BIDE ERTZEAN,

Asteazkenean Bilbora joan behar izan nintzen kontu batzuk zirela eta ez nuen aukerarik galdu Unai Elorriagaren azken eleberria erosteko: Londres kartoizkoa da. Oraindik ez naiz berarekin hasi, baina itxura ona dauka.

Liburuaz gain, diska bat ere etxeratu nuen. Bide Ertzeanen Leidor Sessions diska eta dvd-a. Urtarrilean grabatu zuten zuzenean, Tolosako Leidor aretoan. Itzela! Hasieratik jarraitu dudan taldea eta benetan, izugarri gozatu dudala dvd-a ikusten. Aspaldiko kantuei egindako konponketek merezi dute. Ubeda anaiek asmatu dute azken diskarekin.

Opari bezala jarri duten azken kantua, a capella abestuta, asko gustatu zait. Baina nire kantua izango dena, duda barik: Aurrez amestu gauetan. Entzuten dudan bakoitzean hunkitzen nauen kantu horietakoa.

Bide Ertzean

Kategoria: Sailkatugabeak Etiketak , , , . Gorde lotura.

2 Responses to BIDE ERTZEAN,

  1. egilea: txixtiburduntzi

    Aurrez amestu gauetan… bake hutsa. Kantu zoragarria da… eta talde hau Euskal Herriko talderik onenetarikoa, dudarik gabe…

  2. egilea: Nahikari

    Asko gozatzen dut kantuarekin, oroitzapen asko dakarzkit. Bakea, lasaitasuna,… gauza asko transmititzen ditu. Ubeda anaiak artista batzuk dira!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude