Nork nahi ditu Ubuntuak?

15 Ubuntu eskatu ditut.

15 Ubuntu eskatu ditut.

GNU/Linux zure ordenagailuan probatzeko beste arrazoi bat gutxiago. Agian burutik pasa zaizu sistema eragile hau probatzea. Banaketaren bat deskargatzeko konexio motel bat duzulako edo ISOak nola erretzen diren ez dakizula? Canonical erakundeak Ubuntu CDak bidaliko dizkizu etxera, edo nahi duzun tokira eta DEBALDE gainera. Duela ia hilabete egin nuen eskaera eta gaur heldu dira etxera. Nahi al duzu Ubuntu bat? Eskuzabal naizenez soberan ditudan Ubuntu CDak oparitu dizkizut. Nire eskaera

Nik azaroaren 19an eskatu nituen 15 CD (10 PC-rako, 3 64-biteko PC-tarako eta 2 Mac-erako) . Azaroaren 23an eskaera onartu zuten eta gaur goizean heldu zaizkit etxera. Gutun-azal barrubigun txuri batean. Zabaltzerakoan eskatutako Ubuntuak barruan.

Nahi al duzu zuk bat?

Esan dudan moduan nik 15 CD eskatu ditut. Eta noski ez ditut denak behar. PC eta Mac-eko CD batekin nahikoa dut. Beraz soberan ditut PC-rako 9, 64-biteko PC-tarako 3 eta Mac-erako beste bat. Zuk nahi al duzu bat? Egin eskaera lasai. Horretarako blogeko kontaktu-orriako formularioa bete eta gaian Ubuntu bat nahi dut (edo horrelako zerbait jarri) esan zure ordenagailuaren arkitektura eta zurekin jarriko naiz kontaktuan. Eskaera asko baditut kronologikoki banatuko ditut Ubuntuak bukatu arte.

Eguneraketa 2005/12/18

53R61-ren weblogeko Sergiori ere heldu zaizkio Ubuntu batzuk. Berarekin kontaktuan jarri nintzen proposamen bat egin nion. Biok ditugunez Ubuntuak banatzeko berak Larrabetzu eta Bilbo aldean banatuko ditu eta nik Arrasate eta inguruetan.

Eguneraketa 2006/01/03

Gaur izan naiz Bergarako Gaztetexeak antolatzen zuen GNU/Linux: hitzaldia, dokumentala eta filma eta nituen Ubuntu guztiak eta 53R61-ren weblogeko Sergiok emandako batzuk eraman ditut gendeak propa zezan. Ubuntu gabe gelditu naiz.

Imamon

Hau Arrasateko Imanol Soriano diseinugile grafiko, argazkilari eta blogariaren porfolioa da.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude