Hauxe duk hauxe

Espaloia, 2007-06-8

Larrialdietarako irteeratik atera ginen bariku
goizaldean Elgetako Espaloitik. Lehenago egiterik ere izan genuen, baina
azkeneko ordurarte itxaron genuen… Hark esaten zuen moduan, “beti aritzen gara
zerbait gehiagoren bila”. Eta, Espaloitik hango lagunen Elgetako txoko batera
joan ginen. Intxaurrak, urrak eta oliba gaziak atera zizkiguten. Handik
aurrerakoak, Pettiren karta jokoak eta Gaizkaren lehengusinaren lagunaren
kontuak, gogoan izango ditugu.

Larrialdietarako irteeraren bila ez nintzen
aritu, baina biharamonean harekin gogoratu nintzen; batez ere nire gorputzaren
erantzun gaitasun ezaz ohartu nintzenean. Hala ere, aitortu behar dut Txuma
Murugarrenek “Larrialdietarako irteera” oparituko zidala esan zidan arren,
goizalderarte ez ginela liburu bila joan eta harrezkero, gainera, Espaloiko
larrialdietarako irteeratik pasata ginen guztiok. Beraz, ez zegoen atzera
egiterik! Jada berandu zen, edo goizegi, bestelako hauturik egiteko. Alkoholaren
lurrinek aspaldi hartu gintuzten eta aitzakiarik ez zegoen.

Beraz, Txuma bere autoan lagata –Sopuertara
joan behar zela aitortu zidanean, flipatu egin nuen; non dago hori?– txokora
bueltatu nintzen; gure ganberroen hirukoa, bikote bilakatua zen ordurako.
Baina, horra iritsi bitartean, eta zintzoa izate aldera, eta Maiteri zer
irakurria emateko, Espaloian Hauxe ikusi genuela kontatuko dizuet.

Txuma Murugarren, Rafa Rueda eta Pettiren
Hauxe diskoa Durangoko Azokan erosi nion Ubaneri. Lauaxetaren omenezko lanari esker
ezagutu nituen hirurak eta harrezkero, euren lanen bat edo beste eskuratu dut
kotxean egiten ditudan kilometro mordoa alaitze aldera. Kontzertua Elgetako
Espaloian eman zuten; alai zeuden hirurak eta tarteka, gitarrak afinatzeko
aitzakiarekin, txiste eta komentario “sinpatikoak” egiten aritu ziren hirurak.
Gu, bitartean, Mireia eta biok, lehenengo lerroan eserita, gustura, barreka,
hizketan, abesten… Maitek esan zigunez larregi entzuten zitzaigun, baina
marijaia bi elkarren ondoan eseritzearen ondorio, Maite!

Kontzertuko abestien ordena gogoratzeko
zailtasunak ditudala aitortu beharra daukat. Hala ere, eta oker ez
banago, Txuma Murugarrenek ekin ziola uste dut; “lokal horretan, ez dakit nor
zaren, etzaitut ezautzen” abestuz. Neuk ere ez nuen ezagutzen, baina ezagutu
nuen. Berriketan aritu ginen kontzertu ostean, bizitzaz, bakoitzaren gogonahiaz
eta asmoetaz, aukeretaz, bere aitaz eta nireaz. Pozten naiz ezagutu izanaz,
Txuma; zintzo diotsut eta goizaldean agindutako moduan, liburua irakurri ostean
“dedikatoria” eskatzeko geratuko gara.

Txumak ekin zion zuzenekoari eta ondotik bina
abesti jo zituzten Rafa Ruedak eta Pettik. Hauxek kanta gutxi dituenez,
euretako bakoitzaren kanta banakin jarraitu zuten, Espaloian sortu zen etxeko
giroa berotze aldera. Jende askorik ez ginen elkartu eta etxean moduan ginen
guztiok. Atera kontuak: sarrera kobratzen alkatea eta alkarte-ordea aritu
ziren! Elgeta, is diferent, esango luke nonork, baina zin dagizuet, badela. Han
haizeak beste modu baten jotzen du; edo niri eragin egiten dit behintzat.

Gau ederra izan zen, niretzako. Oso gustura
izan nintzen eta lagun berriak egiteko aukera izan nuen. “gernikatik etorri
zara gu ikustera?” galderari ere erantzun nion, baina Elgetako fan kluba
aspaldi eratu zen: Ehungarrenean hamaika estreinatu zenean, alegia. Hortaz, zer
da ba Gernikatik Elgetara joatea gustuko artista koadrila entzun eta haiekin
gozatzeko? A, ta, anfitrioiei ere besarkada bat. Eta, gorantzia Ekain eta Rafa Acevesi eta honen buruarekin sinbiosian bizi den txanoari.

Pettiren karta jokoa

Aukeratu karta bat; hauxe! Ondo da, orain
sartu ezazu seigarrenaren eta zazpigarrenaren artean, baina ez kontatu kartak.
Hau al zen zuren karta? Ez, baina zergatik dago nik aukeratutako karta
birritan?

