateratzea nahiko zail dago. Agian amets handiegi bat sortu nuen … hala ere, ziur Euskalera joateko aukera izango dugula.
(·) “C/C++” ez diot nahi izan dudan denbora guztia sartu; eta orain horrela nabil nahiko galduta. Demo bat egitea, odiseatzat hartuta, baina beti ere ilusioa galdu gabe eta informazioa topatzerakoan; beti gordeaz.
(·) “Ikasketak” Ez dut nahi nituen ordu guztiak sartu.
(·) “Lagunak” Denbora aurkitu izan dut, gogoko ez ditudan giroetara egokitzea lortu dut, elkarrizketaren benetako garrantzia aurkituz. Komunikazioan dago guztia.
(·) “Kontzertu Asko”tara joateko aukera izan dut, horrela nahi gabe ezagutu nuen Lobo Electrico.
(·) “Blog finko” bat egitea lortu dut, interneten bueltarik eman gabe, mila lagunen zerbitzaritan.

2006:
(·)”Ikasketak” Serioago hartu, behar den denbora sartuz eta behar den moduan
(·)”Kontzertuak” 2005ekoak bezalakoak badira pozik, mila sala, milaka talde eta jende-lagun berri ezagutuz.
(·)”Kirola” gehiago praktikatu osasuntsua baita, bai futbol-partidak, mendira irteerak, igeriketa edo ta bizikletan irteerak.
(·)”Informatika” Flash, C/C++, Delphi, GLScene, SDL eta GP32 mundutik zerbait ikasi eta ahal izanez gero, GP32erako jokutxoren bat atera.
(·)”Kamixetak” Azkenean baten bat diseinatu eta egitea lortu.
Beheko irudian garai batean “Tipiko Error” taldearentzat eginiko diseinu bat zen.
Free Image Hosting at www.ImageShack.us