Badirudi Eusko Jaurlaritzan serio hartzen ari direla software libreare aldeko hautua. Orain arte zalantza handiak izan ditut, norabide horretan emandako mugimenduak ez direlako gehiegi zabaltzen komunikabideetan (edo agian neu naiz komunikabideetatik urrun bizi dena…). Hego Poloan norabide berean goaz izotzetako arrakalak banantzen gaituen alde bietan, horri dagokionez, behintzat. Artikulu honen arrazoia zabalago ulertzeko, hobe zuzenean MarraPuntun irakurtzea. Agian bertan gehitu duten erantzunak ez du arrazoi falta, baina noizean behin ondo dator zer edo zertan sinestea, ezta? Inuzentearena jokatuko dugu oraingoan eta pentsatuko dugu urte batzuen buruan Eusko Jaurlaritzak software librearen bitartez egingo duela lan…
Dena dela, ondo begiratu artikuluak dakarren data, nik beranduegi irakurri baitut eta Marokotik itzuli naizenetik bigarren aldiz begiak errealitateari derrigortuta ireki. Amets polit honek ETAren meniarenak baino iraupen laburragoa izan du…
