Hileko artxiboak: otsaila 2010

ORAINGOAN ANDERLECHT

Utzi erantzuna

Oraingoan Anderlecht etorriko da Bilbora. Garai bateko UEFA edo gaur egungo Europe League izenez ezaguna den txapelketaren 1/8ko kanporaketa izango da gaur gauean.

Unibertsitatetik iritsi berri naiz eta belgiarrak jada kalean daude, kantuan eta edalontzia gora eta behera; gargardo itzelak edanez. Ez dakit zein hizkuntzatan abesten zuten, baina ez diet tutik ere ulertu, akaso Vlaemsch delakoan ibiliko ziren.

Athleticen zapiak ere milaka taberneta jarri dituzte, baten batzuek kamiseta jantzita daramate, nabari da gaurkoa berezia izango dela. Bilbon futbol partida berezia (kopa edo europear txapelketa) dagoenean kaleek nabari dute.

Zer gertatuko da? Ez dakit, partidua nahiko parekatuta baitago, hala ere guk taberna zuloren batean ikusteko plana egin dugu.

DONUSTIARRA JATEKO GOGOZ?

Utzi erantzuna

Donustiarra bai ongi irakurri duzu, ez dut donostiarra idatzi “Donustiarra”; horixe baita Nestor Rebollok asmaturiko azken jakia.

Donostian asmatutakoa eta krisiari aurre egiteko ideiarekin sortu du, berez donuts baten antzekoa da, baina etxean egindakoa eta 1,20€tan saltzen dena. Zergatik prezio horretan? Donostiako Eguna urtarrilaren (urteko lehen hilabetea) 20an ospatzen delako. Donuts baten antzekoa da, baina gainetik belgiar txokolate zuria dauka, eta honen gainean urdinez osaturiko “U” itxura duen jakia. Alegia, guzti honek Kontxako badiaren itxura izan dezan.

Argi dago burua ederki erabili duela Nestorrek, seguru donostiar askok gosaltzeko Donustiarra jango dutela. Donostiako koloreak, Errealaren koloreak … ez da ez, txantxetako ideia. Jada Donostian, Cachón taberna-jatetxean aurki dezakegu, dastatu dutenek betiko donutsa baina gozoagoa dela diote. Zer asmatuko dute orain Bilbotarrek?

webgune ofiziala | donustiarra |

ESKERRAK BILBOKO UDALETXEARI

Utzi erantzuna

Bilblogari  lehiaketan parte hartu nuen, ez nuen irabazteko esperantzik eta ez pentsa irabazi nuenik; baina pozik nago zeren badirudi geroz eta euskal blog gehiago daudela euskal blogosferan.

Eskerrak eman behar dizikiot Bilboko Udaletxeari eta batez ere, Euskara Zinegotziari, bidali didan eskutitzagatik. Ilusio handia egin dit eskutitz bat jasotzeak eta barruan 1GBeko pendrivea aurkitzea; lehiaketan parte hartzeagatik eskertzeko modu bikaina. Kasualitatea izango da, baina duela aste batzuk pendrivea galdu nuen, eta oraingoan opari modura beste bat aurkitu dut Bilboko etxeko postontzian. Eskerrik asko.

TANDEM PROGRAMA

Utzi erantzuna

Deustuko Unibertsitateak aterako Tandem
Programaren berri izan dut, ez nuen programa honen berririk,
kasualitatez ikusi dut berria; orain azterketen emaitzak ikusteko garaia
dela eta.

Tandem Programa erasmusean etorri den beste
ikasle batekin bere ohiko hizkuntzan hitz egiteko aukera eskeintzen du,
guk gure hizkuntzan hitz egingo dugu ordu erdiz; hau da, Tandem-kidearekin
ordu batez egoteko aukera izango dut eta denboraren erdia bere
hizkuntzean hitz egingo dut eta beste erdia gazteleraz. Hikuntzak
praktikatzeaz gain beste herrietako ohiturak ikasteko aukera paregabea
iruditu zait, nik frantsesa aukeratu dut, (inglesa Bilbon ikasten ari 
bainaiz eta nire maila ez baita batere altua) nik uste hobe probestuko
ditudala aukerak eta gainera duela asko frantsesa ez dutela ikasten, ez
zait gaizki etorriko berriro ere honekin hastea.

Tandem
Programari buruz informazioa bilatuz, beste Unibertsitateetan
erabiltzen dela ikusi dut, nik ez nuen ideiarik ere baina badirudi
Manchester edo ta Bartzelonako Unibertsitateetan duela denbora dexente
aurrera eramaten dela.

Euskal Herriko beste Unibertsitateetan
egiten ahal da horrelakorik? Esperientziarik edo baduzue? Seguru nago
oso aberasgarria izango dela.