Category Archives: Sailkatugabeak

Praileaitz: ondo babestu biharreko ingurua

by arantzabal

Gaur urtzeko eguraldixa egin dau. Berua aitzaki hartuta egin dogu Saturraran aldera. Bidian, inoiz eibartarrak zerrendan aittatu dogun gai bat ekarri dot gogora: Praileaitz. Posta-trukia jarraittu dot distantziatik, inkulto totala naizelako gaixan. Ointxe, eta Gasteizko Blanketan egoteko inbidixa barik Praileaitz berbia sartu dot googlen: 15.900 erreferentzia. Redio! honek gaionek emon dau!

Eta topau dot erremintta ez euskaldunian egindako blog bat, Praileaitzen lagunena, WordPress-eko blogian datu zaparrada haundixa. Tonua: hasarre-informatibua. Sustatun, barriz, esplikatibuago: Praileaitz, Jaurlaritzak babestea pentsatu duena.

Akordau naiz harrobittik pasatzerakuan Elena Lakak aittatutakuaz. Horretxekin buruan fan naiz gaur hondartzara. Hala esaten dau Elenak mezu-trukian: gaur goizean, 10ak aldera, Eibartik Debaruntz nindoala, Sasiolako eliza baino piskatxo bat lehenago, obretako langileek eta Guardia Zibilak geratu gaituzte. Leherketa bat egin behar zuten kanteran. Hamar bat minutu-edo egon gara geldirik.

Pasoa berriro eman digutenean, 400 metro neurtu ditut pasoa mozten hasi diren tokitik kanterako sarreraino. Atentzioa eman dit, Dekretuak ezartzen duen edozein babes eremu baino handiagoa erabili dutelako autoentzat.

Akordau naiz, baitta be, zelan hiru lagun Kalbarixora bidian gindoiazela kriston eztandia entzun giñuan oin dozena bat urte inguru. Ba ixa bide ertzian, oin zelaixaren erdixan ikusten diran harrixak ikusi giñuazen bueltaka-bueltaka goittik behera. Demasa! Kontrolaua? ezta urrik be!

Gustoren, eta azalpen zehatzekin irakurri dot (titularrian Praileaitz aitxatzen ez daben arren) Luistxoren mapamovil-eko artikulua,  La Real apuesta por la cantera  Inork gura badau zer gertatzen diharduan jakitzia, azalpen sailkatuaz gain lotura pilla bat. Argazkixa aluzinantia! Nik berari harrapau dotsat, lizentzia interesgarrixarekin daukalako argazkixau.

Praileaitz

Anjel Lertxundik be idatzi dau Praileaitzen gaiñian. Askotan moduan zoragarri. Hori bai, ez jata bape gustatzen anonimo sinatuta (Elgeta, Riki eta batez be Peru) edozer esaten debenen estilua. Ez, ez dot gustuko politikarixei edozer esateko jarrera errez hori, eta gaiñera anonimatotik. Zaratia!  zeiñek siñatuko ete zeban Elgeta moduan…

Nere iritzixa

Uste dot Amenabarrek (webgunerik ez?) 2 hillabetian egingo leukela beste mendi bat jaten hasteko modua, klaro, harrixa baiño ez dagon mendi bat. Ze zulatu, zulatu biharra dago ze, hemen danok be zemento-umiak gara… Pintura rupestriak, paleolitua, agertutako kollarrak… ez-jakitun izanda be Praileaitz babestiaren alde bai, Aranzadi zientzia elkartiak esandakuaren harittik.  

Jabier Arantzeta

by arantzabal

Jabier ezautu neban firingalua zanian. Orduan ni kakamutikua nintzan eta bera Udaleko zinegotzi. Farandulerua, piparmiña, zirikatzaillia, ironia zalia, torerua, oso euskaltzalia, konprometidua herrixarekin eta Euskal Herrixarekin…
Asko ez dala, uztaillian, jaso neban bere barri e-posta bidezko harremanian. Zera  esaten zeban: “kaixo danoi: Bergarakua neri zoragarrixa pentsatzen jata”. Bergarako EAE eta Aralarren arteko elkarbizitza dokumentuaren gaiñian ziharduan. Gai politikuak gustau, eta gertutik jarraitzen zittuan Jabierrek.
Seguru nago fan dala DV-n eskelarik ez jartzeko esanda. Beti akordatzen naiz amorruz esaten zeban esaldixarekin: “Gipuzkuan ez dok iñor hiltzen Diario Vascon ez badok agertzen”.
Azkena, Asteleheneko Goienkarixan irakurri notsan, uztaillaren 23an. Inddar gutxikin eta ahots barik zebillen, burrukan; hala eta be, kolaboratzen jarraittu zeban Jabierrek. Haxe zutabetxua ekartzia pentsau dot blogera. Jabier, eskerrik asko eginddako lanagaittik.

