Osteguna.22:00-23:00 bitarte Bilboko taberna batera joan ginen, non “The Who” gaua ospatzen zen, kontuan izanda “Quadrophenia” filma ikusi berri genuela joan beharra zegoen.
Emaitza? Oso jende gutxi baina taberna berezia, guztira 20 bat pertsona, gure ustez zeudenak beti taberna hartan egoten ziren guztiak ezagutzen ziren, gu kenduta noski; gu ginen berriak. Hala ere, nahiko ongi pasa genuen, solasteko eta zerbeza bat hartzeko astiarekin.
Quadrophenia Duela hilabete batzuk ikusi nuen film hau, eta atzo berriro ikusi nuen; lagun batek eskatu baitzidan ea DiVX nuen filma utz niezaiokeen; nik baietz.
Garai batean zeuden mod’s eta rocker’si buruz hitz egiten du filmak. Bakoitza bere arropekin, bakoitza bere motoekin, bakoitza bere musikarekin. Rocker’sei buruzko musika askorik ez da azaltzen, ezer ez esate arren, horrela “The Who” taldearen zenbait abesti entzun ditzazkegu.
Amaitzeko esan, zenbait momentutan “La Naranja mecánica” filma oroitarazi ninduela, ziurrenik bi filmeetan gurasoengandik paso egiten duten gazteak azaltzen direlako, pertsonalitate gogorrak etxean bizitzeko etab.
Egia esateko ez duzu beste munduko filmik aurkituko, baino batzuen ustean “Cine de Culto” delakoan sar genezake “Quadropehia” bakoitzak atera ditzala bere ondorioak.
IMDB(Quadropehia)
Atzo El Calentito film espainiarra ikusi nuen. Berez nahiko laburra egin zitzaidan filma baina nahiko ongi dagoela iruditzen zait, garai haietako giroa oso ongi azaltzen baitu; egia da nik ez nuela “movida” hori bizi baina honi buruz dexente irakurri eta entzun dut.
Filman zehar Paralisis Permanente taldearen zenbait abesti entzuteko aukera izango dugu; “movida”ko ikono bat delarik, oso gustoko dut talde hau, bai letrengatik eta bai beraien janzkerarengatik.
Filmeko janzkera ere nahiko ongi dago; nabari da gustoko dudala ez? Pena da gaur egun horrelako neska askorik ez egotea, baina behin eta berriz nire buruari esandakoari kasu egin beharko diot, guztia ez da pertsonak saltzen duen itxura edo ta janzkera, baizik eta bere barruan daramana.
Norbaitekin geratzekotan, ilehoridunarekin geratuko nintzateke, bai pertsonalitatearengatik, ia beti alai esan beharrekoak esanez, eta baita itxurarengatik.
IMDB(ElCalentito)
NetLach Ez dakit joateko aukera izango dudan; baina behintzat jendea entera dadila eta ahal duenak behintzat ez izatea jakin ez duelako.
Zuk aukera galduko duzu?
BTX!en kontzertua Bilbon oso ona izan zen. Bere forumean irakurtzea besterik ez dago, Brutal!!!. SOAD taldearen “Spyders” gogoratzen dut, beste bertsioren bat ere ikutu zuten baina ez dakit zein talderena.
Inoiz ez dut ikusi Kafe Antzokiahainbeste jenderekin, nire ustez gehiegi. Ondo egon zen, baina ez zegoen leku askorik; Kontzertuak gutxi-gora-behera 2 ordutako iraupena izan zuelarik.
Kontzertua amaitzean Alde Zaharrerantz joan ginen, Iturribiderantz, betiko tabernak, betiko giroa; baina 2:00AM tarako tabernak ixten; posible ahal da hori? Bilbo aldatzen ari da. Beranduago, bilbiruntz zuzendu ginen, nahiko ongi izan ginen hantxe, futbolin eta guzti; oraindik ez dakit zergatik atera ginen Antzokirantz joateko, han giro ona zegoela.
Antzoki eta DaVinci artean amaitu genuen, jende gehiegi. Antzokia ez da lehen zena. DaVinci hende gehiegi. Drogak non nahhi, eta istiluak aurkitzeko aukera.
Hurrengo batean, ea Comic’sera joateko aukera dudan. Jendeak nahiko ongi hitz egin dit eta taberna honi buruz, eta dirudienez berandu arte irekita egoten omen da.
Berri Txarrak Bilboko Kafe Antzokian izango dugu. Ostiral honetan, ez dakit sarrera askorik geldituko den, baina Bilbon Power Records eta Kafe Antzokiko lehiatiletan lor daitezke, aurten Urretxindorrak ez ditu Antzokirako sarrerak saltzen; pena lehen beti hor erosten bainituen; baina Antzokia ez da hain urrun geratzen Indautxutik.
Nahiz eta azken diska oraindik ez dudan gogoz entzun, nahiko ongi dagoela iruditzen zait, ea nolako zuzenekoa egiten duten BTX taldekoek; Nirvanako bertsioa joko al dute? Zenbateko iraupena izango du kontzertuak? Argi dago, jaia egongo dela eta lepoz bete egongo dela Antzokia.
Berria! Sarrerak amaitu dira, bai Kafe Antzokian nahiz Power Recordsen.
Hasi da berriro ere Unibertsitatea, Kurtsoa, Akademiak, Kontzertuak eta Ikastetxe Nagusian bizitzea; asteburuetan herrira itzuli lagunak ikusi eta afariren bat edo egin; rutina.
