Puri purian dagoen Web 2.0 zerbitzu berri bati buruz irakurri dut genbetan, Loturak izenekoa. Berez zerbitzuak ez nau asko harritu zeren eta ez du ezer berririk ekartzen eta inglesez antzekoak ditugu duela dexente; harrituta zera da, euskarazko izen bat izateak eta hizkuntz honetan zerbitzurik ez ematea, oraingoz behintzat, tristea oso.
Suposatzen dut jada ezaguna izango duzuela last.fm internet bidez entzun daitekeen Web 2.0 irratia. Berari esker zenbait musika talde ezagutu ditut, baina erabat txunditu nauen taldea Reel Big Fish izan da, Punk Ska musika gogoko baduzue hor duzue talde berri bat.
Badirudi orain hasten direla prisak. Bilboko Aste Nagusia jada hasita dagoenean. Orain etxean bakardadean ikasten nago, noski iraileko azterketak prestatu behar ditut; “nola ez, urtero bezala eta urtero okerrago prestatzen dituzu!” Bai izan leike. Ez dut ezetzik esango.
Baina aurtengo Uda oso ona izan da. Ez dut denborarik galdu mila lekutan izateko aukera izan dut, hala nola, San Ferminak, San Martzialak, Euskal14, Plentzia, Gorliz, Arrigorriaga, Donostia, Deloreanen kontzertua, itsasuntzian nabigatzen… orain datoz komeriak liburu artean ez ditut ordu gehiegi sartu eta sartu beharko nituzke. Orain beti bezala, korrika ea zer sartuko eta ea zer ez den sartuko baina hala ere saiatu beharko.
Hurrengo ikasturtean pixura eta oraindik zenbait gauz antolatu behar ditugu, baina guztion iritziz nahiago dugu orain azterketak egin, eta gero gauzak antolatu.
Nola ez, aurten herriko jaien %100a galduko dut, baina horixe da Unibertsitatean eta irailean izatea jaiak. Akaso gehiago nahi dut? Bada jada lanean jartzeko garaia.
Bai oraingoan badago zer ikusi telebistan, duela denbora asko ez zegoela pulamentuzko saiorik telebistan baina Dragoi Bolako marrazki bizidunak nork ez ditu maite?
Nik uste dut 85an jaiotako gazte guztiok ikusi genituela bere garain, ziurrenik beste askok ere ikusiko zituzten eta orain berriz ere ematea; bai oraingoan bete betean asmatu dute EiTBkoek 21:OO Dragoi Bola jartzen.
Azkenean aldatu dut mugikorra, kostata baina azkenean egin ditut egin beharreko paper guztiak. Lehenik Vodafone
koekin kontratua egin, gero SMSa jaso mugikorrean portabilitatea martxan zegoela esateko, eta ondoren beste SMSa Movistarren partez ea benetakoa zen portabilitate desio hori eta horrela balitz zenbaki batera deitu. Bertan 5 minutuz solasean ibili beraien eskaintzak entzuten, azkenean esateko pentsatuta nuela ez nintzela beraiekin geldituko.
Ondoren anaiak deitu die, ea eskaintzarik edo egiten zioten bere mugikorra ez baitabil oso fin, azkenean egindako eskaintzak ez du konbentzitu eta berak, Nokia 6280 hartu du; nik aldiz Samsung Z150 bat. Argi dago anaiarena hobeto dagoela, baina nik ez nuen dirutzarik utzi nahi eta aukeratutakoarekin aski daukat.