Quantcast

Kulturola

Kulturola. Hori da Arrasateko kultur elkarteek aurki egoitza izango duten eraikinaren izena. eta Kulturola izango da Arrasateko kultur proiektu askoren sorlekua eta tailerra aurrerantzean.

Duela 5 urte erabaki zuen Arrasateko Udalak Union Cerrajera de Mondragonen eraikin nagusia eraberritu eta Arrasateko kultur eragileen esku jartzea, zeinek bere proiektuak gara ditzan, aurki hartuko ditu udal euskaltegia eta 18 kultur elkarte.

Eraikina ederra da, ondo eraberritua, eta zerbitzuz egoki hornitua. Baietz berandu gabe ezinbesteko erreferentzia bihurtu, gure bailarako Gugenheim txikia. Merezi bai, behintzat.

Hona hemen Kulturolako argazki sorta txiki bat, eraikina bisitatzean egindako argazkiekin osatutakoa.

atauri

Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.

Comments Are Closed