Baietz, baietz! Arriagan dantza egin daitekela, abestu egin daitekela eta argazkiak ere atera daitezkeela!!!!
-
- Asier Etxeandia, bere umetako logelan
-
- Bere amari abesten
-
- Bateriari tiraka!
-
- Showaren une baten
-
- Koristekin dantzan
Zoragarria, entusiasta, emozioz beterikoa, indartsua, kutsakorra, baikortasun txute ezinbestekoa… segi nezake, baina onena, aukera baduzue behintzat, zuek zeuek ikustera joatea litzateke. Asier Etxeandiak egiten duen lana El Interprete ikuskizunean, antzerki musikatuan, kabaretean, showan, mundiala iruditu zait. Eta Arriagara bildu ginenon komunioa totala! Gazte, zahar zein erdian kokatzen garen guztiok, kasu egin genion bere hirira bueltan zen artistari. Tipo horrek, bere –nik zer dakit, 2 metro?– duen indarra eta jartzen dion gogoa hain da handia. Loquillo hainbeste mugituko balitz, ziur txakea askoz ere lehenago kenduko lukeela bere kontzertuetan! Asierrenak, baina, gehiago du Moulin Rouge filmeko show koloretsu hartatik. Bere umetako mamuei abesten badie ere, bitxo arraro izatea handia dela azaltzen tematzen da eta lortzen du publikoa identifikatzea –berarentzat umetako lagun ikustezinak– ume gizajo ameslari harekin. Eta, egiten duen kanta errepasoa? Hori bai dela #cachitosdehierroyplomo. Bere aitaren eta amaren eta aititen gustuko abestiez gainera, berak umetan entzuten zituenak eta nerabezaroan markatu zutenak… Eta, dantzarakoak ere bai. Ze, Arriagan zutik, dantzan eta kantuan jarri gintuen interpreteak. Eta zela gainera!
La2 telebista kateko Torres y Reyes saioan ikusi nuen orain dela hilabete bat-edo, eta inpaktatu egin ninduen tipoaren indarrak.
Barikuan bertan ikusi nuen Bilbora zetorrela eta internetez erosi genituen besaulki-patioan geratzen ziren azkeneko bi sarrerak! Merezi izan zuen. Bilbotik, baina, gertuko beste hainbat eskenatokitara eramango du Asier Etxeandiak eta Factoría Madre Constriktor konpainian “El Intérprete” lana: Elorriora (urtarrilaren 17an), Leioara (otsailaren 7an), Durangora (otsailaren 8an), Gasteizera (otsailaren 20an), Iruñeara (otsailaren 21ean), Eibarrera (martxoaren 13 eta 14an), Andoainera (martxoaren 28an) eta Arrasatera (martxoaren 29an).
Sorpresaz beteriko ikuskizuna da, ezberdina eta sekulako giro ona eragiten duena.
Ohar 2 amaitzeko:
1) “Tu te me dejar querer” abestiaren koreografia ikastea ondo dator, gehiago gozatzeko zuzenekoan.
2) Eraman smartphona argazkiak, bideoak eta komentarioak zuzeneak sareratzeko. Baietz, Arriagan ere egin genuen!
