Nire postan jaso dut hurrengo mezua eta, hona ekartzeko aproposa iruditu zait. Ez hona ekartzearren sinadura gehiago batzeko aukera izango delako; baina zabalkundea emateko bide guztiak aprobetxatze aldera, ba horixe, blogek ere balio dute. Mezua EuskoSarek abiarazi duen sinadura bilketari buruzkoa da, eta honela dio:
“Wall Street Journal-eko artikulu famatuari erantzunez honakoa prestatu dute Eusko Ikaskuntzakoek. Sinadura bilketa egiten ari dira Interneten bidez.
‘Euskara erabiltzen dut lanean barre egiteko, haserretzeko,
adiskidetzeko, akordiotara iristeko… Lagunekin eta familiarekin
komunikatzeko. Ikertzeko eta ikasteko. Esna eta lo, amets egiteko.
Nire seme alabekin jolasteko, pozteko, maitatzeko, zigortzeko,
eztabaidatzeko… Ligatzeko, maitasuna egiteko, ongi pasatzeko… Eta beste edozein hizkuntzatan egin daitekeen guztirako.’
Sartu hemen eta sinatu. Ea mezuek gainezka egiten dieten!
Zabaldu mezua.”.
