Aldapa handirik ez dago landetan, ez horixe!
Leondik Vieux Boucaurako bidea egin genuen aurreko larunbatean. Autoen bidetik joan ginen, baina itzulera bide gorri batetik egin genuen. Berez trenbide izandakoa zen bidea, baina gaur egun ziklable moduan jarrita dago.
Giroa mundiala eduki genuen, eta 35 kilometroak erraz egin genituen. Gainera, nirekin beste bi zetozen, eta biek mendiko bizikleta zaztarrak zeramatzaten, beraz, nik baino indar gehiagoz eragin behar zieten pedalei. Alegia, lasai egin nuela bidea.
Hala ere, iluntzean orkatileko minez egon nintzen (kotxearekin izandako istripuaren ondorioak!) eta hurrengo egunean ez nintzen joan lakuari buelta ematera… Orkatilari atsedena ematea egokiago iruditu zitzaidan.