Eta, holaxe zen, ezpatazko jota bi zeuden
Pettiren eskuarteko karta sortan. Hauxe bai, hauxe karta jokoa! Bai, horixe!
Txalo, txalo…

Txumaren amonaren ohitura zaharrak

Gure amona zenak bazeukan ohitura bitxi bat
bere biloba mutilezkoekin; gantzontziloetako gomak mozten zizkigun eta
xingolakin lotzeko egokitu. Nola baina, zertarako? Erosoagoa izan zedin gantzontziloa
gerri bueltan, era horretara norberaren gerri bueltaren arabera lotzeko edo
askatzeko xingola; beti ere eroso.

Rafa eta Fernando

Nik ez nekien, baina Iban gogoratu zen: Marijo
bazenekien Rafa Fernando Saundersekin egon zela Madrilen jotzen? Zuk ere
ezagutzen duzu Fernando, ala? Bueno, esto, bai: behin elkarrizketa egin genion
Asteleheneko Goienkarirako. Hori baino gehiago, Marijotaz maitemindu zen
Fernando. Baina, zu ere maitemindu zinen, bestela ezingo dut kontatu gogoratu
dudana. Ez, lasai, kontatu, ez zen hain sakona izan. (Amona ez dudanetik nire burua gehiego maite dudala sinesten hasia nago).

Blogariak

Baina zuk ere bloga duzu? Berrian? Ez, nik
Goienaneten. Ba irakurriko zaitu, bai horixe! Hortaz, ordu txikietan esandakoak
gogora ekartze aldera eta nire burmuineko putzuak sakonegiak direnez, ia nork
ekiten dion kronika osatzeari.

Kategoria: Sailkatugabeak Etiketak , , , . Gorde lotura.

3 erantzun Hauxe duk hauxe-ri

  1. egilea: Etiam

    Bien, bien, bien… Goizeko ordu txikiak arte segi zenuten, e? Inbidixa apur bat ematen diazu Marijo, bai horixe!! Horrelako kontzertu eder baten ostian neri ere, kriston gorputz parranderoa jartzen jata.

    Ze gozatu hartu genduan, oraingoan ere, Espaloian! Ez naiz luzatuko Ekaitz bajista zeinen perfektua bintxatzen jatan esaten, Pettik barruak zelan aztoratzen dizkidan kontatzen, batzutan Rafaren Jainko hila faltan botatzen dudala onartzen edo eta Txumak, ai Txumaren gauak nola mozkortzen nauen aitortzen.

    Seguru hurrengoan ere Espaloia dan paraiso txiki hortan ikusiko degula elar. Paraisoa entzuleontzak eta ikusten dudanez baita artistentzat ere. Ordura arte, opari txiki bat: Aitorrek bideo batzuk grabatu zitxuan nere mobilakin eta google-era igo ditut. Kalitate eskasekoak dira baina baina seguru balio dutela momenturen bat berriz gogora ekartzeko.

    http://video.google.es/videoplay?docid=6848532859567472250
    http://video.google.es/videoplay?docid=-893384865306073148
    http://video.google.es/videoplay?docid=-4016488114134612381

  2. egilea: Iban Arantzabal

    Txuma fenomeno egon zen. Ahots berezi hori, letra onak, giroa berotzen hasi zen. Kanta eta kanta artean ere ondo, eta eskertzen da ze denak ez dira ondo aritzekoak azalpenetan. Izigarria. Oso ondo, Txuma.

    Rafa klasiko bat da neretako. Ni gero eta poperoago izatearen kulpa handia du Rafak. Izugarri gustatzen zaizkit dituen diskoak eta egiten duen lana jarraitzen dut. Zuzeneakoetan ondo. Oso ondo, Rafa.

    Petti ostera… Pettik bikain bat merezi du. Kanta batean beheko ahotsetik, hurrengoan goitik erregistro zabala duela erakusten. Gitarran fenomeno bat, fenomenoa erritmoan eta punteoetan ere bai. Ez da ona diskoetan bakarrik, hazi egiten da zuzenekoetan. Benetako animalia! Oso ondo, Petti.

    Eskerrik asko Hiruroi eta zelan ez Ekain (bateria), Ekaitz (gitarra apala), Rafa Acebes (teklak), Pello (soinua) eta Gorkari (argiak). Bakoitza berean oso ondo.

    Hurrengo eguna destinu petrala! Hori bai, bariku gaua ederra. Biba!

  3. egilea: gurpil

    Putzu sakonak izateko memoriarekin ez zabiltza bat ere txarto. Besarkada handi bat majisima.

Utzi erantzuna Etiam(r)i Utzi erantzuna

Zure e-posta helbidea ez da argitaratuko. Beharrezko eremuak * markatuta daude