Quantcast

Pentsionistak martxan

Pentsionistok martxan gara. Izan ere, duela bost urte eta erdi ekin genion borrokari pentsio duinak lortze aldera. Gure eskarietako batzuk Pentsioen Erreformaren Legean jasota badaude ere, badira oraindik ere lortzeko ditugun aldarriak: gutxieneko pentsioa 1.080 euro izatea edo RGIren bidez pentsioak osatzea zenbateko horretara irits daitezen, besteak beste.

Hori dela eta, Euskal Herriko Pentsiodunen Mugimenduak martxa bat antolatu du Gasteizko Legebiltzarrari eskatzeko pentsio txikiak RGIren bidez osatzeko. Hiru zutabe osatu dira, Araba, Bizkaia eta Gipuzkoatik. Gipuzkoakoa Bergaratik abiatu zen, eta Eskoriatzaraino iritsi zen, Arrasate eta Aretxabaletatik pasatu ondoren.

Hona hemen pentsionisten martxan egindako argazkiak.

atauri

Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.

Comments Are Closed