Kalea. Horrela deitzen zaio Arrasaten erdialdeari, atzetik auzo hitza ez daraman herriko alde bakarrari. Izan ere, Arrasaten bi alde daude: kalea eta auzoak. Gainera, auzoetan batzuk hiri-auzoak dira; beste batzuk, berriz, baserri-auzoak. Kalea erdialdea da eta auzoz inguratuta dago. Horregatik-edo Arrasaten Kalera joatea ez da kalera joatea erdialdera joatea baizik. Arrasaten alde zaharra Kalean dago. […]
Graffitien, pintaden eta pankarten indarra aipatu nuen lehengo batean ere, Arrasateko kaleetako paisaian duten indarra, alegia. Aspaldiko urteotan kaleak txukuntzeko ahaleginak egin badira ere, hor segitzen dute graffitiek eta enparauek bere mezua bidaliaz. Graffiti eta pintada guztiak ez dira berdinak, ordea. Duela gutxi graffiti artistikoak batzen dituen argazki bilduma jarri nuen blogean. Gaur, berriz, preso […]
Arrasate mendiz inguraturik dago. Alde guztietatik, gainera. Horixe da, hain zuzen ere, gurera bisitan datorrenari lehenengo-lehenengotik atentzioa ematen dioten gauzetariko bat. Izan ere, orografiaren malkarrak indar handia ematen dio Arrasateri, nortasun berezia. Arrasate inguratzen duten mendietan, ordea, bada bat besteen gainetik nabermentzen dena: Udalatx. Arrasateko paisaiaren osagarri garrantzitsua da Udalatx, beti begi bistan dagoen mendia. […]
Arrasateko auzo guztiek dute berezitasunen bat. Bertako bizilagunen ustez, Ziorla ez da auzoa herria baizik. Bedoña, berriz, Arrasateko auzoa da, baina duela 60 urtera arte Aretxabaleta zen. San Andres Arrasateko auzorik jatorrena da, auzo horretako bizilagunen iritziz. Zein da, ordea, Uribarri auzoaren berezitasuna? Izena. Zein da auzo horren izena: Uribarri ala Erguin. Izan ere, aurten […]
San Andres Arrasateko kale-auzoetako bat da, Aretxabaletarekin muga egiten duena. Etxeorratz gehien dituen auzoa da. Izan ere, hiru etxeorratz erraldoi ditu, guztira: Udalaitz dorrea, Txindoki dorrea eta Arrasate dorrea. Hori dela eta, biztanle-dentsitaterik handiena duen auzoa da. Batzuek diotenez, Manhattan baino biztanle-dentsitate handiagoa du San Andresek. Ulgor kooperatibaren lehenengo egoitza Gasteizen egon bazen ere, 1959an […]
Bedoña baserri giroko auzoa da. Bertan ez dago ez lantegirik ez etxe blokerik. Horregatik, alde batetik, eta bertako naturaren ederra dela eta, bestetik, Arrasateko auzorik politenetariko bat da. Orain dela gutxi arte Aretxabaleta zen, baina 1966. urtean Arrasaten integratzea erabaki zuen. Bedoñako eliza, Santa Eulalia eliza, antzinako gaztelu edo dorretxe baten gainean eraikita dago eta […]
Aspaldi honetako santamas egunik jendetsuena izan da aurtengoa, eguraldiak eta larunbatean egokitu izanak lagunduta. Hemen duzu aurten santamas egunean egindako argazki sorta.
Arrasateko Udalaxpe txistulari elkarteak antolatutako Leintz bailarako III. Txistulari Eguna izan zen joan den urriaren 27an. Eguraldi eskasari aurre egin, eta 60 bat txistulari elkartu ziren goizean goizetik kalejira, hamaiketakoa eta kontzertua egiteko. Ordubeteko saioa egin zuten Arrasateko Herriko plazan. Eskoriatza, Aretxabaleta, Leintz-Gatzaga, Antzuola, Oñati eta Soraluzeko txistulariak batu ziren Arrasatekoekin batera Txistulari Eguna ospatzeko. […]
Gure bailaran gero eta mahasti gehiago dago. Duela gutxi arte, Araba edo Nafarroa aldera joan beharra zegoen mahastiak ikusteko edo, bestela, kosta aldera, Getaria aldera. Aspaldi honetan, ordea, baserritar askok landatu dituzte mahastiak Debagoienean. Arrasaten, Oñatin eta Bergaran, esatebaterako, nahiako errotuta dago txakolina egiteko ohitura. Dagoeneko bailarako ia herri guztietan daude mahastiak. Leintz-Gatzagan ere bada […]
Udazkenean garela eta, hemen dituzu azaroan egindako argazki koloretsu batzuk.