Blogerako beste sarrera bat prestatzen nengoela Goinea.net atarian irakurri dut Arrasateko Euskalgintzak ordenagailuak euskaraz erabiltzeko kanpaina martxan jarri duela. Hasiera baten titularra irakurrita ondo iruditu zait. Baina albiste osoa irakurri dudanean sutu egin naitz eta idazten nengoen beste sarrrera alboratu dut hau idazteko.
Librezalekoek Firefox nabigatzailea Euskaraz, Thunderbirdekin ePosta kudeatzailea euskaraz
Euskaraz, Mozilla Suitea Euskaraz eta Firefox eta Thundebird Gehigarriak Euskarz proiektuetan murgilduta dabiltza. EuskaGNUkoak berriz “Gnome Euskaraz”: eta KDE euskaraz mahaigain inguruneak, OpenOffice.org eta blog hau egiteko oso baliagarria dudan Ingeles-Euskara informatika hiztegi terminologikoa web bidez eta PDF formatuan kontsulta daitekeena.
Zergatik ematen zaio debaldeko publizitatea Windows sistema eragileari? Komisiorik jasotzen du Arrasateko Euskalgintzak Micro$oft-eko produktuak zabaltzearren? Ziur nago ezetz! Orduan zergatik zabaltzen dituzte? Zergatik ez dute software librearen aldeko apustua egiten? Badaude euskal herrian software librea euskaratzen burubelarri diarduten komunitateak (EuskalGNU eta Librezale adibidez). Zergatik ez da komunitate hauen lana zabaltzen. Lokalizatutako proiektua
Eta Micro$oft-en sistema eragilea ez dugunok erabiltzen? Ezin dugu gure ordenagailua euskaratu? Nik orain dela pare bat urte euskaratu nuen ordenagailua. Ez nuen partxeren beharrik izan. Windows virusa nire disko gogorretik ezabatu nuen eta GUZTIZ EUSKARATUTAKO Mandrake Linux (orain Mandriva dena) bat instalatu nuen. Orain Metabolik Bilboko Hacker Laborategiak garatutako X-evian Live-CDarekin nabil, baina Ubuntura pasatuko naiz. Hau ere euskaraz dago. Probatzerik nahi? Ubuntu CDak soberan ditut eta probatzea nahi izan ezkero emango dizut bat.
Microsoft-ez gain besterik ez?
Aupa lagunok,
Berri honen inguruan jartzen ari zareten ia guztiarekin bat natorrela esateko idazten dut, euskalgintzaren kanpaina sustatu duenetako bat izanda, nire ardura dudala aitortzetik abiatuko naiz, beraz.
Euskalgintzaren helburuetako bat, euskara erabiltzeko dauden aukeren berri ematea izanik, lantalde bat eratu genuen eta bertan urtean zehar egiteko ugari jarri badugu ere, informatika euskaraz erabiltzeko bideak erraztearena izan da lehena.
Badakigu, eta horren inguruan hamaika iritzi eta eztabaida izan dugu kanpaina burutzeko egin ditugun bilera mordoan, burutu dugun kanpaina motza dela, alde bakarra hartzen duela kontuan eta gainera askorentzat monopolioa den baten alde jokatu dugula ematen duela.
Hori guztia onartuta ere, honako hauek argi laga nahi ditut:
-Kanpaina eraginkorra egin nahi izan dugu
-Jende askori eragingo diona eta ez gai hauetan adituak direnei bakarrik
-Erraz eta merke egiteko bidea topatu dugu
-Gabonetan salduko diren ordenagailuen erosleei begira, batez ere umeei
-Lan gutxi eta konplikaziorik ekarriko ez duen modua
-Herriko dendariek finantziatua.
Honek guztiak ez du inondik inora bestelako ekimenik egingo ez dugunik esan nahi, bestelako kanpaina orokorrago bat egiteko euskarri oso handiak beharko genituzke, informazio ugari bildu eta zuek guztiok dakizkizuen horiek guztien berri jasotzea da hain zuzen ere gure helburua.
Horretarako urte osoko epea jarri dugu, datorren urteari begira.
Bitartean zuek bide hauek guztiak edo beste batzuk erabili nahi badituzue euskara “mundu honetan” barreiatu dadin, ongi etorriak, denon beharra dugu eta, euskaldun gehienok ordenagailuak erdaraz erabiltzen ditugu eta.
Hau guztia euskararen zabalkuderako izango delakoan eta ez bestelako ika-miketan sartzeko, segi lanean
Oskar
Bazter dezagun behingoz mitoa. Esaten duzu kanpaina eraginkorra egin nahi izan duzuela eta jende askori eragingo diona eta ez gai hauetan adituak direnei bakarrik. Bada ordua mitoa behingoz alde batera uzteko. GNU/Linux erabiltzeko ez da aditua izan beharrik. Windows bezain erraza da, edo gehiago agian. Sistema eragile hau probatzea oso erraza da Live-CD batekin. Live-CDak egiten duena zera da. Ordenagailua CD-ROM-etik abiarazi. RAM memoriara hardware igarle automatiko baten bidez instalatzen da sistema eragilea. Honek ordenagailuan inongo aztarnarik utzi gabe erabiltzea ahalmentzen du, bertan instalaturik dauden sistema eragile eta fitxategiak ukitu gabe. Agian terminologia honekin adierazita zaila dirudi, baina oso erraza da. Egin behar den gauza bakarra ordenagailua piztu eta CD-ROM-etik abiaraztea. Niri errazagoa iruditzen zain CD irakurgailuan CD bat sartu eta euskaraz dagoen sistema eragile bat erabiltzea hizkuntza pakete bat instalatzea baino.
