Eta jada 19 edizio bete ditu Korrikak. Nork esango zien AEK-ko kideei horrelako arrakasta izango zuenik. Herren jarraitzen dut, baina Aixerrota BHIko kilometroa egin nuen ikasle zein lankideekin. Romora jeitsi eta aitarekin bizikletaz, Areeta-Romo-Leioa ibilbidea.
Akileseko tendoia mozteko moduan daukat, baina ez du ardura. Korrika pasatzen den bakoitzean urduritzen naiz, hunkitzen naiz. Guztiok korrika gure hizkuntzaren alde, alde batera utzita gure ideiak, loturak…
Eta bi urte barru, nahiz eta herren egon, gripea eduki edo beste ezer egin behar, bertan egongo naiz. Gure hizkuntzaren alde korrika eta oihuka!