Informatikako bigarren mailan, oraingoz behintzat irakasgaiak askoz politagoak dira, “E.A.I, Laboratoria de la Informática, M.P, …” behingoz informatikan sakonago sartzen gara; azkenean C/C++ lenguaia ikasiko dugu, nahiz eta bien arteko nahastea egin; nahiago nuke C hutsa ematea eta ondoren C++ baina beno nire aldetik tinko emago diot Cari.
Fisika eta Algebra bezalako irakasgaiak lekutan geratzen dira; hala ere, Estatistikan hauen beharra izango dugu, eta integralak ere berriro ikutu beharko ditut ;( Baina oraingoz irakasgai hobeak eta baita irakasleak ere.
Ikastetxe Nagusiari dagokionez, zenbait “zahar” gelditu gara, beste batzuk kanporatuak izan ziren, eta beste batzuk aldiz ez zuten jarraitu nahi izan eta pisuetan amaitu dute. Noski jende berria ere iritsi egin da, orokorrean euskaldun gutxi baina “Euskal Mahaia” aurrera ateratzeko jende kopurua bagara oraindik, eta nahiko majuak dirudi iritsitakoak. Denborarekin hobe elkar ezagutuko dugu. Blogariak, Rugbyan, edota Break Dance egiten dutenak ditugu; baten batek bloga eta guzti duelarik.
Besterik gabe, gaur berriro ere Bilboruntz hartuko dut autobusa, eta urte honetan ezinezkoa daukat 14:00tako busa hartzea herrira etortzeko, 17;30etako hartu behar, baina beno hala ere, ostiraletan zerbait egiteko denbora daukat.
Beti pentsatu izan dut Flickr! zela argazkiak plazaratzeko zerbitzutik onena. Egia esateko, ederra da honen atzean dagoen lana, Ajax teknologia, “tag” bidez argazkiak sailkatuak izateko aukera -nahiz eta erabiltzaile dexentek “tag”ik ez erabili, ezta jakin ere zer diren- eta nahiko erraza erabiltzeko orduan. Baita ere, milaka aplikazio sortu izan dira Flickr!en inguruan internetzaleok sorturikoak noski; baina orduan zergatik utzi dut Flickr?
Lehenik eta behin, dohaineko kupoa bete dudalako, 200 argazki igo daitezke gehienez, Flickr! Pro kontua izanez gero, posiblea da argazki gehiago izatea, baina ordaindu beharra dago, prezioa ez da garestia baina zergatik ordaindu? Interneten nire arazoa izan duten beste zenbait pertsona ezagutu ditut, eta horrela Shutterbookekin topo egin nuen.Orain Beta fasean dago, eta dohainik Premium kontua lortzeko aukera izango duzue -20.000 argazki igotzeko aukera- ene ustez, pena merezi du bertan kontua egitea, bestalde Flickr!ek ez dituen beste ezaugarri batzuk ditu.
Orain zuk aukeratu Flirck! edo ShutterBook, nik behintzat argi daukat zein datorkidan hobe.
Jende askok Donostiako Zinemaldia izango dugu buruan, jende askok filmak ikusiko ditu eta jende askok Obaba filmarekin aunitz ongi pasako du.
Nik aldiz, beste film berezi baten berri emango dizuet,Live Freaky! Die Freaky! uste dut film hau ikusiko dudala, ez dakit noiz ezta norekin ere, baina ikusi beharreko filmeen zerrendan leku hartu du.
Hondarribiako jaiak amaitu dira, zenbait egunetan parte hartzeko aukera izan dut; hasi zirenean azterketetan sartuta bainengoen, buru belarri. Azterketak amaitu ondoren gogo gehiagorekin hartzen dira jaiak, eta horrela 9 eta 10eko egunak aprobetxatu nituen.
9an kontzertu gaua zegoen, Kalite+Atom Rhumba taldeekin. Azkenean bertan behera gelditu zen kontzertua euria dela eta, hala ere, azken momentu arte hor egon ziren musika ukitzeko asmoz, baina segurtasuna zela medio ezinezkoa izan zuten jotzea.
10an berriz, Herri Bazkari Popularra. Sarrerak lortzea zail egon bazen ere, azkenean zenbait sarrera lortu genituen eta benetan pena merezi izan zuen. Bazkaria baino lehenagoko poteo eta guzti. Eguraldia ere, ez zen oso fin ibili larunbatean 17:00 inguruan euria hasi zen eta, baina hala ere, tabernaz taberna ibiltzeko aukera izan genuen. Gau inguruan, herriko talde baten Surfing Rock kontzertua, eta beranduago eszena toki nagusian Mal de Ojo eta Kaotiko; Rock and rolla berriro ere ;).
Hortik aurrera gauzak okertu ziren, Dj-ak udako abestiak jarriz, eta lagun batek esan zidanaren arabera, zenbait “Latin King”ek borrokak sortarazi zituzten berain artean. Azkenean hara Ertzaintza etorri zela ikusi nuen, horrela lagunekin festa beste toki batzuetan egitea erabaki genuen, han ez baitzegoen gauza txantxetarako.
Eta atzo “Kontxa” Hondarribira, egia da pena dagoela Pedreñari gertatutakoarengatik, baina baita zoriona ere Hondarribiak lortutako garaipenarengatik.