Quantcast

Otsagiko dantzariak eta Iruñeko gaiteroak, Arrasateko gaiteroen 30. urteurrenean

Arrasateko gaiteroak urteurrena 2009 494

Aurten 30 urte bete dira lagun batzuek elkartu eta Arrasateko gaiteroen
taldea osatu zutela. Hasieratik hona lagun asko ibili bada ere, egun
bost dira gehienbat ibiltzen direnak: Esteban eta Enrique Dolara
anaiak, Edu Abarrategi, Lander Lorenzo eta Iñaki Barrena.

Gaita jotzen dute, Nafarroako gaita, eta, jakina, atabala. Iruñean ikasi zuten gaita jotzen, hango gaiteroekin.

Herriko jai guztietan ibili dira urteotan Arrasateko gaiteroak. Arrasatetik kanpo ere bai herriz herri, jairik jai. Duela urte batzuk Italian izan ziren, bi aldiz, Ortonovo herrian.

Aurtengo azaroaren 28an ekitaldi bat antolatu zuten Erdiko kaletik
lana aurkezteko. Taldeak 30 urteotan egindako ibilera irudi bidez
jasotzen du lan horrek bai eta propio grabatutako hainbat doinu ere. Ekitaldian Iruñeko gaiteroak eta Otsagiko danntzariak izan
zituzten lagun.

Hemen dituzu Otsagiko dantzariak, Iruñeko gaiteroekin batera, Arrasateko gaiteroen 30. urteurreneko omenaldia dela eta, kalez kale egindako emanaldian.

atauri

Joxefe naiz. Aspaldian horrela esaten didate etxean eta lagunartean. Jaiotzean, ordea, Jose Felix jarri zidaten izena eta Diaz de Tuesta eta Martinez abizenak. Makina bat urte daramat argazkiak egiten, plazer hutsagatik, gustatzen zaidalako, alegia. Aspaldiko hamar bat urteotan, argazkilaritza berrian hasi nintzen eta geroztik Kodak eta Fujifilm pelikulak erabiltzeari utzi diot. Etxea argazki albumez beteta daukat, eta ordenagailua, irudi digitalez. Hiru argazki liburutan parte hartu dut. Batzuetan editore moduan. Beste batzuetan editore eta argazkilari moduan. Baina nire argazkiak, batez ere, sarean erakusten ditut, gaur egun, nire ustez, Internet baita munduko erakusketa aretorik handiena eta, ziur aski, onena. Jendearengana iristeko aretorik onena bai, behintzat. Sarean nire goitizena Atauri da. Nire curriculum profesionala sarean dago. Beraz, norbaitek nire ibilbide profesionalaren berri jakin nahi badu sareko bilatzaileetara jo eta erraz samar aurkituko du daturen bat edo beste bere jakin mina asetzeko.

Etiketak: , , , , , , , ,

Utzi erantzuna

Zure e-posta helbidea ez da argitaratuko. Beharrezko eremuak * markatuta daude