Goienkaria 2007.10.26
Lagunen bisitara joanda izan naiz
Valentzian eta hizkuntza kontuak ibili ditugu tartean.
Arazo handiak dituzte hizkuntza
normaltzeko. Batzuk aspaldikoak: etorkin gaztelar eta aragoarrek ia
elebakar bihurtutako zonalde handiak, edota gizartearen ekimen ahula
hizkuntza gaietarako. Arazo berri eta bihurriagoak, valentziar
aginteak berak eragin ditu: valentzieraren bereizkeria
katalanarekiko, hezkuntzan valentziera saihesteko erraztasunak,
erabilera diglosikoa hedabideetan, gaztelania etengabe hobesteko
joera…
Gu indartsuago ikusten gaituzte,
hezkuntzan eta lan arloan bereziki. Orain, baita toki hedabideetan
ere: Goienkaria eraman nion Ferran Suay-ri bere elkarrizketarekin,
eta aho zabalik entzun zituzten emandako datuak.
