Nork esango zidan Bilbon hainbeste urte egongo nintzela? Gauza askotxo pasa ditut Bilbon; hiri honek jasan duen metaformosia bizitzen ari naiz. Iritsi nintzenean itsusi eta zikin xamar zegoen, egia da, ez zegoela 80ko hamarkadan bezala, “Bilbo-Punkie”a jada hilik zegoen edo azkenekoetan behintzat.
Entzunak ditut milaka istorio Aste Nagusia dela eta, uholdeak etab; baina horrelakorik ez dut bizi izan, nahiz eta urteren batean elurra izan dugu esaterako Deustuko Unibertsitatean eta Bilboko kaleetan. Metro gaztearekin ibili izan naiz, gaur egun Bilbon betidanik izan den baliabidea pentsatu arren, tranbiaren jaiotza ere bizi izan dut, metroaren anaia txikia; eta Abandoibarra nola aldatzen ari den, Deustuko Unibertsitatekoek jada beraien liburutegi berria ireki dute eta Iberdrolakoek Euskadiko eraikinik altuenarekin dabiltza.
Argi dago Bilbo bizirik dagoela. ¿Baina benetan hau ahal da gazteok nahi dugun Bilbo? …
Bueno…metamorfosia beharrezkoa izan da dirua ekartzeko. Orain bigarren metamorfosia egin behar da, eskaintza kultural handiagoarekin agian…