Quantcast

Sailkatugabeak

Txindoki 2022

Txindoki gure bailaratik gertu samar dugu: Oñatitik Larraitzera, adibidez, ordubete eskas dago eta bidea ona da. Hala ere, ez da gure bailarako mendizaleek gehien bisitatzen duten mendietako bat. Ez da zaila igotzen, baina aldapa pikoa du, oso pikoa. Aldian behin igo ohi dugun mendia izateaz aparte, Txindokik badu xarma berezi bat oso ikuspegi politak dituelako. […]

Andarto

Gure bailarako mendi ezagunetako bat da Andarto. Zaraiako mendilerroan dago, Degurixa gainean, Aretxabaleta eta Oñatiren arteko mugan. Urteko edozein sasoitan joanda ere, beti bilatu daiteke bide berri bat bertara iritsi eta tontorrera igotzeko. Felipe Uriartek harkaitzez harkaitz igotzea maite du, bide berriak urratuz eta ezagutuz. Hemen duzu 2020ko abenduan Andarton egindako argazki sorta txiki bat. […]

Belarretan

Dagoeneko hasita daude gure bailarako baserrietan belarra ebaki, sikatu eta batzeko lanak. Zer eguraldi egiten duen aurreratu edo atzeratu egiten dira, jakina. Eta, gaur egun, makinak erabilita askoz samurrago egiten diren lanak dira. Oñatin hainbeste baserri egonda, garai honetan ohikoa da zelai denetan mugimendua sumatzea, jendea belar lanetan ikustea, alegia. Argazki hauek Goiko Bentan eginda […]

Behorrak

Maiatzean hasten da Oñatin aziendak beheko larreetatik Aloña eta Urbia aldera eramateko sasoia. Bailarako beste herrietan Degurixa, Kurtzebarri, Alabita edota Jarindo aldera eramaten dute abeltzainek ganadua. Ardiak, behiak eta zaldiak izaten dira gehienbat, inoiz ahuntz-talderen bat ikusten bada ere. Behorrak beti bazkatu izan dira gure basoetan, baina aspaldian moxalen prezioak gora egin duela eta, ugaritu […]

Chateau Smith Haut Lafitte

Bordele aldean dauden upategietako bat da Chateau Smith Haut Lafitte, ez nolanahikoa baina. Mahastiak dauzka upategi ondoan, eta ardo onak eta bereziak egiten ditu bere mahatsarekin, mundu osoan ezagunak diren ardoak, hain zuzen ere.Upategiarekin batera hiru jatetxe dauzka, eta Caudalie kosmetika marka ospetsuaren egoitza ere bai. Ez dago urrutira joan beharrik paraje ederrak aurkitzeko, eta […]

Aloña elurpean

Aurten, iaz ez moduan, elur gutxi egin du. Joan den astean azkeneko aldiz, eta mardul bota zuen. Bailarako tontor denak zuri daude, egunotan elurra kendu badu ere. Aloña ez da elur gehien izaten duen mendia, baina oraingoan 40 cmtik gora bota du. Artzanburun eta Urbian gehiago bota du. Asteartean giro ona zegoela eta, Aloñara joan […]

Urbian lainpoean

Eguraldia da gure aisialdia baldintzatzen duten faktoreetariko bat. Faktore nagusia, esango nuke nik. Etxetik irten aurretik, zer eguraldi egin behar digun begiratzen dugu beti, bizpahiru aldiz, badaezpada ere. Eguraldi ona nahi izaten dugu aire zabalean ibiltzen garenean. Mendira joateko, ordea, ea beste edozein eguraldi egitea nahiago dut, euri zaparrada izan ezik. Behelainoa, adibidez, ikaragarri gustatzen […]

Itziar Navarro kantari

Joan den larunbatean, martxoak 26, Uliako parkean udaberriari ongi etorria emateko festa antolatu zuten lagun batzuek. Pertsia aldeko kulturetan (Kurdistan, Azerbaijan, Iran…) urte berria udaberriaren hasierarekin ospatzen dute. Hori dela eta, Itziar Navarro abeslariak –Eia Trioko partaidea- kontzertua eman zuen, eta iraultza-kantak abestu zituen, Mexiko, Txile, Kuba, Kolonbia, Italia, Katalunia, Portugal, Euskal Herri eta Kurdistangoak, […]

Ganalto

Ganalto, Atxabal eta Olazar ezezagunak dira gure bailaran, eta gure bailaratik kanpo ere bai. Izatez, Zuia aldeko mendi tontorrak dira, Murgia eta Gasteiz artean daudenak. Murgiak auzune asko ditu, txiki-txikiak denak ere, eta, garai batean baserriz osatuta bazeuden ere, gaur egun etxebizitza gehienak txaletak dira, eder askoak. Txango polit bat egin nahi izanez gero, horra […]

Kurtzebarri

Aretxabaletako gailurrik ezagunena da Kurtzebarri, oraingo kurtzea ipini aurretik Zaraiako gaina zeritzona. Bailarako herri gehienetatik ikusten da, baina Aretxabaleta eta Eskoriatza aldeko ikuspegia da politena. Eguraldi onarekin bailara osoa ikus daiteke tontorretik. Lainoarekin, berriz, ikuspegiek badute magia moduko zerbait. Hemen duzu joan den astean Kurtzebarrin egindako argazki bilduna.

loading