Jende askori eragingo dio bai, baina uste dut monopolioa duen enpresa baten alde egitea ez dela ona. Begiratu zer gertatu zitzaien Maczale batzuei. Euren kabuz Apple etxeko Mac OS X sistema eragilea euskaratu zuten, applek sortutako aplikazio batekin eta Interneten jarri zuten (denon eskura), baina Apple-k debekatu egin zien Mac OS X Euskarazen artxiboak banatzea.
Uste dut, eta oker banago zuzendu, Euskarazko Interfazearen Paketeari buruz hari zarela. Microsoft-ek berak dioen moduan ez dago guztiz lokalizatuta. Euskarazko interfaze-paketea ez zaie sistema eragilearen osagai batzuei aplikatzen. Beraz sistema eragilea ez dute guztiz euskaratuta edukiko kanpainarekin bat egiten dutenek. Gainera zertarako euskaratu sistema eragilea gero egunero erabiliko duten programak (Internet nabigatzailea, ePosta kudeatzailea, ofimatika suita, berealako mezularitza…) ez badituzte euskaraz? Nik Windows erabiltzen nuenean nahiago nuen egunero erabiltzen nituen aplikazioak euskaraz egotea sistema eragilea bera baino. Azken finean, sistema eragilea delako eguneroko tresnekin lan egiten ahalbidetzen duena. Agian sistema eragilea euskaratuta edukitzea ekarriko du ordenagailuan erabiltzen diren programak euskaraz eduki nahi izatea.
Bukatzeko, jakin beste ekimen batzutarako laguntzarik behar izan ezkero laguntzeko prest nagoela.
Epa ,
Pozten nau hainbeste dakien jendearen berri izateak. Barkatu, baina zuk esan duzun bezala, hiztegi tekniko dela, eta gai hauetan analfabetoa izateak, piperrik ere ez dut ulertu zuk esaten duzunari buruz.
Halere, ondo ulertu badut, CD baten bidez eta modu errezean bestelako guztiak(eta ez bakarrik pantailan agertzen dena)euskaraz egiteko aukeraren berri izatea ezinbestekoa zaigu denoi.
Lanean jarraitzeko asmoa dugunez gero, gaiari heltzen diogunean berriro, deituko dizugu eta elkartuko gara, beste aditu batzuekin batera, zer nolako kanpainak, lanak, dibulgazio, mahai inguru edo dena delakoak egin daitezkeeen eztabaidatzeko eta euskara teknologia berrietan nola bultzatu dezakegun erabakitzeko. Pausoz pauso eta ohiturak aldatuz lortuko dugulakoan
Mila esker
Oskar
Zuen udaletxeetan ez dago informatikaririk? euskalduna da? euskara grina badu? komentatu berarekin eta landu gaia. Edo nola funtzionatzen duzue beste batzuetan?
Ez diozue LKSri inoiz laguntzarik eskatu? ordaindu duzue?
edo euskara bada gaia ez dago ordainpeko aholkularitzarik?
Pentsatzeko gaiak.
Kaixo, arratsalde on:
Guztia irakurrita, bi argibide, gutxienez, eman behar direla uste dut:
– Dendetan banatuko duten CD-an Microsoft-en bi programa edo aplikaziotarako partxeak daude: Windows XP sistema eragilearentzat, bata, eta, bestea, MS Oficce 2003 Edition-erako (word, excel eta abarren interfazeak euskaraz ikusteko).
– Hau ez da Udalaren ekimen bat, hau Arrasateko Euskalgintzaren ekimena da. Arrasateko Euskalgintzan entitate hauek daude: AED Elkartea, Arizmendi ikastola, Arrasateko BHI, Arrasateko Herri Eskola, Arrasateko Udala, Euskal Herrian Euskaraz, Ekin Emakumenak, Emun Koop.E., Erdu AEK euskaltegia, Euskalan elkartea, Goiena komunikazio zerbitzuak, Mesedeetako Andra Maria ikastetxea eta Txatxilipurdi elkartea.
Oskarrek esan duela uste dut, baina, aipatu, hau kanpaina bat dela, lehena, eta pakete informatikoak euskaraz erabiltzeko beste kanpaina batzuk ere izango direla urtean zehar.
Ondo izan eta hurrengora arte.
Esan al dut idatzitako sarreran Arrasateko Udalaren ekimena dela? Arrasate Udala ez da sarreran edo erantzunetan agertzen.
Arrasateko Udala eta LKS aipatuta agertzen dira irakurle batek botatzen dituen galderetan. Ez da Arrasateko Udalaren ekimen bat izan Arrasateko Euskalgintzarena baizik. Ez dut ulertzen LKS zergatik agartzen den. Aholkularitza Enpresa bat da baina zertarako ordainpeko aholkularitza euskararen alde bolondres ugari egonda?