Gaztetxokoak

Oso giro polita dago Erdiguneko Gazte Gunean azken aldian. Harreman politak daude, eta beti zerbait egiteko gogoz gabiltza!

Aurreko asteburuan inauteritako prestaketak amaitutzat eman ditugu. Dagoeneko prest gaude inauteritarako! Sormen handiko erabiltzaileak ditugu gurean, eta hain dira trebeak, haien eskuekin sortu dituztela mozorren apaingarriak. Talde batek fimo erabilita urre koloreko eraztunak sortu zituen. Beste batzuk, mekaniko mozorroa osatzeko erramintak egin zituzte.

Aspertzeko gogorik ez daukagu, eta dantza eta kantuan pasa dugu asteburua. Karaokea antolatu dugu Erdiguneko oholtzan gazteek haien kantari sena atera dezaten. Izugarri ondo pasatu dugu!

Futolin, pinpon, mahai jolas eta baloiarekin jolasak ere ez dira falta izan pasa den asteburu hontan.

Honetaz gain film bat ere izan genuen ikusgai, gazte batek ekarrita: “Lasa eta Zabala”

Datorren asteburuan inauteriak ospatuko ditugu Gaztegunean, eta jaiaren parte izatea atsegin dugunez, zapatuan mozorro desfilean partehartuko dugu, gero, lagun artean bazkaldu eta gozatzeko aukera izango dugu. Animatu parte hartzera!

Negu xuabea badugu ere, espero dugu otsailaren 27rako Ezkarayko parajeetan elurra egotea (eta hemengoetan ere… behin eskatzen jarrita …) … izan ere, egun horretarako ESKI eta SNOW IRTEERA antolatu dugu Gaztetxokoetatik.

Goizean goiz irteteko asmoa daukagu eta gauerako itzuliko ginake egun guztian zehar pistetatik zehar ibili ostean. Gainera, Aretxabaletako eta Eskoriatzako Gaztelekukoekin batera joango gara Ezkaray abordatzera! Autobuskada ederra joango gara!

Zabalkundea martxan daukagu jada Arrasateko gazte guztiengana iristeko helburuaz. Baina, adi, izen ematea OSTIRALERA ARTE ez da irekiko. Beraz, argi ibili plaza mugatuak baitaude!

Etorri Gaztetxokotara eta informatu zaitez!

Inauteriak gainean ditugu! Aste bete besterik ez da falta eta, irrikaz gaude zapatua heltzeko!

Herriko desfilean parte hartuko dugu eta ondoren, gazteentzat GAZTE BAZKARIA antolatuko dugu Erdiguneko Gaztegunean.

Bazkarirako sarrerak eskuratu nahi badituzue, hurbildu Gaztetxokotara! Asteburu hau izango da azkena tiketa eskuratzeko!

Asteburu honetan ere gelditu barik ibili gara Erdiguneko Gazte Txokoan!

Aurreko asteburuetan bezala, inauteriak prestatzen jarraitu dugu, karrozak eta baita mozorroak ere. Oso fin gabiltza aurten eta ia dena prest daukagu sormenaz eta algaraz beteriko festa honetaz gozatzeko! Asteburu honetan Inauteritako Gazte Bazkarirako tiketak eskuratzeko azken aukera izango da. Etorri erdigunera eta eman izena!

Tailer berezi bezala, Gore tailerra izan dugu igaro den asteburu honetan. Gezurretako haragi eta odolaz baliatuz, zauri odoltsuak irudikatzeko aukera izan dugu. Gazteek beldurrezko filmetako makilatzaile paperean sartu, nazka alde batera utzi eta edonor beldurtzeko moduko efektuak lortu dituzte!

Txapak egiteko makina ere eraman genuen Erdigunera, eta honekin gure jantziei alaitasuna emateko apaingarri pila sortu genituen.

Lagun arteko giroaz gozatu dugu, eta oso gustura ibili gara mahai jolas ezberdinekin barre algaran!

Igandean momentu unkigarri bat ere bizi izan genuen; gazteek kalean galduta zebilen txakur bat aurkitu zuten, eta hau zaintzen egon ginen bere jabea aurkitu eta biak berriz elkartu arte. Arduratsuak benetan gazteak!

Asteburu honetarako ere ekintza eta gozatzeko gogoz gaude! Animatu parte hartzera!

Asteburu honetan dagoeneko hasi gara inauterietarako lanean, jo eta su ibili dira gazteak karrozari forma ematen. Hasi gara gure ibilgailua osatzen, kartoietan formak egin eta margotuz. Beste taldetxo batek haien mozorroak egiten jardun du.

Datorren asteburuan inauteritan gauzatuko den gazte bazkarrirako izen ematea zabalduko dugu, beraz, interesa izanez gero, etorri Erdiguneko Gaztegunera eta eman izena 3€ren truke!