Txantxa gutxi langileekin

Ikusten, berri inportanteak nondik ateratzen diren Espainiako politikan! Fiskal Nagusiak Espainan zer gertatu den jakiteko, famosotxo eta antzeko langile finak nola dabiltzan begira telebistan. Bat-batean, ofentsa eta iraina: printze-printzesak larrutan lehenengo orrialdean. Espainiak ezin du hau jasan, Borboiei ez ezik Espainia guztiari ere iraina da hau (ez dago garbi larrugorritan daudelako ala lanean ari direlako). Iraindu egin dituzte. Horrelakorik ezin da aldizkarietan jarri.

Niri, egia esan, aspalditik gustatzen zait El Jueves-en umorea. Denak esateko, esan beharko nuke euskaraz horrelakorik ez izatearen inbidia ere sarri izan dudala, gauza guztieti punta ateratzeko izugarrizko gaitasuna duelako. Eta orain, printze-printzesen larrualdiari punta atera diotenean iraindu dira guztiak.

Bestalde, beti pentsatu izan dut irainak, edo ironiak, ondo funtzionatzeko, egiaren pusketatxoren bat beti izan behar duela. Hau irakurtzen duzuenok biñeta ikusi baduzue ez dut zalantzarik nirekin bat etorriko zaretela biñetak egiaren zati dezentea duela; izan ere, hain dira langileak gure errege-erregiñak!

Eta Borboiak iraintzea besterik ez balitz! Ez dezala inork horrelakorik ikusi! Espainia osoa iraintzea litzateke hori! Horretarako daude Azuitegi Nazionaleko Epaileak (Jainkoaren ostean, gehien agintzen dutenak), eta aldizkaria, bahituta. Bizpahiru urte barru, beste Epaile orojakile batek esango du oraingo hau gehiegikeria izan dela eta dena bake santuan geratuko da, baina bitartean, eskandalaua!
Eta Egunkaria-koak beldurrez aidean. Epaileari okurritzen zaionaren beldur. Errezeloa daukat Del Olmo jaunak ere lan gehiago egingo balu, epai dezenteagoak idatziko lituzkeela, baina, horrelakorik ez dagoenez, oraingoan ere, okurritzen zaionaren beldur jarraitu beharko dugu.

            Jabier Arantzeta, Asteleheneko Goienkariako ‘Zorroztailea’ zutabetik.

Skype: duan berba egin zeinke, distantziak inporta barik

by arantzabal

Ordenagaillutik ordenagaillura duan berba egitteko programia da Skype. Egixa esan, PDA, eta beste aparato batzuekin be ba ei dabil. Nik ordenagailluarekin erabiltzen dot. Aluzinantia da, benetan. Berba egitteko fenomeno, eta webcamik badaukazue ez egin dudarik. Merkatuan dagon duako ahots IP programarik onena da. Ikusi! Propagandia ona erabiltzen dogunok egitten dotsagu: erraza dalako instalatzeko eta erabiltzeko, praktikua eta intuitibua dalako, duan, … iragartze-birala hauxe da, redio, ointxe egitten nabillena.

Zuk ez dozu erabiltzen? Ba 250 milioi lagunetik deskargatu dabe oingoz. Sartu skype.com helbidera eta deskargatu. Pro kontu bat be badago eta seguru ez dala txarra. Nik duakua baiño ez dot probau.

Aspalditxotik erabiltzen dot Skype, hauteskunde egunian telebistan be erabilli giñuan, zuzeneko konexiño batzuk egitteko. Ez da katai haundixek erabiltzen deben satelite bidezko sistemia, baiña bueno, ondo funtzionatzen dabela esango neuke. Erabilpen pertsonalerako ez dauka pegarik.

