Hegazti gripea heldu ei da Hego Polora. Hori diote, behintzat, komunikabideek. Baina pinguinook lehen bezain lasai eta pozik bizi gara. Murgil koitadu hori Bill Gates produktuek elikatua bide zen. Agian Microsoft alpistea, MSN garia, Outlook arrain-hirina…. Jan aurretik zer sabeleratzen den begiratu behar da!
Begiratu pinguinooi: hotzaren kontra lumaje eta koipe maila egokia izateaz gain, birus horien aurka txertatuta jaio gara! Eta jakina, ekologikoki hazitako OpenSource bokartak baino ez ditugu mokotik barrura onartzen. Hegazti ergela derizkute batzuek, bai; ea, beraz, noiz bihurtzen diren txori errukarri horiek gu bezain ergel!