Aurreko astean hasitako gauzekin ere jarraitu fugu; muralarekin ere gogotsu gabiltza eta asteburuan jarraitu dugu atzeko lokalari itsura berria ematen. Egindako eskulanak behin leortuta, margotu egin genituen aurrekoan.

Hankapaloek hainbat gazte erakarri zituzten, eta ederto ibili ziren alde batetik bestera ohikoa baino garaiago.

Film emanaldia ere eskeini genuen, oraingoan “A escondidas” izan genuen  ikusgai, bi gazteren harteko harremana kontatuz arrazakeria eta homofobia bezalako gaiak lantzen dituen pelikula.

Asteburu honetan ere ekintza eta gozatzeko gogoz egongo gara, beraz, animatu parte hartzera!

Aurten inauteriak goiz datoz, eta dagoeneko denok daukagu buruan mozorroren bat edo beste. Erdiguneko Gaztegunean ere, urtero lez, mozorrotu eta karroza eraikitzeko asmoa daukagu. Iada egin dugu taldetxoa mozorrotzeko, erabaki dugu mozorroa eta egin dugu karrozaren diseunua.

Atzeko lokala tailer bihurtuko dugu datozen asteetan lanari ekiteko. Mozorroak zein karrozak egiteko tresnak eta laguntza izango da bertan, beraz, animatu inauterietarako gurekin prestatzera!

Gaztegunea oso bizi dago eta denetik egin dugu asteburuan! Atzeko lokala itsuraberritzen dabiltza gazteak, proiektoreaz baliatuz hainbat hormatako irudiak aldatuz. Fin-fin dabiltza!

Gaztak artista batzuk dira, eta muralaz gain, sorkuntza asko daukate. Globo batzuk eta periodikoa hartu eta momentu batean eskulan bat inprobisatu zuten!

Film emanaldia ere eskeini dugu. Asteburu honetan “Yo soy Sam” izan dugu ikusgai, oso pelikula polita, gustora ikusi genuena eta edonorentzat gomendagarria.

Gainera, guzti hau gutxi balitz, betiko baliabideek arrakasta izan dute: wii dance, mahai-jolasak, pinpona eta futbolina.

Gaztegunean ez gara aspertzen! Animatu parte hartzera!

Urte berria hasi dugu erdigunean, baina betiko gogo eta ilusioz ekin diogu!

2016ko lehen asteburuan, gabonak oraindik bukatu gabe, ekintzarako gogoz etorri gara.

Denetarik egiteko astia izan dugu asteburuan; Atzeko lokala itxuraberritzeko asmoa daukate gazteek, eta horretarako murala aldatzea erabaki dugu. Picassorean Gernika arte-lana gure hormetan islatuko dugu. Artista batzuk eginda daude gazteak!

Pelikula emanaldia ere eskeini genuen, Intocable filma ikusi genuen.

Gainera asteburu guztian zehar, mahai jolas desberdinetan, pinponean, futbolinean… ibili gara.

Asteburu honetan inauterietara begira jarriko gara. Animatu gurekin batera festaz gozatzera!

Asteburu honetan ekintza desberdinak egin ditugu. Alde batetik, gabonetako egitarauaren zabalkundea egin dugu. Animatu eta parte hartu gabonetan dauden ekintza berezietan parte hartzera!
Gainera asteburu guztian zehar, mahai jolas desberdinetan, pinponean, futbolinean… ibili gara.
Bestetik, larunbatean bidaien kronika izan genuen. Txefo etorri zen Tailandiara egindako bidaia kontatzera. Bertan bizi izandako esperientzia eta abenturak azaldu zizkigun. Oso gustura egon ginen eta giro ederra sortu zen. Asko gustatu zitzaigun Tailandiaren berri jakitea eta bertako argazkiak, historia… ezagutzea. Eskerrik asko Txefo!!
Asteburu ondo amaitzeko asmoz, igandean fimo tailerra izan genuen. Gustura ibili ginen eta gure sormena erabiliz arratsalde guztian zehar gauza pilo bat egin genituen. Parte hartzea oso ona izan zen! Artistaz beterik dago gazte lekua!!
Asteburu honetan ere ekintza desberdinak egingo ditugu, beraz, animatu eta etorri gurekin batera ondo pasatzera!!

Asteburu hau luzea eta nahiko lasaia izan da. Ohiko ekintzak izan dira nagusi, besteak beste, futbolina, pinpona, mahai jolasak, karaokea, dantza saioak… Oso giro polita izan dugu eta gure arteko harremanak hobetzeko eta sendotzeko aukera izan dugu.
Hortaz gain, Arce raperoaren kontzerturako 8 sarrera banatu genituen. Galdera desberdinak eginez, erantzun zuzenen artean sarrerak zozketatu genituen. Ondo pasa kontzertuan!!
Beraz, abendua giro politarekin hasi dugu!! Oraindik urtea bukatzeko ekintza desberdinak falta dira!! Animatu eta etorri gurekin batera!!