Blogian be jarri dot ikonotxo bat “deittu” esaten dabena. Nere Skypeko erabiltzaille izena iarantzabal da. Ni e-posta zaliagua naiz, baiña inbento honek hasiera-hasieratik nauka harrittuta eta gurian montauta dagon oligopolio honekin… komunitate geruau eta haundixaguarekin ba prezio politiketan eragin haundixagua. Jaun-andriok, ez dozue probauko!

Iñazio donea, ai ze gonorrea

by arantzabal

Honekin akordatu naiz gaur, Loiolako porrusaldarekin: “Azpeitiko mutila Iñazio donea, Azpeitiko mutila Iñazio donea, Hainbat atso gazteri jasoa gonea, Hainbat atso gazteri jasoa gonea, a zer gonorrea, Iñazio donea”. Kantuarekin errazago sartzen direla berbok buruan ez dago dudarik.

Disko hori kuttunen artean izan dut atera zenetik. Izugarria izan zen lehen aldiz ikusi  nituenean kantuan. Dezentetan zuzenean ikusi ditut eta irakurtaldi zein kantaldi demasekoak iruditu zaizkit. Elgetako Gaztetxean egin zuten emanaldia bi alditan, demasa!

Diskoa geratu zaigu ordutik. Euskal Herrian gutxitan egin den moduko diseinu zainduarekin. Trokelatua, ipuin bat barruan, kolorez lepo… eta edukiz jantzi.

Handik aterata, Apoaren edertasuna diskotik :

Loiolan ageri da
Eder basilika
Zeruko zergazainek
Sakela kilika
Kristo zintzilika
Eder basilika

Fonotekan ezinbestekoa.

Bik, behintzat, irakurri dute

by arantzabal

Jo, isil-isilean-edo zabaldu dut txoko hau eta bi sarelari handik irakurri dute aurkezpen mezu motz hori: Garik eta teketenek.

Eskerrik asko erantzuteagatik eta erantzuna anonimoa ez izateagatik. Pentsatu beharko dut anonimoekin nola jokatu, portzierto.

Blog hau… Ez dago sekreturik… Beroaldian sortutako blog honi hiru opor egunek jarraitu diote. Ez wifi ez Internetik ez zegoen herri txiki batean egon naiz, Espainian. Eskukoak ere ez zeukan estaldurarik, fenomeno! Baina etxera bueltatu eta zapata berri hauek ikusteko gogoa izan dut. Ikusi eta jantzi. Bigarren mezu hau idazten hasi naiz, nahiz eta badakidan Espainia aldean pasa ditudan egunak ez direla blogean kontatzekoak. Hori bai, hain ondo pasatu dut… hauek egunok gogoan edukitzeko dira, ez lau haizetara zabaltzeko.

Eta zalantza

Zeinendako idatzi dezaket hemen? herriko lagunendako, kuadrilakoendako, ezagunendako, maite ditudanendako, unibertsitateko lagunendako, Eskoriatzakoendako, lankideendako, sarearen bitartez ezagutu ditudanendako, ezagutzen ez ditudanendako… Nekeza! Bakoitzarekin modu batera komunikatzen naiz, ez ditut berba berak erabiltzen… eta ikasi dudanez, nork-zer garrantzitsua da, eta baita nori ere… Eta asmatu ezinda hasi naiz, zalantzatsu.

Bloga irakurri duten bi lagunen perfila bakarrik dakit eta hauei ezer gutxi daukat erakusteko, ezer ere ez. Biak ala biak munstro batzuk dira Interneten. Eskerrik asko irakurri eta erantzuteagatik.

Jardun, horixe egingo dut

by arantzabal

Hauxe lehenengo mezua blog honetan. Ez da lehenengo mezua, hala ere: Sustatun hasi ibilbidea, goiena.net oraingo lanbidearen zatia eta ordainpeko lanez gaindiko orduetan espaloia.com ere bai inoiz. Bizioz fakafaka.com en kolaboratu.

Orain arantzabal.com Eta zer izango den? ideiarik ez. Beroaldiak emanda atera dut bloga. Hiru egun eguzkitsu eta zast! berotu! Oporretako lehenengo eguna.

Ezagutzen dut erreminta eta orain publikatu ere egingo dut. Noiz, zenbat, zelan… Euskaraz idatziko dudala bakarrik dakit eta ez dakit beti estandarrean egingo dudan ere, ezta zuzen eta egoki egingo dudan.  Zalantza eta galdera konstantea izango da mezu-trukean eta lehenengoa post honetan bertan 😉